Frjáls verslun - 01.09.2005, Blaðsíða 41

F R J Á L S V E R S L U N • 9 . T B L . 2 0 0 5 41
M
inn áhugi var að halda áfram rekstri NTC
en hugur Bolla stefndi á önnur mið. Nið-
urstaðan var því kannski ljós löngu áður
en var gengið frá samningum. Því förum
við bæði mjög sátt frá viðskiptunum,“ segir Svava
Johansen sem á dögunum keypti öll hlutabréf í NTC
verslanakeðjunni af Ásgeiri Bolla Kristinssyni, fyrrum
eiginmanni sínum. Reksturinn verður
óbreyttur fyrst um sinn en Svava
segir að þó megi búast við ýmsum
áherslubreytingum næstu misserin.
Fjórtán verslanir Í dag rekur NTC
fjórtán verslanir sem eru við Lauga-
veg, í Kringlunni og í Smáralind. Þetta
eru Gallerí Sautján, GS skór, Focus,
Centrum, Morgan Deres, Smash,
Retro, Eva og Kultur, en einnig starfrækir NTC heild-
sölu, verslunina Outlet 10 í Faxafeni og saumastofu.
Upphafið er Sautján við Laugaveg sem Ásgeir Bolli
opnaði árið 1976. „Ég kom inn í reksturinn 1981. Við
færðum út kvíarnar 1987 þegar Kringlan var opnuð,
enda var verslunin við Laugaveg þá löngu sprungin.
Þegar annríkið var mest þurftum við að hleypa við-
skiptavinum inn í hollum. Í gegnum tíðina höfum við
síðan fært út kvíarnar jafnt og þétt. Nú síðast í vor,
þegar við keyptum verslanir Retro í Kringlu og Smára-
lind. Með Retro er NTC í fyrsta sinn komið í Smáralind.
Ég hef fundið jafnan stíganda í allri verslun þar, þó
Kringlan sé sem fyrr okkar mikilvægasti markaður,“
segir Svava.
Miðbærinn verði sterkari En miðbærinn stendur
alltaf fyrir sínu. „Nú er gatnaframkvæmdum efst á
Laugavegi að ljúka og beint á móti Sautján, þar sem
Stjörnubíó stóð áður, rís hús með 200
bílastæðum. Bygging verslanamið-
stöðvar á þessum slóðum er einnig
í umræðu, þannig að ég sé fyrir mér
að nú verði miðbærinn sterkari en
nokkru sinni fyrr.“
Svava Johansen segir að síðustu
þrjú ár hafi einkennst af miklum upp-
gangi í efnahagslífinu og búast megi
við að þessi góða tíð vari enn um
sinn. „Mér finnst ótrúlegt hvað er mikið af flottum
verslunum á Íslandi sé tekið mið af fámenninu. Það
er líka alltaf gaman að sjá hvað Íslendingar eru opnir
fyrir nýjum straumum í tískunni sem þetta haustið er
hliðholl aðstæðum í Norður-Evrópu. Nú erum við að
sjá meiri, stærri og hlýrri flíkur sem kemur sér vel í
okkar kalda landi.“
Tískan er skemmtileg.
„Mér finnst ótrúlegt
hvað er mikið af flottum
verslunum á Íslandi sé
tekið mið af fámenninu,“
segir Svava Johansen.
TEXTI: SIGURÐUR BOGI SÆVARSSON
MYND: GEIR ÓLAFSSON
SVAVA
Svava Johansen kom inn í reksturinn fyrir 24 árum.
Núna rekur NTC fjórtán verslanir. Hugur Bolla stefndi á önnur mið
og því var hann tilbúinn að selja sinn hlut.
KAUPIR BOLLA ÚT