Ægir - 01.07.2003, Side 35

35
AU S T U R L A N D
Árið 1997 var sjóminjasafn
opnað í svokölluðu Pakkhúsi á
Höfn í Hornafirði. Á neðri hæð
hússins er sjóminjasýningin og
þar má m.a. sjá þrjá báta og
ýmsa muni sem tengjast skips-
ströndum.
Meðal annarra muna á sjó-
minjasafninu er trésmíðabekkur
sem á sér nokkuð merkilega
sögu. Árið 1873 fórust fimm
franskar skútur við Horn (bæinn
Horn sem stendur undir Vestra-
Horni). Í þessum sjósköðum fór-
ust hundrað franskir sjómenn, en
þrjátíu og einum var bjargað og
þeir hýstir á Horni í fimmtán
daga og raunar voru tveir þeir
mest slösuðu á Horni fram eftir
vori. Árið eftir sigldi franskt her-
skip heim undir Horn í þeim er-
indagjörðum að færa Horns-
bændum bjargarlaun. Launin
voru sexæringur, báðir fengu
heiðurspening úr gulli og heið-
ursskjal auk þess sem annar
bóndinn, Eyjólfur Sigurðsson
timburmaður, fékk trésmíðabekk
og tilheyrandi hefla og tól með
honum. Ljósrit af heiðursskjali
og mynd af heiðurspeningi Eyj-
ólfs er að finna í sjóminjasafninu
á Höfn ásamt smíðaáhöldunum.
Merk saga Pakkhússins
Eins og áður segir er sjóminja-
safnið á Höfn í svokölluðu Pakk-
húsi, sem var byggt úr viðum
ýmissa eldri húsa á Höfn upp úr
1930. Kaupfélag Austur-Skaft-
fellinga (KASK) stóð að því að
reisa húsið og var það fljótlega
stækkað í þá mynd sem það er í
dag. Pakkhúsið var aðallega notað
sem geymslu- og vöruhús og voru
mjölsekkir og aðrar plássfrekar
vörur geymdar þar á loftinu. Þó
kom fyrir að húsið var tekið undir
samkomur og fundi og var þá
sekkjavörunni staflað meðfram
veggjum svo gólfpláss skapaðist.
Meðal þeirra sem unnu í Pakk-
húsinu var Guðni Jónsson, faðir
Svavars listmálara, og var hann
utanbúðarmaður í fjöldamörg ár.
Árið 1990 gaf KASK Byggða-
safni Austur-Skaftafellssýslu hús-
ið og hefur safnið unnið að endur-
bótum þess síðan.
Síðastliðið sumar var gefinn út bæklingur með upplýsingum um 24
söfn og setur á Austurlandi. Bæklingurinn er bæði á íslensku og
ensku og sýnir vel fjölbreytnina í safnaflóru á Austurlandi.
Bæklingurinn var unninn að frumkvæði Menningarráðs Austurlands
í samvinnu við Markaðsstofu Austurlands og söfnin sjálf og er af-
rakstur samstarfsverkefnis safna allt frá Skaftafelli í Öræfum til
Vopnafjarðar. Athygli á Egilsstöðum hafði umsjón með útgáfu bæk-
lingsins.
Markmiðið með útgáfu þessa bæklings er fyrst og fremst að gefa
ferðamönnum og öðrum sýn yfir söfn og setur á Austurlandi og veita
almennar upplýsingar um þau. Bæklingurinn auðveldar einnig safna-
fólki á Austurlandi að miðla upplýsingum um söfn í fjórðungnum.
Sjóminjasafnið á Höfn er í svokölluðu Pakkhúsi.
Sjóminjasafn
í Pakkhúsinu á Höfn
Allt um söfn
á Austurlandi