Morgunblaðið - 23.12.2014, Side 50

50 DÆGRADVÖL
MORGUNBLAÐIÐ ÞRIÐJUDAGUR 23. DESEMBER 2014
Stjörnuspá
21. mars - 19. apríl 
Hrútur Það er einhver sem fer ótrúlega mikið
í taugarnar á þér. Leystu því eigin vandamál
áður en þú fæst við vanda annarra.
20. apríl - 20. maí 
Naut Einhverjir skjóta upp kollinum á dyra-
pallinum hjá þér. Ef þú leynir einhverju áttu
það á hættu að ná ekki takmarkinu og verða
þar með fyrir vonbrigðum.
21. maí - 20. júní 
Tvíburar Þér líður best í samstarfi við fáa og
ættir því að forðast stóra vinnuhópa eins og
heitan eldinn. Að lokum færir vel unnið verk
ykkur ávinninginn.
21. júní - 22. júlí 
Krabbi Það má ýmislegt læra af stórhuga
persónum sögunnar því þótt aðstæður séu
ólíkar er kjarninn sá sami. Ekki gera neitt sem
gæti komið því úr jafnvægi.
23. júlí - 22. ágúst 
Ljón Þú þarft að koma þér upp dagbók og
skipuleggja tíma þinn betur. Gluggaðu í
sjálfshjálparbækur og reyndu að hreyfa þig
sem mest.
23. ágúst - 22. sept. 
Meyja Þig langar að gera eitthvað alveg spes
í dag sem þú gerir aldrei! Þú vilt ævintýri og
spennu. Gerðu þitt besta og láttu það fréttast
að þú sért tilbúin/n í hvað sem er.
23. sept. - 22. okt. 
Vog Stundum verður þú að leggja mikið á þig
til þess að ryðja veginn fyrir sjálfa/n þig. Ekki
vera hissa þótt vinsældir þínar eigi eftir að
stigmagnast.
23. okt. - 21. nóv.
Sporðdreki Upplýsingarnar eru alls staðar.
Eitt af því sem þig langar til þess að sanna
fyrir umheiminum er geta þín til þess að
græða peninga.
22. nóv. - 21. des.

Bogmaður Í dag er rétti tíminn fyrir leti og
heppni. Hafðu í huga að þú getur ekki byggt
sjálfsmynd þína á skoðunum annarra, sama
hversu mikla virðingu þú berð fyrir þeim.
22. des. - 19. janúar 
Steingeit Þetta er góður dagur til að ræða
við maka um ábyrgðina sem felst í barna-
uppeldi. Ekki sinna börnum og barnabörnum
of mikið, einbeittu þér frekar að ástinni og
njóttu hennar til hins ýtrasta.
20. jan. - 18. febr. 
Vatnsberi Hugmyndirnar streyma að þér úr
öllum áttum svo þú mátt hafa þig alla/n við
að drukkna ekki í flóðinu. Reyndu samt að
láta þær liggja á milli hluta og sinntu starfinu.
19. feb. - 20. mars

Fiskar Ástríður þínar verða endurgoldnar –
að lokum. Stuttar ferðir, erindi, heimsóknir til
systkina og ættingja, daglegt spjall og versl-
un og viðskipti halda honum við efnið.
Það er margt fallega kveðið á að-ventu, þegar jólin eru að
ganga í garð. Á sunnudaginn reit
Sigrún Haraldsdóttir í Leirinn að á
sólhvörfum væri full ástæða til að
gleðjast – „ í huga mínum byrjar
sumarið á morgun“ skrifar hún og
lætur þetta fallega ljóð fylgja um
leið og hún óskar „öllum hér á
Leir“ gleðilegrar hátíðar. Ljóðið
heitir Sólhvörf:
Tíminn vegi vefur
voðum næturrökkvans
glóey gengið hefur
götur út til dökkvans
röðuls för út fjarar
farfi dvín á vanga
stillist stefna farar
stöðvast myrkraganga
kynngikraftar toga
kalla ljósið dýra
hátt á himinsboga
heldur birtan skíra
feyskist fönn á vangi
fegrast litir skýja
dimmu úr drungans fangi
dagar burtu flýja
ilman úrgrar moldar
elda loftsins kveikir
vekja frjóin foldar
fingur sólar bleikir.
Viðbrögðin við ljóði Sigrúnar
urðu snögg. Friðrik Steingrímsson
sagði með jólakveðjum til allra á
Leir:
Loks fer dag að lengja smá
loftið roðar sólin,
biðin styttist börnum hjá,
bráðum koma jólin.
Mér þykir rétt í tilefni dagsins að
fletta upp í bók Árna Björnssonar
„Sögu daganna“. Þar segir að
ósennilegt sé að skata, megringar
eða stappa hafi í upphafi verið
hugsuð sem hátíðarmatur. Líklegra
sé að hún hafi verið fátæklegur
matur sem seinna þótti lostæti eins
og alþekkt sé um heim allan –
„Dæmi er um að ríkismönnum
fannst lítilfjörlegt að hafa skötuna
stappaða í mörfloti og vildu hafa
hana í smjöri. Gamlar stökur um
heimilisbrag á stórbýli í Stranda-
sýslu benda í átt til sömu mismun-
unar þar sem húsbændum er ekki
skömmtuð skötustappa:
Skötustappa skömmtuð var á Eyjum
allir fengu innan ranns
utan Bjarni og kona hans.
Bóndinn sjálfur borðaði smér og köku
en hans kona ystan graut
iðra sinna kenndi þraut.
Halldór Blöndal
halldorblondal@simnet.is
Vísnahorn
Á vetrarsólhvörfum og
skata á Þorláksmessu
Í klípu
„ÞRJÚ KÍLÓ AF GRÁÐUGU SVÍNI, FIMM
KÍLÓ AF HEILÖGUM KÚM OG EITT
EKKERT UNGLAMB LENGUR“
eftir Mike Baldwin eftir Jim Unger
„HERRA HÖGNI VILL HITTA ÞIG NÚNA.“
Hermann
Ferdinand
Hrólfur hræðilegi
Grettir
... að vita af hjartanu á
réttum stað.
ÉG ER KOMINN MEÐ JÓLATRÉÐ
MITT, LÍSA, EN ÞAÐ ER FULLT AF
KLÍSTRUÐUM TRJÁSAFA
GOTT, ÞAÐ ÞÝÐIR AÐ
ÞAÐ ER NÝFELLT. HVAR
SETTIRÐU ÞAÐ?
NÚNA ER ÞAÐ Í
ELDHÚSINU
RÉTTU MÉR
RJÓMANN,
FURU-
STRÁKUR
HELGA, MANSTU
ÞEGAR ÞÚ SAGÐIST Í
GÆRKVÖLDI ÆTLA AÐ
BIÐJA UM HVÍT JÓL?
GÆTIRÐU BEÐIÐ UM
STÓRA SNJÓSKÓFLU?JÁ
Víkverji gerði sér ferð í bæinn umhelgina til að upplifa hinn eina
sanna jólaanda. Fyrst var rennt upp
að Elliðavatni og kíkt á jólamark-
aðinn þar. Skemmtileg stemning
ríkti á svæðinu, börn að leik í snjón-
um, fólk að velja sér jólatré úr Heið-
mörkinni, líta á jólavörurnar, fá sér
kakó með rjóma og hlusta á upp-
lestur rithöfunda. Fyrir utan bæinn
kraumaði eldur í kamínu, fullri af
afgangsjólatrjám. Það eina sem vant-
aði var jólasveinninn en Víkverji
mætti honum á leiðinni til baka í bæ-
inn þar sem hann kom brunandi á
sínum Skóda. Það eru víst engir
fljúgandi hreindýrasleðar lengur, nú-
tíma samgöngutæki hafa tekið við.
x x x
Næst lá leið Víkverja í miðbæinnþví nú var aldeilis veðrið til að
spígspora um stræti og torg. Víkverji
fer nefnilega ekki í verslanamið-
stöðvar nema í ýtrustu neyð.
Byrjað var á að fá sér eitthvað í
gogginn í Fógetagarðinum þar sem
nokkrir veitingamenn höfðu skellt
upp stóru tjaldi og seldu þar dýrindis
mat og drykki. Víkverji gekk burtu
glaður og saddur, með jólaglögg í
glasi og skoðaði næst jólamarkaðinn
á Ingólfstorgi. Þetta var bara eins og
að vera staddur í Köben á aðventu.
Hið eina sem truflaði var flugvéla-
gnýrinn öðru hvoru, þegar flogið var
rétt yfir húsþökin í aðfluginu að
Reykjavíkurflugvelli. En það vandist
eins og annað.
x x x
Alls staðar var fólk í jólaskapi ogekkert stress. Sumir klæddu sig
upp en aðrir ósköp hversdagslegir í
kraftgallanum. Heim var farið með
sælubros á vör, sem hvarf að vísu um
stund í einni íbúðargötu þegar Vík-
verji mætti öðrum ökumanni. Sá
blikkaði ljósum með látum, skrúfaði
niður rúðuna og öskraði út um
gluggann: Það er einstefna hérna!
Víkverji vissi vart hvaðan á sig
stóð veðrið en í götunni hefur verið
tvístefnuakstur svo lengi sem elstu
menn muna. Þetta var fyrsti og eini
Jólaskröggur dagsins, sem ekki hafði
fundið frið og ró í hjarta.
Víkverji óskar þess heitt að allir
eigi nú gleðileg jól, líka þessi ágæti
ökumaður! víkverji@mbl.is
Víkverji
Jesús svaraði honum: „Elska skalt þú
Drottin, Guð þinn, af öllu hjarta
þínu, allri sálu þinni og öllum huga
þínum. (Matteusarguðspjall 22:37)