Frjáls verslun - 01.10.2008, Blaðsíða 18

F R J Á L S V E R S L U N • 1 0 . T B L . 2 0 0 8 19
það ekki hægt. Seðlabankinn segir nei við þá. Þið eruð læstir inni. Prófið
seinna.
Kannski er hægt að hringja í eigendur Krónubréfanna og semja við þá?
Við segjum bara við þá: Verið áfram á landinu góða og fjárfestið.
En hvaða erlendur fjárfestir vill vera áfram á Íslandi ef það eru gjaldeyris-
höft í gangi og hann gæti hugsanlega verið fastur inni í einhverju landi?
Erlendir fjárfestar hafa fílsminni – þeir gleyma seint.
Hann hugsar um vaxtamuninn
Þegar okkar maður, skattborgarinn, horfir á Krónubréfin og hvaða áhrif
„útrás þeirra“ gæti haft á gengi krónunnar, spyr hann sig að því hvernig
þessi blessuðu Krónubréf komu til. Jú, hann minnist þess að Íslendingar
gerðu út á háa vexti á Íslandi. Með því að hafa ofurháa stýrivexti á Íslandi
gerðu menn út á vaxtamuninn. Þess vegna voru erlendir fjárfestar svo æstir
í ofurháa vexti á Íslandi. En nú vilja þeir heim aftur. Gamanið er búið.
Hann minnist þess að það voru margir búnir að vara við þessum
vaxtamun og margir gagnrýndu Seðlabanka Íslands fyrir að gera út á
hann. Erlendur gjaldeyrir kom inn í landið, styrkti þannig krónuna og
hélt verðbólgunni niðri – en það var einhverju sinni helsta markmið
Seðlbankans.