Tímarit Máls og menningar - 01.06.1979, Side 103

Tengsl skóla og atvinnulifs
sem verklegt nám...“. Tengsl skóla og atvinnulífs voru nokkuð til um-
ræðu þegar grunnskólalögin voru í mótun, en framkvæmd þeirra tengsla
ekki útfærð nánar. Hér kemur til kasta kennara eins og reyndar fram-
kvæmd grunnskólalaganna almennt.
Mörgum skólamönnum er vel Ijóst að skólastarfið er í allt of ríkum
mæli slitið úr tengslum við umheiminn og víða eru menn að gera til-
raunir til að rjúfa þessa einangrun. Foreldrafélög hafa verið stofnuð og
hlotið ákveðinn sess í skólastarfinu; ýmiss konar námsferðir, þar sem safn-
að er efni til að vinna úr í skólanum, færast mjög í vöxt; unnið er í hóp-
vinnu að verkefnum og heimildir og upplýsingar sóttar út fyrir skólann;
nemendur fara um viku tíma út í atvinnulífið og starfa á ákveðnum vinnu-
stað og safna efni o. s. frv.
2.0 Kynning atvinnulífs á vettvangi
t Gagnfrœðaskólanum í Neskaupstað.
Við Gagnfræðaskólann í Neskaupstað hefur í þrjú undanfarin ár verið
gerð tilraun til þess að losa örlítið um einangrun skólans og tengja hann
atvinnulífinu með nokkuð öðrum hætti en áður hefur tíðkast. Er þar með
gerð tilraun til að framkvæma þann þátt grunnskólalaganna sem kveður
á um tengsl skóla og atvinnulífs. Ætla ég nú að gera grein fyrir fram-
kvæmd þessarar tilraunar.
2.1. 9. bekkingar fara út í atvinnnlífið.
Skólinn hefur reynt að gera kynningu atvinnulífs að föstum lið í námi 9.
bekkinga. Kynningin er skipulögð og stjórnað af skólanum en að sjálf-
sögðu í samvinnu við fulltrúa vinnustaðanna. Reynt hefur verið að sporna
við þeim viðhorfum að skólanemendur skuli vera varavinnuafl sem grípa
megi til þegar mannskap vantar eins og oft hefur tíðkast, einkum í sjávar-
plássum úti um landið. Slíkt tengir ekki skóla og atvinnulíf eða breytir
annars vegar viðhorfum nemenda til atvinnulífsins og hins vegar viðhorf-
um almennings til skóla. Nemendur fá enga heildarsýn yfir fyrirtæki eða
stofnun á þann hátt frekar en í sumarvinnunni, hvað þá að þeir geri sér
grein fyrir fjárhagslegri og rtjórnunarlegri uppbyggingu atvinnulífsins.
229