Tímarit Máls og menningar - 01.11.1945, Page 6

JÓHANNES ÚR KÖTLUM:
EIÐUR VOR
Vér stöndum, hver einasti einn,
um ísland hinn skylduga vörö:
af hjarta vér leggjum nú hönd
á heilaga jörð
og sverjum að sameinast bezt
þess sál, þegar hættan er mest,
hver einasti einn.
Gegn kalsi um framandi kvöÖ
skal kynstofninn, sjálfum sér trúr,
í landhelgi rísa viÖ loft
sem Iifandi múr.
Og heldur en hopa um spönn,
vér herðum á fórn vorri og önn,
hver einasti einn.
Þótt særi oss silfur og gull,
þótt sæki aÖ oss vá eÖa grand,
vér neitum aÖ sættast á svik
og selja vort land.
Á fulltingi frelsisins enn
vér festum vort traust eins og menn,
hver einasti einn.