Tímarit Máls og menningar - 01.06.1979, Síða 108

Tímarit Mdls og menningar
tengslum við starfsmenn, en slík persónuleg tengsl eru mjög mikils virði
og stuðla að festu. Hann raðar nemendum niður á hvert tímabil, auglýsir
niðurröðun á auglýsingatöflu skólans og tilkynnir á vinnustað hver kemur
þangað hvert tímabil.
2.5. Vinnubœkur nemenda.
Eftir hver fjögur skipti úti í atvinnulífinu skila nemendur vinnubók til
umsjónarkennara. I hana skrá þeir upplýsingar sem þeir hafa safnað um
starfsemi vinnustaðarins og starfsfólkið. Við skýrslugerðina hafa þeir spurn-
ingalista frá skólanum til að styðjast við, þar er m. a. spurt um húsnæði,
tækjabúnað, skipulag fyrirtækis, verkaskiptingu, störf, menntunarkröfur og
eignaraðild. Einnig skrá þeir dagbók hvers dags og safna í vinnubókina
eyðublöðum, bæklingum, sýnishornum af umbúðum o. fl. Nemendur fá
einnig afrit af mætingablaði sem umsjónarmaður skráir.
Umsjónarkennari gefur umsögn um vinnubók. Oft eru vinnubækurnar
skemmtilegar aflestrar, þar segja nemendur gjarnan álit sitt á tilgangi
ýmissa starfa, mati þjóðfélagsins á þeim, aðbúnaði vinnufólks o. fl. Þau
láta í Ijós hvort þau gætu hugsað sér að vinna viðkomandi starf og oft
virðast þau hafa komist að því sér til undrunar að störf eru vandasamari
en þau hugðu og gera meiri kröfur til starfsmanna en ætla mætti við fyrstu
sýn. Stofnanir eða fyrirtæki sem þau töldu sig gjörþekkja vöktu meiri for-
vitni en þau höfðu búist við í upphafi.
2.6. Reynsla af starfinu.
Þessi atvinnulífskynning hefur án efa dregið nokkuð úr einangrun skólans
og tengt starf hans nánar við reynsluheim nemenda, auk þess sem hún
hefur gefið unglingunum tækifæri til að kynnast betur atvinnulífi síns
byggðarlags og átta sig á stöðu þess samfélagshóps sem þau tilheyra. Þannig
hefur skapast grundvöllur að nánari fræðslu um þjóðfélagið, efnahagslega
uppbyggingu þess og samhengi vinnu og fjármagns. En því miður hefur
skólinn vanrækt að nýta þann grundvöll á sviði samfélagsfræðinnar.
Reynsla nemenda hefur ekki verið tekin til nánari umfjöllunar.
Hér ætti að vera um að ræða nokkuð aðra reynslu af atvinnulífinu en
unglingarnir öðlast í sumarvinnunni, en þá kynnast þeir yfirleitt ekki nema
234