Frjáls verslun - 01.05.2005, Side 18

18 F R J Á L S V E R S L U N • 5 . T B L . 2 0 0 5
Magnús Gústafsson hættir eftir
21 ár í brúnni vestanhafs.
2. júní
MAGNÚS GÚSTAFS-
SON HÆTTIR
VESTANHAFS
Hinn kunni forstjóri hjá SH í
Bandaríkjunum, Magnús Gúst-
afsson, hefur látið af störfum
sem forstjóri Icelandic USA og
tekur Ævar Agnarsson við starfi
hans. Magnús varð forstjóri Cold-
water, dótturfyrirtækis SH, árið
1984 og hefur því haldið um
stjórnartaumana vestanhafs í
21 ár. Hann réðst á sínum tíma
til SH frá Hampiðjunni. Hinn 1.
júlí nk. tekur við nýtt skipurit
hjá Icelandic USA og er unnið
að sameiningu Icelandic USA
og Samband of Iceland. Ævar
Agnarsson er 46 ára gamall og
hefur verið framkvæmdastjóri
Samband of Iceland frá því 1.
febrúar sl. Í síðasta mánuði hætti
Gunnar Svavarsson sem forstjóri
Icelandic Group á Íslandi (áður
SH). Gunnar er, eins og Magnús,
gamall Hampiðjumaður.
3. júní
SPENNA YFIR
VERÐBÓLGUSPÁ
SEÐLABANKANS
Nokkur
spenna skap-
aðist vegna
verðbólguspár-
innar sem
Seðlabankinn
birti föstudag-
inn 3. júní og
skaut Greining
Íslandsbanka
nettu skoti á
bankann og
sagði spána á óraunhæfum for-
sendum. Seðlabankinn sagðist í
spá sinni telja að verðbólguhorfur
hefðu versnað þrátt fyrir tíma-
bundna verðbólguhjöðnun. Útlit
væri fyrir meiri framleiðsluspennu
og einkaneyslu. Spáði bankinn
því að verðbólga mældist 3,0%
yfir árið og 3,6% yfir næsta ár.
6. júní
FLYKKIST
DANSKURINN
VESTUR UM HAF?
Það er ekkert lát á umfjöllun
danskra fjölmiðla um Sterling
eftir að íslenskir kaupsýslumenn
keyptu félagið. Sterling ætlar að
bjóða ferðir til austurstrandar
Bandaríkjanna á 1.000 til 1.500
danskar krónur miðann, eða á
bilinu 11 til 16 þúsund krónur.
Núna telja danskir ferðafrömuðir
að Danir muni stökkva vestur og
að yfir 100 þúsund Danir fari á
hverju ári til Bandaríkjanna innan
tveggja ára.
7. júní
EIRÍKUR FORMAÐUR
SAMHERJA
Eiríkur S. Jóhannsson, forstjóri
Og Vodafone, hefur verið kjörinn
stjórnarformaður Samherja. Finn-
bogi Jónsson, sem verið hefur
starfandi stjórnarformaður frá
árinu 2000, gaf ekki kost á sér
í stjórn. Sem kunnugt er ætla
stærstu eigendur Samherja að
yfirtaka félagið og taka það út af
markaði. Hluthafafundur verður
haldinn í september þar sem lagt
verður til að fækkað verði í stjórn
félagsins úr 5 í 3 menn.
7. júní
EIMSKIP KAUPIR
TVÖ FRYSTISKIP
Blekið var varla þornað á samn-
ingnum um kaup Avion Group
á Eimskip þegar félagið sagði
frá því að það hefði samið um
smíði tveggja frystiskipa fyrir
samtals 2,6 milljarða kr. með
möguleika á smíði fjögurra skipa
til viðbótar. Eimskip ætlar sér að
verða leiðandi flutningafyrirtæki
á sviði frysti- og kæliflutninga á
Norður-Atlantshafi.
Baldur Guðnason,
forstjóri Eimskips.
8. júní
STJÓRNENDUR
ACTAVIS
FÁ KAUPRÉTT
Það er mikil
eftirspurn
eftir bréfum
í Actavis
um þessar
mundir.
Þennan
dag var
hins vegar
tilkynnt að
stjórn Acta-
vis Group hefði ákveðið að gefa
lykilstjórnendum kost á hlutafé í
félaginu á grundvelli kaupréttar-
áætlunar þess. Sagt var frá því
að lykilstjórnendurnir gætu nýtt
sér réttinn á genginu 38,5, en
bréf Actavis hafa að undanförnu
verið í kringum 40,4.
D A G B Ó K I N
TEXTI: JÓN G. HAUKSSON • MYNDIR: GEIR ÓLAFSSON o.fl.
Birgir Ísleifur
Gunnarsson
seðlabanka-
stjóri. Spá bank-
ans olli nokkurri
spennu.
Eiríkur S. Jóhannsson,
stjórnarformaður Samherja.
Róbert Wess-
mann, forstjóri
Actavis Group.