Dagblaðið Vísir - DV - 26.02.2010, Qupperneq 67

HELGARBLAÐ 26. febrúar 2010 FÖSTUDAGUR 67
Það væri margt öðruvísi á Íslandi í dag ef efnahagshrunið hefði aldrei orðið, ef góðær-
ið hefði haldið áfram eins og stjörnvöld, bankamenn og forkálfar viðskiptalífsins von-
uðust til. Skúrkar og hetjur íslensks samfélags væru allt annað fólk sem og aðstæður
almennt. DV tók saman nokkur atriði sem hefðu hugsanlega geta orðið að veruleika.
ÍSLAND ÁN
HRUNSINS
FLOT-TÓN-
LEIKASALUR
Tónlistarhúsið hefði verið
klárað sex mánuðum
á undan áætlun og
aukaflotsalur byggður við
húsið.
FJÖLMIÐLAVELDI 365
Auðmenn ættu enn næga peninga til þess að dæla
í fjölmiðla og NFS 2 væri komið á laggirnar. Gunnar
Smári hefði verið ráðinn á ný til þess að stýra
veldinu. Sem hliðarverkefni væru Gunnar og 365 að
gefa út fríblað á heimsvísu, NewsNews héti það.
ALLT Í STOKK
Gísli Marteinn væri orðinn borgarstjóri og hefði náð hugmynd-
um sínum í gegn um að setja helstu akstursleiðir borgarinnar
í stokk. Gott betur en það, allar götur væru komnar í stokk.
Sundabrautin væri líka á sínum stað og ekki má gleyma
göngunum til Vestmannaeyja.
ÚTRÁSARORÐAN
Ólafur Ragnar Grímsson hefði
látið bæta við nýrri orðu. Hún
væri æðri fálkaorðunni og skiptist
líkt og hún í tvennt. Annars vegar
væru menn heiðraðir sem útrásar-
víkingar eða ofurútrásarvíkingar.
EDDAN VÆRI Á RÚV
Ríkissjónvarpið okkar, sjónvarp allra landsmanna, væri ekki
með allt niður um sig. Landsbankinn myndi halda áfram að
styrkja RÚV og væri á döfinni framhald af þáttaröðinni Ham-
arinn sem héti Naglinn. Eddan væri heldur ekki komin á Stöð
2 í beinni útsendingu því RÚV gæti sinnt menningarhlutverki
sínu með því að sýna frá menningarverðlaunum.
DV LOKAÐ
Þetta blað sem þú lest væri farið á
hausinn hefði kreppan aldrei komið.
Útrásarvíkingar sem hefðu horn í síðu
blaðsins væru orðnir svo ríkir að þá mun-
aði ekkert um að punga út milljónum á
milljónir ofan til þess að kaupa blaðið
og leggja það niður svo leyndarmálin
þeirra og spillingin kæmi aldrei upp á
yfirborðið. Þá gæti fullorðið fólk kúrt á
snekkju og ekki þurft að hafa áhyggjur af
að nokkur maður myndi sjá það.
TÍU ÞÚSUND
KRÓNU DAVÍÐ
Davíð Oddsson hefði haldið
áfram í hverju því sem hann
vildi gera ef kreppan hefði ekki
skollið á. Á endanum hefði
þurft að prenta nýja seðla
þar sem til væri svo mikið af
gervipeningum. Tíu þúsund
kallinn yrði nýjasti peningaseð-
ill Íslands með mynd af Davíð
Oddssyni að yrkja ljóð. Hann
yrði að sjálfsögðu blár og fimm
þúsund kallinn yrði gerður
appelsínugulur.
RISAPARTÍ   
Bauhaus hefði opnað með pomp og prakt.
Búðin hefði slegið í gegn og haldið október-
hátíð með miklu partíi þar sem aðalvinningur
í happdrættinu væri Range Rover.
PÓLVERJARNIR VÆRU HÉR ENN  
Íslendingar nenntu ekki að vinna í góðærinu og hefði það haldið
áfram væru Pólverjar orðnir rúmlega fjórðungur þjóðarinnar.
ÍHUGAÐI FRAMBOÐ
Icesave hefði gengið upp og Björgólfur Guðmundsson væri enn þá hetja á Íslandi. Hann hefði verið valinn maður ársins á Rás 2 árin 2008 og 2009. Björgólfur væri að íhuga framboð til forseta. Ekki er ólíklegt að Ástþór Magnússon væri á meðal mótframbjóðenda.
SKEMMTI-
LÓNIÐ
Bláa lónið stendur svo
sannarlega fyrir sínu
sem ein besta land-
kynning sögunnar.
Bláa lónið, eða Blue
Lagoon, þætti þó ekki
lengur nægilega töff
fyrir peningamennina.
Einn þeirra myndi
kaupa Lónið og
gera úr því stærsta
lóns-vatnsrennibrauta-
garð heims sem héti
Fun-Lagoon.