Frjáls verslun - 01.10.2008, Qupperneq 67

68 F R J Á L S V E R S L U N • 1 0 . T B L . 2 0 0 8
Allt í jólapakkann
Höskuldur Jónsson var um tíma for-
seti Ferðafélags Íslands en á árum
áður var hann meðal annars forstjóri
ÁTVR og ráðuneytisstjóri fjármálaráðu-
neytisins.
„Okkur hjónum þótti sjálfsagt
að taka þátt í áramótaferðum
Ferðafélagsins þótt aldursbil mælti
á móti slíku. Ungt fólk var í miklum
meirihluta þeirra sem fóru í svona
ferðir – svo ungt að við gátum verið
foreldrar þess og vel það.
Mér er sérstaklega minnisstæð
ferð sem við fórum í Þórsmörk um
áramótin 1985–1986. Það hafði verið
mjög kalt dagana á undan. Krossá
hafði flætt yfir aurana og glærasvell
svo langt sem augað eygði. Það var
basl að komast yfir ána. Rúturnar
fóru oft niður um ísinn. Þá var ekki
stætt vegna hálku þegar fólk kom út
úr bílunum. Við mættum hressum
mönnum sem höfðu gengið frá
Landmannalaugum og höfðu sofið í
24 stiga gaddi eina nóttina. Þrátt fyrir
kuldann náðist góður hiti í skálanum
og við nutum dvalarinnar í ágætri
gleði á gamlárskvöld.“
Hópurinn eldaði sameiginlega
veislumáltíð og svo fluttu ferðafélag-
arnir heimatilbúin skemmtiatriði. Blys
voru tendruð og rétt fyrir miðnætti var
gengið að miklum bálkesti sem búið
var að hlaða við Krossá. Kveikt var í
honum og segir Höskuldur fólk hafa
notið þess að horfa í bálið, syngja og
stíga hringdansa. Síðan hélt hópurinn
í skálann og var dansað fram á rauða
nótt.
„Nýársdagur rann upp bjartur og
fagur. Við nutum þeirrar sérstæðu
náttúrufegurðar sem er í Þórsmörk
að vetrarlagi þegar snjór og ís ýkir
alla drætti í landslagi. Það var hreinn
unaður að vera þarna á ferð.“
Jólin koma
Höskuldur Jónsson. „Krossá hafði flætt yfir aurana og
glærasvell svo langt sem augað eygði. Það var basl að
komast yfir ána. Rúturnar fóru oft niður um ísinn. Þá var
ekki stætt vegna hálku þegar fólk kom út úr bílunum.“
Höskuldur Jónsson
Ógleymanlegt
gamlárskvöld