Frjáls verslun - 01.09.2005, Blaðsíða 76

76 F R J Á L S V E R S L U N • 9 . T B L . 2 0 0 5
ÚR EINU Í ANNAÐ
TEXTI: SVAVA JÓNSDÓTTIR
MYNDIR: GEIR ÓLAFSSON o.fl.
Æskumyndin:
Æskumyndin er af Grími Sæmundsen,
framkvæmdastjóra Bláa lónsins.
Grímur skorar á Guðmund Þorbjörnsson,
framkvæmdastjóra Línuhönnunar, að láta
birta af sér næstu æskumynd. Þeir eru
gamlir vinir og spiluðu saman fótbolta með
sigursælu Valsliði í mörg ár. Í seinni tíð hafa
þeir átt ánægulegar samverustundir með
fjölskyldum sínum í hestamennsku.
Grímur
Sæmundsen
framkvæmdastjóri
Bláa lónsins
Frjáls verslun fyrir 25 árum
Amma Tinnu Gunnarsdóttur
iðnhönnuðar á lítið hús í Vík í
Mýrdal og er lögð áhersla á að
nýta plássið vel. Í eldhúsinu
eru kollar sem iðnhönnuðurinn
man vel eftir frá æskuárunum
en í þeim eru hirslur sem
gaman var að gægjast ofan í.
Tinna hannaði nýstárlegri kolla
í fyrra. Hugmyndina sótti hún
í kollana í litla húsinu í Vík í
Mýrdal.
„Kollarnir, sem nefnast Vík,
nýtast jafnframt sem borð að
ógleymdu tvíþættu hlutverki
sætisins og hirslunnar.“
Tinna segir kollana vera
tímalausa. Form gömlu koll-
anna heldur sér en þeir eru
úr öðru efni. Gömlu kollarnir
voru smíðaðir úr timburfjölum
og málaðir en þeir nýju eru
úr mdf-plötum og áli og eru
sprautaðir með bílalakki.
Kollarnir voru sýndir á
Stockholm Furniture Fair í feb-
rúar. Þess má geta að hönnun
Tinnu hefur verið sýnd víða um
heim.
Tinna leggur gjarnan
áherslu á einföld og falleg
form í hönnun sinni. „Ég legg
áherslu á einhvers konar ein-
faldleika. Efnið hefur jafnframt
mikið að segja og er stór
þáttur í hlutnum.“
Tinna Gunnarsdóttir iðnhönnuður leggur gjarnan
áherslu á einföld og falleg form í hönnun sinni.
Hönnun:
EINHVERS KONAR EINFALDLEIKI
Kollar úr mdf-plötum og áli, sprautaðir
með bílalakki.