Tímarit Máls og menningar - 01.11.1986, Síða 96

Tímarit Máls og menningar
Höddi segir að það væru margir með lús í skólanum. Skyldi það vera
satt?
Ég er þreyttur núna og segi bara BÆ — GOOD NIGHT!
Mamma hringdi í skólastjórann og hann sagði að það sé alsekki lús í
hans skóla heldur í alt öðrum skóla. En ég veit um einn strák sem er
svo sóðalegur altaf og hann getur vel verið með lús, líka bróðir hans.
Þeir eru í sjöunda bekk og báðir alveg eins.
Gamla tölvan mín fannst í morgun langt undir sóffa og nú á ég tvær.
Næstu helgi eða þar næstu ætlar Jóngestur að fara ustur til bróður
hans og við förum öll ef veðrið er gott. Þá á að ákveða kannski ef ég
verð þar í sveit í sumar. Það held ég að sé afskaplega skrýtið að búa
svona altaf uppí sveit. Mér þótti gaman að sjá öll dýrin þar, en það
hlýtur að vera ofsalega erfitt að vera altaf að hugsa um þau og það alt.
Eg hef aldrei verið í sveit á sumrin en nú eru þau bæði að segja hvað
það sé holt og gaman. Ég veit bara ekki enn ef mér hlakkar til í raun
og veru, ég veit það þegar ég kem heim aftur eftir helgina.
Um verslunarhelgina síðast fórum við þangað, en Nína hún fór
þangað um vorið og okkur fanst að hún væri búin að stækka mikið
þegar við hittum hana fyrir ustan og það var gaman að sjá hana hjá
beljunum.
Mamma varð vond við jóngest þá afþví hann keyrði fullur í bæinn
aftur. Hann sagði að hann væri ekkert fullur, bara timbraður og það
var alt í lagi, en Mamma vill alsekki að hann sé að keyra þegar hann er
búinn að drekka. Núna ætlar hún að passa það að hann drekki ekkert
áður en við förum aftur í bæinn.
Ég verð að hætta núna, og það er ekki víst að ég skrifi í bókina fyr en
eftir að við höfðum verið í sveitini. Þá ætla ég líka að skrifa hér næst
langa ferðasögu og segja alt um sveitina og það.
494