Tímarit Máls og menningar - 01.05.1955, Page 25

SVOR VI8 SPURNINGUM
uppi, að það ber að gera allt hugsanlegt til að afstýra þeim heimsvoða, senr
beiting kjarnorkuvopna yrði í hernaði.
3. Vitanlega hlýt ég að undirrita ávarp heimsfriðarráðsins um eyðileggingU'
kjarnorkuvopna og stöðvun á framleiðslu þeirra, því að annars myndi ég drag-
ast með þann glæp á samvizkunni að hafa með afskiptaleysi lagt minn litla
skerf til að steypa þjóð minni og mannkyninu í kjarnorkuglötun, — minnugur
hinna spaklegu orða: Hver, sem ekki er með mér, hann er á móti mér.
Hannibal Valdimarsson, jorseti Alþýðusambands íslands:
1. Mér skilst það vera sameiginlegt álit vísindamanna, að öll lönd jarðar
séu í hættu, ef til kjarnorkustríðs kæmi. Vísindamennirnir tala nú þegar um
eyðingu allrar menningar og jafnvel útþurrkun lífs á jarðarhnettinum, ef
heiminum verði varpað út í kjarnorkustyrjöld. Tilraunir þær, sem nú hafa
verið gerðar með vetnissprengjur, eru meira að segja taldar hættulegar lífi
jarðarbúa, vegna geislavirkra áhrifa á andrúmsloftið.
Þetta er í sem skemmstu máli álit mitt á þeirri almennu hættu, sem vofi yfir
öllum löndum heims, og þar með yfir íslandi, ef til kjarnorkustríðs kæmi.
En auk þess dylst engum, að þau lönd, sem talin eru hafa mikla hernaðarlega
þýðingu, einkanlega ef þar eru staðsettar inikilvægar hernaðarbækistöðvar,
eru sérstaklega í bráðri hœtlu, ef til kjarnorkustríðs skyldi koma.
Og þannig er ísland einmitt sett. Þessi bráða hætta er því ískyggilegri fyrir
íslenzku þjóðina vegna þeirrar landfræðilegu staðreyndar, að helmingur henn-
ar býr í næstu grennd Keflavíkurflugvallar.
2. Jú, vissulega tel ég nauðsynlegt að gerðar séu allar hugsanlegar ráðstaf-
anir til að koma í veg fyrir beitingu kjarnorkuvopna. En meðan vopn eru fram-
leidd, hverrar tegundar sem þau eru, er nokkurnveginn víst, að þeim verði
beitt. Sú hlýtur a. m. k. að vera ætlunin með framleiðslu þeirra — og sú hefur
líka orðið raunin með öll vopn fram til þessa.
En hvaða ráðstafanir er þá hægt að gera til að koma í veg fyrir beitingu
kjarnorkuvopna? Ef til vill er engar þær ráðstafanir hægt að gera, sem örugg-
lega tryggi það, að þessum gereyðingartækjum verði ekki beitt. — Ef til vill
liggur einasta vörn heimsins við kjarnorkustríði í því, að vissa er fyrir eyð-
ingu beggja stríðsaðila, og að enginn getur unnið slíkt stríð. — Til hvers þá
að hefja slíkan hildarleik?
Bann við framleiðslu allra kjarnorkuvopna, og eyðilegging allra birgða
135