Frjáls verslun - 01.09.2005, Blaðsíða 81

F R J Á L S V E R S L U N • 9 . T B L . 2 0 0 5 81
Kynnisferðir eru í fararbroddi þeirra sem skipuleggja dagsferðir fyrir ferðamenn frá höfuðborginni auk þess að vera
með lengri ferðir. Þá reka Kynnisferðir Flug-
rútuna, sem eru áætlunarferðir frá Reykja-
vík til Keflavíkurflugvallar og er þá fátt eitt
nefnt af viðamikilli flutningastarfsemi Kynn-
isferða, en bílaflotinn er hátt í 70 bílar. Kynn-
isferðir eru í dag dótturfélag FL Group. Það
var stofnað 1968 og var í upphafi samvinnufé-
lag ferðaskrifstofa sem sameinuðust um að
bjóða dagsferðir fyrir ferðamenn um landið.
Fyrirtækið hefur vaxið og dafnað í áranna
rás og er nú meðal stærstu skipuleggjenda
ferða vítt og breitt um landið. Framkvæmda-
stjóri Kynnisferða er Þráinn Vigfússon:
„Ég hóf störf hjá Kynnisferðum 1996
og þá sem fjármálastjóri. Gegndi ég því
starfi til febrúar 2004 að ég tók við starfi
framkvæmdastjóra. Meginstarfsemin í fyrir-
tækinu eru dagsferðir. Gullfoss, Geysir og
Bláa lónið eru fyrirferðarmestu staðirnir og
eru farnar margar ferðir á dag á þessa staði
allt árið og er enginn dagur undanskilinn, en
eins og gefur að skilja eru ferðirnar fleiri á
sumrin.
Við förum allar okkar ferðir frá BSÍ, sem
við rekum og er hluti af starfsemi Kynnis-
ferða. Hvað varðar starfsemi Flugrútunnar
þá þarf bíll frá okkur að fara frá BSÍ til
flugvallarins tveimur tímum fyrir hvert flug
og frá flugvellinum 45 mínútum eftir hverja
lendingu og þá er ekki verið spyrja hvort
það séu einn eða tveir farþegar eða full rúta,
ferðin er farin. Auk Flugrútunnar sjáum
við um allar ferðir
með áhafnir fyrir
Icelandair og ferðir
með flugvirkja.“
Þrá inn nefn ir
einnig starfsemi sem
tengist hálendinu:
„Við höfum aflað
okkur mikillar reynslu
í hálendisferðum og
förum meðal annars
í Landmannalaugar,
Lakagíga, Skaftafell, um Sprengisand og í
Þórsmörk þar sem við rekum stóran skála í
Húsadal. Þar er gisting fyrir um 150 manns
og glæsilegur veitingaskáli.“
Eiginkona Þráins er Svava Liv Edgars-
dóttir, framkvæmdastjóri hjá Kornax, og
eiga þau þrjá stráka. Hvað varðar áhugamál
þá segir Þráinn að fjölskyldan ferðist þegar
tækifæri gefst og hann sjálfur hefur verið
skákunnandi frá unga aldri: „Ég tefldi mikið
áður fyrr og keppti í landsliðsflokki, en það
dró úr taflmennskunni þegar ég hóf háskóla-
nám. Í dag tefli ég í frístundum auk þess sem
ég er í skákklúbbi FL Group og er þar í sveit
sem er Evrópumeistari flugfélaga. Ég reyni
mig einnig í skákinni á Netinu og leyfi mér
að taka þar meiri áhættu en ég geri undir
venjulegum kringum-
stæðum.“
Mestu annirnar
hjá mér eru yfir
helstu sumarmán-
uðina, júlí og ágúst,
þannig að ég verð að
taka mér frí á öðrum
tíma til að ferðast.
Við reynum eins og
við getum að
ferðast innan-
lands og fara þá í stuttar ferðir (langar
helgar). Það var óvanalegt í ár hve mikið við
fórum til útlanda. Við fórum til Portúgals í
góða ferð í byrjun júní, síðan var það vinnan
sem tók við, enda má segja að upp úr 20. júní
sé starfsemi Kynnisferða allan sólarhringinn.
Við hjónin fórum síðan í byrjun október í
vikuferð til San Francisco, sem var virkilega
skemmtilegt. Það er ekki aðeins að borgin
er algjör draumastaður heldur er umhverfið
sérlega heillandi.
framkvæmdastjóri Kynnisferða
Þráinn Vigfússon
Nafn: Þráinn Vigfússon.
Fæðingarstaður: Reykjavík, 25.10. 1967.
Foreldrar: Vigfús Ármannsson og Sesselía
Friðriksdóttir.
Maki: Svava Liv Edgarsdóttir.
Börn: Ivan, 15 ára, Edgar 10 ára,
Hákon 8 ára.
Menntun: Viðskiptafræðingur
frá Háskóla Íslands.
FÓLK
Þráinn Vigfússon
teflir í skákklúbbi
FL Group og er þar í
sveit sem er Evrópu-
meistari flugfélaga.
TEXTAR: HILMAR KARLSSON
MYNDIR: GEIR ÓLAFSSON