Frjáls verslun - 01.05.2006, Side 141

F R J Á L S V E R S L U N • 5 . T B L . 2 0 0 6 141
„Ég hitti Ólaf Ólafsson og hann greindi
mér frá grundvallarbreytingu á kjarnastarf-
semi félagsins þar sem horfið yrði frá hefð-
bundnum viðskiptum með sjávarafurðir og
farið í framleiðslu og sölu á virðisaukandi
matvælum. Þetta umbreytingarferli vakti
áhuga minn. Ólafur sagði að það mundi
styrkja félagið að fá konu með mikla mark-
aðsþekkingu í stjórnina og það hafði vissu-
lega áhrif. Þetta var auk þess í fyrsta sinn
sem ég tek sæti í stjórn fyrirtækis og ég var
mjög upp með mér, m.a. vegna þess að hlut-
fall kvenna í stjórnum evrópskra fyrirtækja
er einungis 4%. Íslendingar höfðu sent evr-
ópskum samfélögum ákveðin skilaboð þar
sem þeir kusu sér fyrsta kvenforsetann og
tiltölulega hátt hlutfall alþingismanna eru
konur. Hins vegar virðist þið frekar aftar-
lega á merinni verðandi hlutfall kvenna í
stjórnum fyrirtækja. Það gefur auga leið
að fyrirtæki sem er í framleiðslu og sölu
á matvælum þarf að hafa konu eða kon-
ur í stjórn. Þær skilja þarfir neytendanna
einfaldlega betur og vita hvers fjölskyld-
urnar þarfnast enda eru það yfirleitt konur
sem skipuleggja innkaup fyrir heimilin.
Fyrirtæki sem höfðar þannig til kvenna
verður að hafa stjórnarmann sem skilur
þær. En því miður eru því þannig farið að
60% þeirra sem skipuleggja innkaupin eru
konur en einungis 4% stjórnarmanna fyrir-
tækja eru konur. Hlutur kvenna í stjórnum
fyrirtækja þarf að aukast til hagsbóta fyrir
fyrirtækin.“
Hvað finnst þér um hlut kvenna í ís-
lensku viðskiptalífi?
„Konur geta bæði verið stefnumarkandi
og haft innsýn í þarfir neytenda. Ég hef
annast ráðningu fjölda starfsmanna og
þótt karlmenn séu oft stefnufastir virðist
þá stundum skorta jarðsamband. Styrkur
kvenna felst í því að þær geta bæði verið
stefnufastar og raunhæfar. Að mínu mati
búa konur oftar yfir tilfinningagreind. Hluti
skýringarinnar kann að felast í hefðbundnu
hlutverki konunnar sem annast heimili sam-
hliða vinnu. Konur eru vanar því að sam-
hæfa ólík verkefni og öðlast nauðsynlega yf-
irsýn. Konur kunna að vera meiri tilfinninga-
verur en karlar en í stjórnunarstörfum og
þegar höndlað er með „lifandi vörumerki“
(living brands) skipta tilfinningar miklu
máli. Konur virðast skilja betur að nálgast
verður neytandann á heildrænan hátt og
taka tillit til þátta sem setja tilveru þeirra
í víðara samhengi, þ.m.t. tilfinninga þeirra
gagnvart vörum og vörumerkjum.“
Heldur þú að aukin stjórnarþátttaka
kvenna auki velferð fyrirtækja?
„Konur eru mikilvægar fyrir sjálfbæra
þróun fyrirtækjanna til lengri tíma litið.
Margir fjárfestar hafa tilhneigingu til að
hafa skammtímasjónarmið að leiðarljósi
en það er í eðli kvenna að hugsa til lengri
tíma. Það á að einhverju leyti rætur að
rekja til móðurhlutverksins og uppeldis
barnanna en það er langtímaverkefni. Svo
byggja megi upp sjálfbæran rekstur verður
maður að taka tímann með í reikninginn og
tileinka sér þolinmæði.“
En heldur þú að innleiðing kynjakvóta í
stjórnum fyrirtækja sé skynsamleg leið til
að auka hlut kvenna?
„Ég er frekar fylgjandi kynjakvótum því
annars vöknum við upp eftir eina eða tvær
kynslóðir og sjáum að ekkert hefur gerst.
Reglurnar verða að vera til staðar til að
venjur skapist og samfélagið mótist. Þegar
venjur hafa skapast þarf engar reglur þar
sem þær eru þegar orðnar sjálfsagður hluti
af skipulaginu.. Þú þarft ekki reglur ef þær
endurspeglast í hegðun þinni og eru meitl-
aðar í huga þér. En þar til það gerist er ég
fylgjandi reglum eins og kynjakvóta.“
„Kynni mín af Íslendingum
gefa til kynna að þeir séu
hreinskiptnir eins og Frakk-
ar en einnig kurteisir eins
og Þjóðverjar.“
Nadine Deswasière var áður stjórnarmaður hjá Alfesca. Hún er núna framkvæmdastjóri
stefnumótunar og þróunar. En hvernig kemur íslenskt viðskiptalíf henni fyrir sjónir?
S T J Ó R N A R K O N A Í S Í F
TEXTI: UNNUR H.
JÓHANNSDÓTTIR