Ægir - 01.07.2003, Blaðsíða 62

62
F I S K Ú T F L U T N I N G U R
„Þetta hefur verið nokkuð líf-
legt að undanförnu og við höf-
um verið að fá ágætt verð fyrir
karfann - á bilinu 150-200
krónur fyrir kílóið hérna á
markaðnum. Um leið og kóln-
aði, undir lok ágúst, tók mark-
aðurinn við sér eftir nokkra
lægð,“ segir Samúel Hreinsson,
aðaleigandi og framkvæmda-
stjóri fiskmarkaðarins Íseyjar
Fischimport í Bremerhaven í
Þýskalandi, en í gegnum þann
markað fara um 12 þúsund
tonn af fiski á ári, um 70% af
honum koma frá Íslandi. Lang-
mest af þessum afla er karfi,
enda er mikil hefð fyrir neyslu
á karfa í Þýskalandi.
„Í hitabylgjunni í sumar vorum
við þrátt fyrir allt að selja mikið
magn - 230-270 tonn í viku.
Hins vegar var verðið nokkru
lægra en venja er til, eða á bilinu
80-100 krónur fyrir kílóið,“ segir
Samúel.
Flökunarfyrirtæki
Samúel segir að í raun séu ekki
nema á bilinu 50-60 aðilar sem
flaka karfa í Evrópu, þar af á bil-
inu 30-40 í Bremerhaven og Cux-
haven. „Það eru engir risar á þess-
um markaði, ég myndi skjóta á að
sá stærsti, Deutsche See, sé með
kannski 15% að jafnaði. Bróður-
partur þessara fyrirtækja er fjöl-
skyldufyrirtæki. Til dæmis get ég
nefnt að eitt slíkt fyrirtæki, sem
er að verða hundrað ára, kaupir af
okkur sex tonn á dag. Í þessu fyr-
irtæki er ekkert annað gert en að
flaka karfa,“ segir Samúel, en yfir-
leitt eru uppboð á markaðnum í
Bremerhaven fjóra daga í viku,
frá mánudegi til fimmtudags, og
þegar mikið framboð er á fiski
eru líka boðið upp á föstudögum.
Karfinn er yfirgnæfandi
„Karfinn er yfirgnæfandi á mark-
aðnum hjá okkur, ég myndi
skjóta á að hann sé um 80% af
þeim fiski sem fer hér í gegn. Þar
á eftir kemur ufsinn. Fyrir Þjóð-
verja er karfinn eins og ýsan er
heima á Íslandi. Hefðin fyrir
neyslu á þessum fiski er afar sterk
hér og það á sér sögulegar rætur.
Hér á árum áður fiskuðu þýskir
sjómenn mikið af karfa á Íslands-
miðum, við Færeyjar og Noreg.
Fáir eða engir aðrir voru að nýta
karfann, sem reyndist geymast vel
og var því heppilegur fyrir svo
langar siglingar. Karfinn var á
þessum tíma ódýr fiskur og Þjóð-
verjar komust upp á lagið með að
borða hann einu sinni eða tvisvar
í viku.
Ég borðaði aldrei karfa heima á
Íslandi þegar ég var strákur og
það hvarflaði varla að nokkrum
manni. Ég minnist þess að á neta-
bátunum henti maður karfanum
sem slæddist í netin. En eftir að
ég fór að kynnast eldamennsku á
karfanum hérna í Þýskalandi
borða ég hann tvisvar til þrisvar
sinnum í viku. Þjóðverjarnir elda
karfann eins og við myndum elda
mínútusteik. Flakið fer á sjóðandi
pönnuna og fitan fer þannig strax
úr fiskinum. Með þessu eru borð-
aðar soðnar kartöflur og sósur,“
segir Samúel.
Karfakílóið á 1.750 krónur
út úr búð
Karfinn er það dýr í Þýskalandi
að hann er fyrst og fremst veit-
ingahúsavara, þó svo að hann sé
vitaskuld einnig að finna í fisk-
borðum í stórmörkuðum. „Ég fer
oft í matvörubúðir hérna í Brem-
erhaven og fylgist með verðlagn-
ingu á karfanum. Til dæmis fór
ég á dögunum í verslun Nordsee
hérna í göngugötunni í Bremer-
Karfinn heldur velli
í Þýskalandi
- „stöðugur markaður,“ segir framkvæmdastjóri Íseyjar í Bremerhaven
„Karfinn er yfirgnæf-
andi á markaðnum
hjá okkur, ég myndi
skjóta á að hann sé
um 80% af þeim fiski
sem fer hér í gegn.“