Frjáls verslun - 01.05.2005, Blaðsíða 138

138 F R J Á L S V E R S L U N • 5 . T B L . 2 0 0 5
KYNNING
Jöfn kynjaskipting ríkir meðal starfsmanna Hagvangs og hefur svo verið að mestu í gegnum tíðina. Skiptingin er nánast ómeðvituð,
enda starfsfólk ráðið hverju sinni eftir hæfni og getu frekar en
til að viðhalda ákveðinni kynjaskiptingu. Við þjónum kröfuhörðum
viðskiptavinum sem vilja aðeins fá bestu þjónustu, hvort sem hún er
veitt af konu eða karli,“ segir Katrín S. Óladóttir, framkvæmdastjóri.
„Það sem einkennir mitt starfsfólk er mikil þjónustulund og góð
samskiptahæfni, enda þarf fólk í þessu starfi að hafa ánægju af mann-
legum samskiptum. Samskiptin byggjast á þjónustu við viðskiptavini
okkar sem eru að falast eftir fólki til starfa auk þess sem við sinnum
ráðgjöf í auknum mæli. Okkur er falið vandasamt verk, við fáum
trúnaðarmál um rekstur fyrirtækja í hendur og kynnumst því fyrir-
tækjunum vel. Við höfum lagt áherslu á að virða trúnað gagnvart
fyrirtækjum og einstaklingum og Persónuvernd hefur tekið út öll
okkar vinnubrögð. Bakgrunnur starfsmanns skiptir einnig miklu við
ráðningarstörf. Hér starfar einn sálfræðingur, einn master í vinnu- og
skipulagssálfræði, viðskiptafræðingar, stjórnmálafræðingur og fólk
með tungumálanám að baki. Nýjasti starfsmaður Hagvangs er Kristín
Guðmundsdóttir en hún er viðskiptafræðingur með mannauðs-
stjórnun sem val.“
Katrín segir að mun fleiri konur en karlar gegni starfi starfsmanna-
stjóra og sama eigi við hjá ráðningarfyrirtækjum, fyrir utan Hagvang.
Fjöldi kvenna virðist sækja í mannauðsstjórnunarnám sem getur
nýst vel í margvíslegum stjórnunarstörfum. Þær sæki samt ekki enn
eins eftir því að gegna starfi framkvæmdastjóra né forstjóra, þótt það
hafi sem betur fer aukist til muna.
Óháðir aðilar nauðsynlegir Hagvangur sinnir mest ráðningum sér-
hæfðs starfsfólks í stjórnunar- og sérfræðistörf. Katrín segir að þýð-
ingarmikið sé að fyrirtæki fái óháða fagaðila til að meta umsækjanda
m.a. vegna þess að erfitt geti reynst að taka á vandamálum sé ráðið
í gegnum kunningsskap. Sálfræðimenntaðir sérfræðingar fyrirtækis-
ins leggja yfirleitt sálfræðileg próf fyrir umsækjendur en þau eru fljót-
leg og ódýr leið til að bæta umtalsvert forspá um árangur í starfi. Öll
fyrirtæki hafa það markmið að hafa besta fólkið innan sinna raða og
til að svo megi vera verður að vanda til verka við starfsmannaval.
HAGVANGUR
Kynjaskipting
starfsmanna ómeðvituð
Konurnar hjá Hag-
vangi, f.v. Sesselja
Sigurðardóttir, Kristín
Guðmundsdóttir, Katrín
S. Óladóttir, Rannveig
Haraldsdóttir og Guðný
Sævinsdóttir.
Fjöldi kvenna virðist sækja
í mannauðsstjórnunarnám
sem getur nýst vel í margvís-
legum stjórnunarstörfum.