Frjáls verslun - 01.05.2005, Blaðsíða 35

F R J Á L S V E R S L U N • 5 . T B L . 2 0 0 5 35
Á rið 1976 var verslunin Sautján opnuð við Laugaveg. Í dag rekur fyrirtækið, NTC, 16 verslanir sem eru aðallega staðsettar í Kringlunni, á Laugavegi og í Smáralind. Auk þess rekur fyrir-
tækið heildsölu og saumastofu. Þá eru reknar tvær „franchaise“ versl-
anir, önnur er á Akureyri og hin í Keflavík.
„Við leggjum mikla áherslu á að vera með vandaðar vörur á sann-
gjörnu verði og veita góða þjónustu,“ segir Svava Johansen, fram-
kvæmastjóri og annar aðaleigandi fyrirtækisins.
Svava bendir á að árin 2004 og 2005 séu mikil þensluár og að
árið 2006 verði sennilega gott ár efnahagslega séð. „Svo er bara að
bíða og sjá hvernig árið 2007 verður. Það er oft talað um 7 digur og
7 mögur ár. Árið 2001 var mjög erfitt fyrir verslunarrekstur en það
birti til árið 2002 þannig að ef góða tímabilið byrjaði 2002 og sjö ára
reglan reynist rétt þá ætti það að ná til ársins 2009.“
Hún segir að það líti út fyrir að fella verði gengið á árinu. „Það á
náttúrlega eftir að draga úr þenslunni. Svo veit maður ekki hvernig
„íbúðalánafólkið“ kemur til með að pluma sig í afborgunum. Það
kemur alltaf að skuldadögum og þá er bara að sjá hversu mikill pen-
ingur er eftir í afborganir.“
Aðspurð um sóknarfæri kvenna í viðskiptalífinu segir Svava að
konur þurfi að hugsa stórt ef þær eiga að komast í valdastöðu. „Það
þýðir ekki að vera alltaf með þennan endalausa „nákvæmnishátt“ að
allt verði að vera 100% áður en lagt er af stað í eitthvert verkefni.
Við verðum að geta farið af stað með meiri hraða í sum verkefni. Ég
held að við séum bæði aldar upp við þetta auk þess sem þetta er inn-
byggt í okkur, samanber umhyggju fyrir börnunum okkar, en þá þurfa
hlutirnir alltaf að vera 100%. Þetta hentar vel þar en ekki alltaf í við-
skiptum. Þar þurfa ákvarðanatökur að vera snöggar.“
Svava Johansen, kaupmaður í NTC. „Það þýðir ekki að vera alltaf með þennan endalausa
„nákvæmnishátt“ að allt verði að vera 100% áður en lagt er af stað í eitthvert verkefni.“
SVAVA JOHANSEN
KAUPMAÐUR Í NTC
16 verslanir,
heildsala,
saumastofa
og tvær
„franchaise“
verslanir.
ÁHRIFA
MESTU 10ÁHRIFAMESTU 10