Ægir - 01.03.2007, Side 46

46
Fyrir um einu ári hófust til-
raunir með svokallað Hemmer
T 90 botntroll frá Fjarðaneti
um borð í Akureyrinni EA.
Trollið hannaði Hermann
Hrafn Guðmundsson, neta-
gerðarmeistari og markaðs-
stjóri Fjarðanets. Nú er trollið
komið um borð í fimm skip og
skipstjórnarmenn sem Ægir
hefur rætt við eru sammála
um að þessi gerð trolla sé
byltingarkennd breyting og
það sem koma skal, svo vitn-
að sé til orða þeirra.
En í hverju felst breytingin
úr hefðbundnu botntrolli í
Hemmer T 90 trollið? Meg-
inbreytingin er í sjálfu sér
einföld - netinu er einfaldlega
snúið og það haft þversum.
Þetta þýðir að minna net þarf
í trollið og jafnframt verður
gegnumstreymið mun meira.
Það þýðir með öðrum orðum
minni mótstöðu, sem aftur
þýðir að léttara er að draga
trollið og þannig sparast elds-
neyti skipanna. „Þó svo að
hugmyndin sé í sjálfu sér ein-
föld, er hönnunarferlið búið
að taka nokkurn tíma, en það
hefur tekið á annað ár og að
baki liggja tilraunir í tilrauna-
tanki, um borð í rannsókn-
arskipi, ásamt prófunum um
borð í fiskiskipi. Áður hefur
verið notað þvernet í poka,
en enginn hefur áður svo við
vitum, hannað og framleitt
troll með þversum neti í öllu
trollinu,“ segir Hermann.
Varð „óvart“ til
Hugmyndin að Hemmer T 90
trollinu varð nánast „óvart“ til
þegar unnið var að hönnun á
kolmunnaskilju. Notkun á
þverneti í þá skilju leiddi Her-
mann áfram í að e.t.v. væri
þarna kominn lykillinn að
nýju botntrolli. Næsta skref
var að fara með trollið í til-
raunatankinn í Hirtshals í
Danmörku og þær tilraunir
staðfestu þær hugmyndir að
lykillinn að léttara trolli væri
að hafa netið í því þversum. Í
framhaldinu var sett upp troll
fyrir rannsóknartúr á Árna
Friðrikssyni og virkni þess
mynduð í bak og fyrir. Nið-
urstaðan var mjög jákvæð og
í framhaldinu var fyrsta trollið
af þessari tegund reynt um
borð í Akureyrinni EA og gaf
góða raun. Eftir að hafa próf-
að trollið ákvað Samherji að
kaupa það. Það troll fór síðar
yfir í annan togara Samherja
hf., Björgvin EA, þar sem það
er ennþá og reynist vel. „Við
viljum færa Samherja bestu
óskir fyrir að taka þátt í þessu
með okkur og sýna þann
kjart að vera fyrsta útgerðin
til að taka trollið í notkun,”
segir Hermann. Síðan hefur
þetta troll verið tekið um
borð í Gullver NS á Seyð-
isfirði, Klakk SK á Sauð-
árkróki og Jón Vídalín VE í
Vestmannaeyjum og nú síðast
í Oddeyrina EA. Fleiri skip
eru að fylgjast með og hafa
haft samband, einnig hefur
trollið vakið athygli erlendis.
Mismunandi stærðir
Hermann segist að vonum
vera mjög ánægður með þau
viðbrögð sem trollið fái og
þau fari í raun fram úr björt-
ustu vonum. Reynsla manna
sé ólygnust í þeim efnum.
Unnt er að setja upp þetta
troll í mismunandi stærðum,
allt fari það eftir stærð skip-
anna og þeim veiðarfærum
sem skipin voru áður með.
Til þessa segir Hermann að
Fjarðanet hafi sett T 90 trollin
upp í þremur stærðum.
Fjarðanet leggur í starfsemi
sinni talsverða áherslu á þró-
un og hönnun nýrra og betri
veiðarfæra og hefur fleiri járn
í eldinum. Fjarðanet vinnur
náið með Hampiðjunnni og
Hafrannsóknastofnuninni að
þróun veiðarfæra.
Fjarðanet rekur sex starfs-
stöðvar í kringum landið og
framleiðir og þjónustar allar
gerðir veiðarfæra.
Um eins árs reynsla komin á Hemmer T
90 trollin frá Fjarðaneti:
Viðbrögðin
hafa farið
fram úr björt-
ustu vonum
– segir Hermann Hrafn Guðmundsson,
hönnuður trollsins
Hermann Hrafn Guðmundsson, markaðsstjóri Fjarðanets, netagerðarmeistari og
hönnuður Hemmer T 90 botntrollsins.
Hér má glögglega sjá hvernig Hemmer T 90 trollið þenst út í vatninu.
V E I Ð A R F Æ R A G E R Ð