Frjáls verslun - 01.09.2005, Blaðsíða 69

F R J Á L S V E R S L U N • 9 . T B L . 2 0 0 5 69
Málverk Baltasars Sampers eru mögnuð.
Það er eitthvað leyndardómsfullt við þau.
Í þeim má finna áhrif frá heimaslóðunum,
Katalóníu.
„Stuttu áður en ég kláraði listahá-
skólann í Barcelona árið 1960 gerði ég
verkefni um rómverskar freskur í kirkjum
í Píreneafjöllum þar sem ég dvaldi sum-
arlangt við þessar rannsóknir. Á fyrri
öldum höfðu nokkrir hópar - fimm til sex
manna - farið á milli kirkna til að skeyta
þær. Freskurnar voru eingöngu málaðar í
jarðlitum en þeir voru notaðir á mjög blæ-
brigðaríkan hátt. Þessi upplifun skilaði
mér mjög sterkum áhrifum.“
Málverk listamannsins eru í dag
máluð í jarðlitum. Viðfangsefnið tengist
oft norrænni goðafræði. Oft er um mynd-
líkingu að ræða. „Þá getur maður nálgast
þemað með mismunandi áherslum.“
Stundum málar hann landslag. „Ef
upplifunin er svo áhrifarík finn ég ögrun til
að mála.“
Galdramaðurinn með pensilinn vill
að málverkin snerti fólk. Hann vill að
þau snerti fegurðarskyn þess. Lita- og
formtilfinningu. Auk þess vill hann að
húmanískt innihald málverksins komist
til skila.
Um málverkið segir Baltasar: „Það er
það sem ég var, það er það sem ég er,
það sem ég hef ekki verið og það sem
mig langar til að vera.“
Þetta er ævintýraheimur.
Málverk eftir
meistara Baltasar.
BALTASAR SAMPER:
ÁHRIF FRESKUNNAR
Um málverkið segir Baltasar: „Það er það sem ég var, það er það sem ég er, það sem ég hef
ekki verið og það sem mig langar til að vera.“