Tímarit Máls og menningar - 01.07.1976, Page 111

Erlendar bækur
Handbækur Oxford útgáfunnar um bók-
menntir einkennast af miklum fjölda
uppsláttarorða og víxltilvitnana. Gefnar
hafa verið út handbækur um franskar,
amerískar og enskar bókmenntir auk
uppsláttarbókar um klassískar bók-
menntir. Nú bætist ný bók við þetta
ágæta safn.1 Höfundarnir hófu saman-
tekt þessa verks 1965 og hafa starfað
að því undanfarin tíu ár. Henry Gar-
land hefur starfað við háskólann í Ex-
eter, sem prófessor í þýzkum bókmennt-
um. Hann hefur skrifað nokkrar bækur
um þýzkar bókmenntir og höfunda.
Mary Garland hefur sett saman bækur
um Hebbel og leikrit Kleists.
Rit þetta spannar tímabilið frá því
um 800 og fram á sjöunda tug þessarar
aldar. Fjallað er um þýzkar bókmenntir
í víðri merkingu, þ. e. auk þýzkra bók-
mennta eru teknar svissneskar og aust-
urrískar bókmenntir. Höfundarnir rekja
þróun þýzkra bókmennta undir upp-
flettiorðum vissra tímabila og bók-
menntastefna, fjallað er um höfunda og
verk þeirra, svo og raktar samfélagsleg-
ar forsendur bókmennta á hverjum tíma.
Höfundarnir rekja höfuðþemu þeirra
verka, sem kunnust eru og fjalla um
staði og efni, sem eru á einhvern hátt
tengd bókmenntaiðju. Rit þetta er 977
1 The Oxford Companion to German
Literature by Henry and Mary Gar-
land. Clarendon Press. Oxford 1976.
blaðsíður, tvídálka og ágæti þess er
fólkið í magni uppsláttarorða og því
jafnvægi sem höfundum hefur tekizt að
móta, en á því byggjast kostir ritsins.
Það er talið að um 60—70% nýs
efnis í ýmislegum þekkingargreinum
komi fyrst út í tímaritum eða ársritum.
Meðal rita um miðaldafræði eru t. d.
Saeculum, Traditio, Deutsche Archiv
fiir Erforschung d. Mittelalters, Specul-
um, Cahiers de civilisation médiévale,
Analecta Bollandiana og Medievalia et
Humanistica, sem hefur komið út sem
ársrit frá 1943 og er merkasta ritsafn
um þessi fræði, sem út var gefið í Banda-
rikjunum. 1970 hófst nýr flokkur þess
útgefinn af alþjóðlegri nefnd fræði-
manna í miðaldasögu og fræðum.2 Þetta
ársrit er helgað heilagramanna sög-
um og miðaldarómönsum. Um það leyti
sem ritun hefst á þjóðtungum í Vesmr-
Evrópu, höfðu heilagramanna sögur
verið skráðar um aldir á latínu og
grísku í Austur-Evrópu. í lok níundu
aldar var búið að skrásetja um sex hundr-
uð ævir heilagra. Þegar tekið er að rita
á þjóðtungunum er margt þessara æva
2 Medievalia et Humanistica. Studies in
Medieval and Renaissance Culture.
New Series: Number 6. Medieval
Hagiography and Romance. Edited by
Paul Maurice Clogan. Cambridge Uni-
versity Press 1975.
205