Morgunblaðið - 23.12.2014, Side 6

6 FRÉTTIRInnlent
MORGUNBLAÐIÐ ÞRIÐJUDAGUR 23. DESEMBER 2014
Steinþór Guðbjartsson
steinthor@mbl.is
Barinn Skúli var opnaður í Að-
alstræti 9 í Reykjavík fyrir helgi.
Skúli fógeti Magnússon hefur oft
verið nefndur faðir Reykjavíkur og
stytta af honum er í Fógetagarð-
inum fyrir framan veitingastaðinn
sem heitir eftir fógetanum.
„Þetta var ótrúleg og frábær
helgi, fullt út úr dyrum og skemmti-
leg byrjun,“ segir Stefán Magn-
ússon, framkvæmdastjóri Skúla.
Hann bætir við að húsnæðið hafi
verið tekið í gegn frá grunni, allt
verið hreinsað út og nýtt sett í stað-
inn. „Ég réð „bjórnörda“ í vinnu
og þeir tækluðu þetta einstaklega
vel, rúlluðu þessu upp.“
Stefán segir að það hafi
tekið sinn tíma að fá öll til-
skilin leyfi og hann hafi opn-
að á föstudag um leið og
hann hafi fengið grænt ljós.
Úrval af bjór og víni
Áhersla er lögð á að hafa sem
mest úrval af bjór og léttu víni
og segir Stefán að vel komi til
greina í náinni framtíð að bjóða
upp á húsbjór, það er bjór sem
er framleiddur á staðnum.
„Stefnan er að þetta verði
fínn og rólegur staður, þar
Varðskipið Þór kom nýlega við í
Þórshöfn í Færeyjum til að taka olíu.
Olíutankar skipsins voru þá fylltir
en þeir rúma svo mikið að ekki þarf
að fylla á þá nema um það bil einu
sinni á ári alla jafnan, að sögn Ás-
gríms L. Ásgrímssonar, fram-
kvæmdastjóra aðgerðasviðs Land-
helgisgæslunnar (LHG).
Hann sagði að varðskipin hefðu
oft tekið olíu í Færeyjum í að
minnsta kosti 15 ár ef ekki lengur.
Olíuverðið hefur oft verið lægra í
Færeyjum en hér á landi auk þess
sem mikið munar um að varðskipin
þurfa ekki að borga virðisaukaskatt
af olíunni í Færeyjum. Það þýðir um-
talsverðan sparnað í rekstri LHG og
gerir kleift að halda þyrlum og varð-
skipum meira úti en ella væri hægt,
að sögn Ásgríms. Hann sagði að
stofnunin, líkt og aðrar ríkisstofn-
anir, yrði að gera sem mest úr fjár-
veitingum.
Farið er til Færeyja þegar það
hentar vegna staðsetningar skip-
anna. Ásgrímur sagði að þegar varð-
skipin væru við eftirlitsstörf fyrir
Austurlandi eða Suðausturlandi
væri stutt að skreppa til Færeyja og
taka olíu. Viðdvölin er rétt á meðan
olían er tekin og fjarveran úr ís-
lensku fiskveiðilögsögunni ekki
nema tæpur sólarhringur.
Stundum er tækifærið notað til að
æfa með dönskum og/eða fær-
eyskum varðskipum. Auk þess eru
Færeyjar innan íslenska leitar- og
björgunarsvæðisins á N-Atlantshafi,
það nær austur fyrir Færeyjar. Fær-
eyingar sinna færeysku fiskveiði-
lögsögunni en Íslendingar bera
engu að síður ábyrgð á leit og björg-
un á svæðinu. gudni@mbl.is
Ódýrara að taka
olíu í Færeyjum
 Vs. Þór fyllti á tankana í Þórshöfn
Morgunblaðið/Árni Sæberg
Varðskipið Þór Skipið er útbúið
með mjög stóra olíugeyma.
Aðföng hafa
ákveðið að taka
úr sölu og inn-
kalla kókosolíu í
200 gramma
krukkum sem
seld hefur verið
undir vörumerk-
inu Himneskt.
Ástæða innköll-
unarinnar er að í
einni krukku
fannst aðskotahlutur. Nær innköll-
unin eingöngu til vöru sem merkt
er „best fyrir 31-07-2016“ og áletr-
að á lok krukkunnar. Hefur varan
verið til sölu í verslunum Bónuss,
Hagkaupa, Stórkaupa, matvöru-
verslunum KS, 10-11 og í Gló í
Fákafeni, segir í tilkynningu.
Himnesk kókosolía
innkölluð úr búðum
Innköllun Olían
himneska.
Unnið hefur verið að skilgreiningu
kyrrlátra svæða í Reykjavíkurborg
undanfarin misseri. Evrópusam-
bandið gaf út tilskipun um mat og
stjórn á hávaða í umhverfinu og að
kyrrlát svæði skyldu vera skilgreind
líkt og í aðildarríkjum sambandsins.
Vinnan felur í sér að tekin eru sam-
an opin svæði í Reykjavík, bæði innan
og utan þéttbýlis. Sé hávaði minni en
50 desíbel innan þéttbýlis og minni en
40 desíbel utan þess geta þau fallið
undir skilgreiningu kyrrlátra svæða
en ekki er búið að raða og skilgreina
þau svæði, að sögn Kristins Jóns Ey-
steinssonar, verkefnastjóra á um-
hverfis- og skipulagssviði Reykjavík-
urborgar. Niðurstöður kortlagningar
hávaða við mestu umferðargötu
borgarinnar liggja til grundvallar við
skilgreiningu þessara svæða. Sú
kortlagning dugar ekki til að sögn
Kristins og því sé næsta skref vinn-
unnar að afla frekari upplýsinga og til
þess þurfi að framkvæma mælingar
og kannanir.
Fjölmörg aðildarríki ESB hafa
skilgreint kyrrlát svæði og hafa mörg
þeirra kvartað undan því að hávaða-
kortlagningin sem á að liggja til
grundvallar við mat á kyrrlátum
svæðum dugi ekki og segir Kristinn
Reykjavíkurborg nýta sér þá gagn-
rýni við þessa vinnu.
Í skýrslu Umhverfisnefndar Evr-
ópu, sem gefin var út fyrr á þessu ári,
segir að fjórir þættir skuli lagðir til
grundvallar við mat á kyrrlátum
svæðum. Hávaðakortlagning, hljóð-
mæling á svæðum, skoðanir og við-
horf þeirra sem svæðin nýta og sér-
fræðiálit. ash@mbl.is
Evrópusambandið vill kyrrð
 Reykjavíkurborg vinnur að skilgreiningu kyrrlátra svæða eftir tilskipun frá
ESB sem kveður á um mat og stjórn á hávaða  Vinnan er enn á byrjunarstigi
Morgunblaðið/Styrmir Kári
Kyrrð Reykjavíkurborg vinnur nú
að því að skilgreina kyrrlát svæði.
Skúli Magnússon fæddist að Keldunesi í Norður-Þingeyjarsýslu 12.
desember 1711. Hann var skipaður landfógeti 1749, fyrstur Íslend-
inga. Hann var einn helsti drifkrafturinn á bak við stofnun Innrétt-
inganna 1751 „til að vinna að viðreisn íslenskra landshaga“ eins og
segir á vef Lands og sögu (landogsaga.is). „Starfsemin varð fjöl-
þætt, tók til jarðræktartilrauna, brennisteinsvinnslu, ullarvefsmiðja,
litunar, kaðlagerðar, skinnaverkunar, skipasmíða og útgerðar svo það
helsta sé nefnt.“ Eftir 1760 tengdist Innréttingaheitið fyrst og fremst
ullarvefsmiðjunum í Aðalstræti 10 í Reykjavík en þær störfuðu til árs-
ins 1803. Skúli lést 9. nóvember 1794. 1954 var reist stytta af honum í
Fógetagarðinum eftir Guðmund Einarsson frá Miðdal. Listaverkið var
gjöf Verslunarmannafélags Reykjavíkurborgar til borgarinnar. (Byggt á
vef Lands og sögu).
Innréttingarnar og stytta
SKÚLI MAGNÚSSON FÓGETI LÉT AÐ SÉR KVEÐA
Skúli
fógeti
sem fólk geti spjallað saman yfir
góðum bjór eða góðu víni,“ segir
Stefán.
Freyr Rúnarsson velur veigarnar
og á Skúla er mikið úrval af bjór frá
minni framleiðendum. Meðal annars
er boðið upp á sex mismunandi teg-
undir af kranabjór frá Borg-
brugghúsinu og síðan eru sex kranar
fyrir aðrar tegundir. Auk þess eru
fjölmargar tegundir á flösku í boði.
„Það er mjög gaman að vera með
svona metnaðarfullan stað og við
bjóðum stöðugt upp á eitthvað nýtt í
hverjum mánuði,“ segir fram-
kvæmdastjórinn.
Stefán er eigandi og fram-
kvæmdastjóri rokkhátíðarinnar
Eistnaflugs í Neskaupstað og hefur
stjórnað henni árlega undanfarin tíu
ár. Hann segir að rekstur barsins
hafi togað í sig, fyrst og fremst
vegna skemmtilegs hóps fólks, sem á
staðinn. „Mig langaði líka til þess að
breyta til,“ segir hann, en Stefán
hefur verið íþróttakennari í 15 ár.
Morgunblaðið/Kristinn
Skúli Stefán Magnússon er með mikið úrval af bjór og víni á barnum við Fógetagarðinn í miðbæ Reykjavíkur.
Nefndur í höfuðið á
föður Reykjavíkur
 Veitingastaðurinn Skúli opnaður við Fógetagarðinn
Kringlan 4-12 | s. 577-7040 • loccitane.com
Andvirði: 8.030 kr.
Ilmsápa 100 g - 660 kr. | Ilmpoki 35 g - 1.160 kr.
Sturtusápa 250 ml - 2.380 kr. | Húðmjólk 250 ml - 3.830 kr.
VERBENA GJAFAKASSI
Jólatilboð: 6.350 kr.
SVÍFÐU INN Í
JÓLAHÁTÍÐINA