Frjáls verslun - 01.10.2008, Page 47

48 F R J Á L S V E R S L U N • 1 0 . T B L . 2 0 0 8
➊ Forstjóri fjármálafyrirtækis:
Traust og heiðarleiki
„Þennan klassíska klæðnað, sem er
sígildur í fjármálageiranum, er gott
fyrir stjórnendur að nýta sér þegar
þeir þurfa að mæta á mikilvæga fundi
um fjármál. Dökkblá jakkafötin vísa til
valds, líkt og svart, en blátt stendur jafn-
framt fyrir traust og heiðarleika sem er
undirstrikað með ljósblárri skyrtunni.
Vínrautt bindið táknar sköpun og styður
við þá breytingartíma sem fjármálageir-
inn fer í gegnum um þessar mundir.“
Fatnaðurinn er frá Hugo Boss.

➋ Forstjóri framleiðslufyrirtækis:
Kvenlegur kraftur
„Svört jakkaföt eru klassísk hjá stjórnendum
og gefa þeim völd og virðingu. Þau eru sígild
og klæðileg þar sem einn litur frá toppi til
táar lengir og grennir líkamann. Til þess að
milda negatíf áhrif svarta litarins hef ég valið
ljósrauða blússu – sem gefur stílnum kven-
leika og setur punktinn yfir i-ið. Kraftur og
þol endurspeglast í rauðu en ljósari tónn
mildar áhrifin og veitir jafnframt vernd. Þegar
stjórnendur þurfa að ræða við ólíka ein-
staklinga um hin ýmsu mál er þessi stíll alltaf
öruggur.“ Fatnaðurinn er frá B&S konum.
➌ Ritstjóri:
Skapandi leiðtogi
„Ritstjórar vinna í skapandi umhverfi
þar sem starfsmenn þurfa frelsi og
svigrúm. Þeir þurfa því að klæðast
fatnaði sem virkar ekki of valds-
mannslegur. Ég hef því valið dálítið
óhefðbundinn ullarjakka og flauels-
buxur í stíl í brúnum tónum, sem
veita öryggi og vernd fyrir umróti
líðandi stundar. Ljósblár litur skyrt-
unnar eykur hugmyndaflugið og
sköpunarkraftinn.“
Fatnaðurinn er frá Calvi.
➍ Skólastjóri:
Ábyrgð og sköpun
„Þetta er kannski ekki hefðbund-
inn fatnaður fyrir skólastjóra
og frekar í frjálslegri kantinum. Í
umróti þjóðfélagsins um þessar
mundir er ábyrgð skólastjóra
mikil og því hef ég valið fjólubláan
jakka þar sem sá litur stendur
fyrir sköpun og andlegan skilning.
Vald og heiðarleiki er síðan und-
irstrikað með dökkbláa litnum í
pilsinu.“
Fatnaðurinn er frá Kúltur.
Viðeigandi fatnaður er mjög mismunandi eftir starfsstéttum.
Hér hefur Hildur sett saman klæðnað fyrir stjórnendur í ólíkum
atvinnugreinum þar sem hún skoðar m.a. þýðingu lita og hvernig
hægt sé að nota þá til að hafa þau áhrif sem sóst er eftir.
➊
➋
➌ ➍