Ægir - 01.07.2003, Blaðsíða 22

22
Æ G I S V I Ð TA L I Ð
það reyna í nokkur ár að fiska nánast frjálst við Ís-
land og sjá til hvers það leiddi. Telja menn virkilega
rétt að hætta lífsbjörg okkar með slíkum hætti og
standa síðan frammi fyrir því að hafa eyðilagt hana
eða skemmt til lengri tíma? Það er ekkert grín að
missa fiskistofnana niður þannig að þeir verði ekki
sjálfbærir. Á það hef ég alltaf lagt mikla áherslu að
vernda fiskistofnana við landið og því hef ég varið
margar erfiðar ákvarðanir um niðurskurð aflaheim-
ilda. Vissulega getum við gagnrýnt Hafrannsókna-
stofnunina út og suður, en við vitum að hér er ekki
um að um að ræða nákvæm vísindi. En við höfum
ekkert betra að styðjast við og verðum því að treysta
á vísindamennina og byggja á tillögum þeirra.“
Eigum að standa fast á okkar kröfum
- Það eru vissulega blikur á lofti um stöðu einstakra
fiskistofna - t.d. kolmunnastofnsins?
„Um nýtingu kolmunnastofnsins er ekkert sam-
komulag. Nýliðun stofnsins hefur verið mjög góð, en
það er allra mat að sóknin í kolmunnann sé mjög
ógætileg og hún geti leitt til þess að við eyðileggjum
stofninn. En þar mætum við eins og oft áður óbil-
gjörnu Evrópusambandi sem vill láta okkur hafa 2-
3% úr stofninum, vegna þess að þetta var það hlut-
fall úr stofninum sem við veiddum fyrir 1997. Síðan
hafa hins vegar orðið gríðarlega miklar tæknibreyt-
ingar, bæði hvað varðar skipin og veiðarfærin. Nú er
svo komið að við Íslendingar eru farnir að slá öðrum
þjóðum við í tækni og þekkingu á þessum veiðum.
Þess vegna getum við ekki með nokkru móti sætt
okkur við að fá minna í okkar hlut en það hlutfall
sem við höfum að undanförnu verið að veiða úr stofn-
inum. Til viðbótar hefur það síðan gerst að verulega
mikið magn af kolmunna mælist í íslenskri lögsögu.
Í ár mældust 3,5 milljónir tonna í íslenskri lögsögu
samanborið við 2,1 milljón tonna í fyrra. Dreifingin
á kolmunnanum er því orðin mjög í samræmi við
okkar kröfur og veiðihlutfall. Í þessu ljósi tel ég að
kröfur okkar um 23% hlut úr kolmunnastofninum
séu sanngjarnar. Stjórnvöld mega ekki undir
nokkrum kringumstöðum fallast á minni hlutdeild.“
Óskiljanlegur málflutningur
Samtaka iðnaðarins
- Þú ert mjög harður í andstöðu þinni við fiskveiði-
stefnu Evrópusambandsins?
„Já, það er ég. Með inngöngu í Evrópusambandið
myndum við missa forræðið yfir okkar eigin fiski-
stofnum. Það getum við aldrei sætt okkur við. Sjáðu
bara hvernig ESB nýtir sína fiskistofna. Það er alltaf
látið undan þrýstingi þeirra sem vilja veiða meira og
segja að vísindin skipti engu máli. Dæmin tala sínu
máli, þar er Norðursjórinn nærtækasta dæmið. Evr-
ópusambandið er einfaldlega með allt niður um sig í
þessum efnum.“
- Þú átt því ekki von á því að við Íslendingar eig-
um eftir að ganga í Evrópusambandið?
„Ég vona í það minnsta að ég lifi ekki þann dag.“
- Er að þínu mati allt sem mælir á móti því að Ís-
land gangi í Evrópusambandið?
„Nei, vissulega getum við haft einhvern hag af því.
En við skulum ekki gleyma því að við höfum í dag
nánast tollfrjálsan aðgang að mörkuðum ESB með
okkar útflutningsvörur.
Það er ekki bara þannig að við þurfum á ESB að
Hvalaskoðunarbáturinn Elding kemur inn í Reykjavíkurhöfn eftir að hafa flutt hóp erlendra ferðamanna út á Faxaflóa í hvalaskoð-
unarferð. „Ég tel að hvalveiðar og hvalaskoðun fari vel saman og hef orðið fyrir vonbrigðum með málflutning Samtaka ferðaþjón-
ustunnar í þessu máli,“ segir Kristján í viðtalinu.
Fyrir okkur er málflutningur forystu Samtaka
iðnaðarins um að við Íslendingar eigum að
sækja um um aðild að Evrópusambandinu alveg
óskiljanlegar.
Ég er mjög ósáttur við þegar menn eru að leigja
frá sér kvótann en gera ekki út.