Tímarit Máls og menningar - 01.12.1997, Qupperneq 59

ÞRÍR DAGAR MEÐ GABO
líklegur til að grafa undan hefðbundinni flokkaskiptingu í kólumbískum
stjórnmálum.
Gabo segir okkur að hann hafi farið út á torg og hitt fyrir „fólkið sem var
að bleyta vasaklútana sína í blóði Gaitáns.“ Götur Bógóta loguðu og ritvél
Gabos eyðilagðist í þeim bruna. Landið var sem lamað. Háskólunum var
lokað. Það var hér í Cartagena, nokkrum mánuðum síðar, sem Gabo, nítján
ára gamall, hóf blaðamennsku sína með því að skrifa leiðara.
„Ég var á gangi einn daginn og Zabala, ritstjóri El Universal, sat á torginu
með ritvélina sína. Hann sagði við mig: „Ég þekki þig. Þú ert náunginn sem
skrifaðir sögurnar í El Espectador. Hvers vegna tyllirðu þér ekki hérna hjá
mér og hjálpar mér að ljúka við þennan leiðara?“ Ég skrifaði eitthvað. Zabala
tók upp blýantinn og strikaði út hér og hvar. í næsta skipti sem ég skrifaði
leiðara gerði hann aðeins tvær leiðréttingar. Á þriðja degi gerði hann enga
athugasemd við leiðarann. Ég var orðinn blaðamaður.“
Tómas R. Einarsson þýddi
TMM 1997:4
57