Frjáls verslun - 01.09.2005, Blaðsíða 58

58 F R J Á L S V E R S L U N • 9 . T B L . 2 0 0 5
TEXTI: SIGRÚN DAVÍÐSDÓTTIR
MYNDIR: ÝMSIR
SKARTGRIPIR HENDRIKKU
Hendrikka Waage rekur fyrirtækið Waage
Jewellery í Bretlandi og hafa skartgripir
hennar fengið ótrúlega mikla umfjöllun í
breskum blöðum. Heimasíða Hendrikku eru
www.waagejewellery.com
Þó Lundúnir séu fullir af munaðarvöru hefur Hendrikku Waage tekist að finna smugu
fyrir skartgripi með alþjóðlegum blæ umvafða íslenskum sögum. Fyrirtæki hennar,
Waage Jewellery, hefur fengið gífurlega mikla umfjöllun í bresku pressunni.
É
g fékk að gjöf karöflu frá foreldrum
mínum og hún er erfðagripur í fjöl-
skyldunni, komin frá baróninum sem
Barónsstígur er kenndur við. Hann
á sér athyglisverða sögu eins og Þórarinn
Eldjárn segir svo skemmtilega frá í bókinni
Baróninn. Hugmyndin að mynstrinu í Barón-
línunni er komin frá karöflunni,“ segir Hend-
rikka Waage.
Sagan um baróninn stendur auðvitað ekki
skrifuð á skartgripina sem eru innblásnir
af henni, en af því það eru allir að leita að
sögum og samhengi gæðir Baróninn mark-
aðssetninguna lífi.
Hendrikka Waage er hönnuður en ekki
gullsmiður, hún smíðar skartgripina ekki
sjálf.
Ef marka má digra möppu með umfjöllun
enskra fjölmiðla hefur Hendrikku tekist
einkar vel upp við að vekja athygli á hönnun
sinni og þeim skírskotunum sem hún vekur
- talað um gripina sem „Iced gems“ og
„Iceland sparkles and shines“. Án þess þó
hún sjálf geri mikið úr íslenskum uppruna
þá vekur allt, sem er öðruvísi, athygli. Þeir
sem þekkja til á enskum markaði vita að
það er meira en að segja það að krækja sér
í athygli þar.
Hönnun hennar seld í Harrods
Núna er hönnun hennar seld í hinu víðfræga
Harrods vöruhúsi, sem er frægt fyrir munað-
arvörur, Selfridges, sem er frægt fyrir ötula
viðleitni til að finna nýja og áhugaverða
hönnuði, og í Goldsmiths búðum sem eru í
eigu Baugs. Baugur Group hefur nú lagt fé
í fyrirtæki Hendrikku, Waage Jewellery, en
alls eru munir hennar til sölu í um 70 versl-
unum, einkum í Englandi en einnig á Írlandi
og svo í Magasin du Nord í Kaupmanna-
höfn. Á Íslandi fást vörur hennar í Leonard,
Kringlunni, Leonard í Leifsstöð og á Nordica
hótelinu.
Öfugt við það sem gerist oft með hönnuði
þá er Hendrikka ekki með hönnunarnám að
baki heldur er hún með bandaríska meistara-
gráðu í alþjóðaviðskiptum. Listaáhuginn er
þó til staðar og hún hefur verið að bæta
við sig listasögu í Oxford. Sem ung bjó hún
meðal annars í Japan. Eftir að hafa unnið
viðskiptatengd störf, til dæmis sem markaðs-
stjóri hjá Sölumiðstöð hraðfrystihúsanna í
L U N D Ú N A P I S T I L L S I G R Ú N A R