Tímarit Máls og menningar - 01.05.1955, Síða 21

SVOR VIÐ SPURNINGUM
fyrri hugmyndir um list og tækni skipulagðra manndrápa í ófriði úreltar og
gerbreytt allri hernaðaraðstöðu í heiminum eins og Winston Churchill komst
að orði, eftir að hann hafði loksins í fyrra sumar fyrir náð fengið örlitla hug-
mynd um kjarnorkuleyndardóma Bandaríkjanna.
Það var ráð Atlanzhafsbandalagsins sem fyrst dró opinberlega hinar póli-
tísku ályktanir af þessum staðreyndum. Á fundi þess í París, skömmu fyrir
jólin í vetur, var samþykkt einróma (þ. á. m. af utanríkisráðherra fslands) að
allar hernaðaráætlanir þessa bandalags skyldu framvegis miðaðar við það, að
beitt yrði kjarnorkuvopnum af þess hálfu þegar í upphafi styrjaldar, jafnvel
að fyrra bragði, sbr. m. a. yfirlýsingar Griinthers hershöfðingja í fyrra mán-
uði.
Það er því ómótmælanleg staðreynd, að ísland er nú þátttakandi í hernaðar-
bandalagi, sem hefur skuldbundið aðildarríki sín til þess að taka þátt í styrjöld,
sem háð verður með kjarnorkuvopnum, þar með taldar vetnissprengj ur. ísland
hefur játazt undir það, að nauðsynlegt geti orðið að greiða fyrsta höggið í
slíkri kjarnorkustyrjöld, og þá vafalaust að leyfa afnot herstöðva á íslandi til
þess að greiða þetta fyrsta högg. Skuldbindingar Atlanzhafsbandalagsins eru
þess eðlis, að slík kjarnorkustyrjöld gæti hæglega hafizt án samþykkis og
jafnvel gegn mótmælum aðildarríkja. Bandaríkjamenn og vinir þeirra, Vestur-
Þjóðverjar, gætu auðveldlega stofnað til þeirra vandræða, sem leiddu til þess
að kjarnorkustyrjöld skylli á, með vísri tortímingu t. d. brezku og íslenzku
þjóðarinnar, þótt þær þjóðir báðar ættu engan hlut að upphafinu og vildu þar
hvergi nærri koma.
Æðstu valdamenn Bandaríkjanna hafa lýst yfir, að ef til styrjaldar komi,
verði vetnissprengjum demht inn yfir lönd andstæðinganna í eins stórum stíl
og eins fljótt og mögulegt verði („instant and massive retaliation“) frá öllum
flugvöllum, sem Bandaríkjamenn eiga yfir að ráða í heiminum.
Samkvæmt margendurteknum yfirlýsingum amerískra hershöfðingja og
hernaðarsérfræðinga er Keflavíkurflugvöllur talinn einn allra heppilegasti
flugvöllur sem kostur er á í veröldinni til afnota í þessu skyni. Hann var þegar
á síðustu stríðsárunum kominn í röð stærstu hernaðarflugv'alla í heiminum.
Síðan hefur hann verið stækkaður mikið og stærð hans og gerð öll miðuð við
stærstu sprengjuflugvélar, jafnvel þeirra tegunda, sem enn eru á tilraunastigi.
Þaðan má fljúga stærstu flugvélum með vetnissprengjufarm til Leningrad á
31/0 klst., en rúmum 4 klst. til Moskvu. Af hinum stærstu flugvöllum, sem
Bandaríkin hafa tök á, komast aðeins flugstöðvarnar í Austur-Englandi og
lábvn til jafns við hann að þessu leyti.
131