Tímarit Máls og menningar - 01.09.1944, Page 30

HALLDOR HELGASON:
MANNFALL
NORDAHL GRIEG . KAJ MUNK
i
I bróðurhug við biðum eftir frétt:
að bræðraþjóðum væri hönd sú rétt,
er leysti ógnar-okið þeim af herðum.
En biðin lengdist fram um ár og ár:
með ári hverju fleiri og dýpri sár.
Og járngreipin lá þungt á frjálsum ferðum.
Og enn er bið — og dimmt í desember:
hver dagur lætur bíða eftir sér
um kaldar, langar, stjörnustrjálar nætur.
Þá hlusta vonir okkar — aldrei meir:
hvort ennþá séu heilir strengir þeir,
er syngja þjóðum hkn og bölvabætur.
— Svo gnestur hátt. — Þá hnykkir okkur við;
því heima fyrir þekkjast stopul grið,
er yfir flóðmark banabárur stökkva,
í sama knérunn vegur flogin fregn:
Það fer sem brjóstið lagt sé ör í gegn,
er nábúanna hörpustrengir hrökkva.