Frjáls verslun - 01.03.2006, Síða 65

F R J Á L S V E R S L U N • 3 . T B L . 2 0 0 6 65
mennirnir sem keyra það áfram að vinna
meira heldur en hitt. Ég veit ekki um neitt
annað fyrirtæki sem er eins ákaft og hefur
svona marga drifkrafta eins og Microsoft.
Allt fólkið innan fyrirtækisins hefur gíf-
urlega góða þekkingu á sínu sviði og er
vel inni í því sem það er að gera. Það eru
allir að skila 100 prósent plús vinnu þannig
að umhverfið er mjög uppörvandi. Ég
held að það séu gríðarleg verðmæti innan
Microsoft í fólkinu einu og sér. Sennilega er
það eitt af því sem hefur gert fyrirtækið svo
árangursríkt í gegnum árin, þar sem einstak-
lingarnir hafa verið tilbúnir að axla ábyrgð,
ryðja veginn og gefið mikið af sér,“ útskýrir
Halldór og aðspurður um hvort hann sé í
draumastarfinu svarar hann:
„Tækifærin eru næg innan fyrirtækisins
og ávallt hægt að finna stöður sem halda
áfram að bæta í safn reynslu og þroska
hvers og eins. Breytingar eru hins vegar
ekki alltaf spurning um einstaklingsframa
heldur einnig persónuleg. Draumastaðan
getur farið eftir því hvar fólk er statt í þróun-
arferlinu og forgangsröðun tengdra þátta.
Þetta fer hreinlega eftir því hvað knýr mann
áfram hverju sinni.
Stundum gæti ég vel hugsað mér að
vinna 9-5 og vera heima á hverju kvöldi.
Ég gæti líka orðið fljótt leiður á því en
þetta er svona annaðhvort í ökkla í eyra,
stundum er ég tilbúinn að hætta en tek
þá smáhvíld og þá líða ekki margir dagar
þar til ég er kominn á fullt aftur en það
fer að sjálfsögðu eftir því hvernig ég er inn-
stilltur persónulega. Þetta er orðin rútína
hjá mér að hlaupa á næsta flugvöll, tékka
inn á næsta hótel og einhvern veginn venst
maður þessu en ég átta mig á því að í lengd-
ina getur þetta tekið á.“

Hleður batteríin á skíðum „Það kemur
fyrir að ég á frítíma, en á þeim tíma ársins
þegar mikið er að gera eins og núna, þá er
ég kannski að meðaltali einu sinni í viku
heima hjá mér í München. Fjárhagsárinu
hjá okkur lýkur síðasta dag júnímánaðar
þannig að við erum núna á öðrum árshelm-
ingi og þá er tvennt að gerast; við þurfum
að keyra viðskiptin áfram þannig að við
náum settum markmiðum og á hinn bóg-
inn erum við komin í skipulagsferlið fyrir
næsta ár þannig að maður er bæði að fram-
kvæma og skipuleggja. Hjá mér og í raun
um alla Evrópu er oft mesta andrýmið í júlí
og ágúst og þá helst tækifæri til að ferðast
og hlaða batteríin,“ lýsir Halldór.
Halldór býr í München ásamt konu
sinni, Katrínu Guðmundsdóttur, og tveimur
dætrum þeirra, Dórótheu 11 ára og Ísabellu
4 ára.
„Ég verð að viðurkenna að í fyrsta lagi á
ég mjög skilningsríka eiginkonu og í öðru
lagi eru börnin orðin vön því að ég sé ekki
heima og konan jafnvel líka. En við förum
í góð frí og gefum okkur tíma í það. Allir í
fjölskyldunni eiga skíði þannig að München
er góður staður að því leyti, maður hoppar
bara upp í bíl, keyrir á næsta skíðasvæði og
rennir sér allan daginn.
Ég hef fullt af öðrum áhugamálum, en ég
hef ekki tíma fyrir þau núna. Síðustu árin
hef ég tekið mér frí um áramót og fyrstu
vikuna í janúar til að fara á skíði með fjöl-
skyldunni. Við erum líka alltaf bundinn af
skólafríum hjá stelpunum og þá reynum við
að gera eitthvað saman. Við höfum gaman
af að búa í Mið-Evrópu því að þar er stutt
að ferðast til að sjá mismunandi menningu
og við höfum verið dugleg við það. Eldri
dóttirin hefur til að mynda komið til 23
landa.“
Íslenskir samstarfsaðilar verðlaunaðir
Halldór brá sér hingað heim í byrjun mars í
viðskiptaerindum og heimsótti tvo íslenska
samstarfsaðila Microsoft sem skarað hafa
fram úr.
„Fyrirtækið Maritech hefur náð frá-
bærum árangri með WiseFish-lausnina og
Landsteinar Strengur hefur þróað búðar-
kerfið LS Retail sem þeir selja út um allan
heim. Þessi tvö fyrirtæki hafa sýnt frábæran
árangur og byggja þetta á viðskiptalausnum
okkar. Landsteinar Strengur er í raun einn
af topp 20 samstarfsaðilum okkar í Evrópu.
Aðferðafræði þeirra er ákaflega aðlaðandi
því þeir vinna með samstarfsaðilum á svip-
aðan hátt og Microsoft gerir með því að
selja ekki beint heldur virkja samstarfs-
aðila til að ná miklu betri dreifingu. Þeir
eru sérstaklega gott dæmi um það hvernig
samstarfsaðilar okkar geta náð afburða
árangri. Þetta er íslensk innanlandsfram-
leiðsla, vöruþróun sem er hluti af framtíð-
inni og vex í skrefum. Gífurleg virðing er
borin fyrir því hvaða árangri þeir hafa náð
á alþjóðlegum vettvangi með Axapta og
Navision. Markaðshlutdeild hér er mikil og
ekki mörg virkilega stór fyrirtæki. Það er
mikilvægt fyrir þennan iðnað á Íslandi að
hafa aðgang að sem mestum möguleikum
til að þróa lausnir, hvort sem það er fyrir
einkageirann eða opinbera aðila. Þannig
geta vörur þróast og náð styrkleika til mark-
aðssetningar erlendis og skapað auð.“
Efnahagsundur á Íslandi Það verður ekki
hjá því komist að efnahagslífið á Íslandi og
útrás Íslendinga berist í tal og Halldór hefur
sitt að segja um það.
Það er greinilega í gangi eins konar efna-
hagsundur hér á Íslandi. Ég hef ákveðnar
skoðanir á því sem ég vil ekki tíunda hér.
Í fyrsta lagi finnst mér þessi árangur mjög
aðdáunarverður en að sama skapi er þessi
vöxtur í þjóðfélaginu gríðarlega mikill. Það
eina sem ég get sagt er að ég vona svo
sannarlega að ef komi til niðursveiflu verði
það mjúk lending fyrir alla. Ég vinn með
mörgum Dönum og ég er stöðugt spurður
hvaðan peningarnir komi og hvernig þetta
sé hægt. Þeir eru áhugasamir en áhyggju-
fullir yfir þessari þróun,“ segir Halldór og
bætir í lok samræðnanna við einni skemmti-
sögu af aðstæðum sem hann lenti í á flug-
velli á dögunum:
„Þessi útrás Íslendinga barst einmitt í tal
á flugvelli um daginn en þar hitti ég mann
sem var mjög áhugasamur um þróun mála.
Það hefur verið mikill snjór og frosthörkur
síðan í desember í Þýskalandi, en ég sagði
manninum að hér á landi væri enginn snjór.
Við urðum sammála um að sennilega væri
það vegna ofhitnunar í íslensku efnahagslífi
sem snjórinn héldist ekki hér á landi.“
Microsoft er skemmtilega laust
við formlegheit og er sífellt að
nýta eigin tækni við að gera öll
samskipti fljótari og skilvirkari.
S T J Ó R N U N