Dagblaðið Vísir - DV - 26.11.2010, Blaðsíða 8

8 FRÉTTIR 26. nóvember 2010 FÖSTUDAGUR
Ekki er veittur
afsláttur af tilboðsvörum
Kringlunni - Sími: 568 9955
40
ára
VIÐ ERUM 40 ÁRA
LAUGARDAG
AFMÆLIS
nú kr 995
- meðan birgðir endast
verð áður kr. 2.500.-stál & gull
JÓLASKRAUT
AFMÆLIS
LEIKUR
HNÍFAPARATÖSKUR
AUKA-AFSLÁTTUR

AF ÖLLUM MATAR
& KAFFISTELLUM
HNÍFAPÖRUM
HITAFÖTUM
ÖLLUM GLÖSUM
STJÖRNUMERKJA-
MYNDUM
RÚMFÖTUM &
RÚMTEPPUM o.fl o.fl
Allir sem versla á BOMBU deginum
geta tekið þátt í leiknum. Vinningar
eru fallegur demantsslípaður
SWAROVSKI hringur. Whisky
kristalsglös 6 stk og karafla o.fl.
www.tk.is
KÚLULÁNÞEGAR
TIL SAGA BANKA
Saga Fjárfestingarbanki hefur ráðið til sín fjóra kúlulánþega eftir bankahrun og
tvo fyrrverandi yfirmenn í Landsbankanum. Ríkið bjargaði bankanum frá falli
með 19,7 milljarða króna láni árið 2009. Engar konur hafa verið ráðnar í lykilstöður
en nýju starfsmennirnir sex eru allt karlmenn sem tóku virkan þátt í útrásinni.
Fjármálafyrirtækið Saga Fjár-
festingarbanki (Saga) hefur frá
bankahruninu árið 2008 ráðið til
sín sex fyrrverandi háttsetta menn
úr fjármálalífinu sem gegndu lyk-
ilhlutverkum hjá föllnum útrás-
arfyrirtækjum eins og Milestone,
Glitni og Landsbankanum.
Þeirra þekktastir eru líklega
Guðmundur Ólason, fyrrver-
andi forstjóri Milestone, sem
fékk 1.500 milljóna króna kúlulán
til hlutabréfakaupa í Milestone
og Askar Capital, og Ingi Rafnar
Júlíusson, fyrrverandi yfirmað-
ur verðbréfasviðs Íslandsbanka.
Ingi Rafnar fékk 512 milljóna
króna kúlulán til hlutabréfakaupa
í Glitni í maí 2008 þegar níu hátt-
settir starfsmenn Glitnis fengu
nærri sex milljarða króna kúlulán
til hlutabréfakaupa.
Var bjargað af ríkinu
Saga Fjárfestingarbanki hét áður
Saga Capital og var ein af þeim
fjármálastofnunum sem fóru illa
út úr svokölluðum endurhverfum
viðskiptum við Seðlabankann.
Þann 26. mars 2009 fékk Saga
Capital 19,7 milljarða króna lána-
fyrirgreiðslu frá íslenska ríkinu til
sjö ára með 2 prósenta vöxtum.
Saga hefur síðan núvirt þetta lán
í bókum sínum með 12 prósenta
vöxtum. Hefur þetta meðal ann-
ars veitt bankanum svigrúm til að
afskrifa lán og ábyrgðir til tíu lyk-
ilstarfsmanna bankans upp á 452
milljónir króna. Auk þess hefur
verið hægt að afskrifa önnur lán
sem annars hefði orðið erfitt án
þessa hagstæða láns sem ríkið
veitti bankanum.
Lánuðu Svarfdælingum
DV hefur áður fjallað um lánveit-
ingar Saga Capital vegna stofnfjár-
aukningar Sparisjóðs Svarfdæla.
Stofnfjáreigendur í Sparisjóði
Svarfdæla eru 150 og samkvæmt
heimildum DV tóku meira en 90
prósent af þeim lán vegna stofn-
fjáraukningarinnar sem nam 500
milljónum króna. Þar af var stór
hluti sem fékk myntkörfulán hjá
Saga Capital.
Þessi hópur hefur ekki not-
ið neinnar sérstöðu vegna lána
sinna hjá Saga eins og lykilstarfs-
menn bankans sem fengu 452
milljónir króna afskrifaðar. Lík-
legt má telja að öldruðum íbú-
um á Dalvík hugnist heldur ekki
mannaráðningar bankans á kúlu-
lánþegum frá öðrum fjármála-
stofnunum sem ekki hafa þurft að
standa skil á lánum sínum upp á
nærri þrjá milljarða króna.
Þess má geta að Þorvaldur
Lúðvík Sigurjónsson, forstjóri
Saga, gegndi ráðgjafahlutverki við
endurskipulagningu Sparisjóðs
Svarfdæla. Þótti mörgum stofn-
fjáreigendum sparisjóðsins sem
DV ræddi við í fyrra það einkenni-
legt að hann hefði verið ráðinn til
þess vegna mikilla tengsla á milli
Saga og Sparisjóðs Svarfdæla.
Guðmundur ráðgjafi
ríkisstjórnarinnar
DV sagði frá því á föstudag að
Guðmundur Ólason, fyrrver-
andi forstjóri Milestone, væri
helsti ráðgjafi ríkisstjórnarinn-
ar í samningaviðræðum við líf-
eyrissjóðina vegna hugsanlegra
vegaframkvæmda sem ætlað er
að fara í fyrir 40 milljarða króna.
Saga Fjárfestingarbanki hefur ver-
ið helsti ráðgjafi ríkisins í þessum
viðræðum og hefur bankinn stað-
fest að Guðmundur gegni þar lyk-
ilhlutverki. Hann er ekki leng-
ur á starfsmannalista bankans á
vefsíðu hans. Hann var ráðinn til
bankans í maí.
Guðmundur fékk 1.500 millj-
óna króna kúlulán til hluta-
bréfakaupa í Milestone og Ask-
ar Capital. Málefni Milestone og
veðsetning bótasjóðs Sjóvár hafa
verið til rannsóknar hjá sérstök-
um saksóknara íslenska efna-
hagshrunsins og beinist hún með-
al annars að Guðmundi sem hefur
verið yfirheyrður vegna málsins.
Þrír frá Milestone til Saga
Arnar Guðmundsson sem áður
starfaði sem fjármálastjóri Mile-
stone starfar einnig hjá Saga Fjár-
festingarbanka í fyrirtækjaráð-
gjöf. Á fyrirtækjasviði Saga starfar
líka Guðmundur Hjaltason, fyrr-
verandi starfsmaður Milestone og
framkvæmdastjóri fyrirtækjasviðs
Glitnis. Arnar fékk 20 milljóna
króna kúlulán til hlutabréfakaupa
í Askar en Guðmundur Hjaltason
fékk 600 milljóna króna kúlulán til
hlutabréfakaupa í Glitni.
Þeir Arnar, Guðmundur og
Guðmundur Ólason sem störfuðu
saman hjá Milestone stofnuðu fé-
lagið Möttul eftir bankahrunið.
Möttull vann meðal annars fyr-
ir fjármálaráðuneytið við end-
urskipulagningu sparisjóðanna.
Saga keypti síðan Möttul af þre-
menningunum í maí. „Við fögn-
um þessari góðu viðbót í okkar
fyrirtækjaráðgjöf,“ sagði Þorvaldur
Lúðvík í samtali við Morgunblaðið
eftir að hafa fengið kúlulánþegana
þrjá til liðs við bankann.
Fékk afskrifað hjá Íslands-
banka
Ingi Rafnar Júlíusson starfar í dag
sem framkvæmdastjóri markaðs-
viðskipta Saga Fjárfestingarbanka.
Hann fékk 512 milljóna króna
kúlulán til hlutabréfakaupa í Glitni
í maí 2008 þegar níu háttsettir
starfsmenn Glitnis fengu nærri sex
milljarða króna kúlulán til hluta-
bréfakaupa. Hann gegndi starfi
forstöðumanns verðbréfamiðl-
unar Íslandsbanka áður en hann
var ráðinn til Saga. Ingi Rafnar var
einn af níu starfsmönnum Íslands-
banka sem Friðrik Sophusson,
stjórnarformaður Íslandsbanka,
tilkynnti um í sumar að fengju
samtals fjögurra milljarða króna
afskrift af kúlulánum sínum. Hann
fékk 512 milljóna króna kúlulán
sitt í gegnum félagið AB 158 ehf. og
bar því enga persónulega ábyrgð á
skuld sinni.
Icesave-maður til Saga
Hjá Saga Fjárfestingarbanka starfa
líka þeir Stefán Héðinn Stefáns-
son og Tryggvi Tryggvason en þeir
voru áður yfirmenn hjá Lands-
bankanum. Stefán Héðinn var
stjórnarformaður Landsvaka sem
hafði yfirumsjón með peninga-
markaðssjóðum Landsbankans
en hann var rekinn þaðan í októb-
er 2008. Eins og kunnugt er fengu
viðskiptavinir Landsbankans lang-
minnst til baka úr peningamark-
aðssjóðum föllnu bankanna, eða
69 prósent. Stefán Héðinn starfar
í dag sem aðstoðarforstjóri Saga
Fjárfestingarbanka.
Tryggvi Tryggvason starfar sem
framkvæmdastjóri fjárstýringar
Saga Fjárfestingarbanka. Tryggvi
starfaði á sínum tíma sem fram-
kvæmdastjóri Landsvaka, sem sá
um rekstur verðbréfa- og fjárfest-
ingarsjóða Landsbankans. Einnig
starfaði hann sem aðstoðarfram-
kvæmdastjóri alþjóðasviðs Lands-
bankans sem bar ábyrgð á Icesa-
ve-reikningunum. Að auki var
hann um tíma framkvæmdastjóri
Landsbankans í Lúxemborg.
Engar konur ráðnar
Athygli vekur að Saga Fjárfest-
ingarbanki virðist að mestu
hafa ráðið til sín karlmenn eft-
ir bankahrunið til að gegna lyk-
ilstöðum hjá bankanum. Fjór-
ir kúlulánþegar eru þar á meðal
auk tveggja áður háttsettra yf-
irmanna hjá Landsbankanum.
Eitt af því sem kom fram í skýrslu
rannsóknarnefndar Alþingis var
gagnrýni á litla þátttöku kvenna í
íslenskum fjármálafyrirtækjum.
Landsbankinn hefur sem
dæmi reynt að breyta kynja-
hlutföllum en nýlega var ný
framkvæmdastjórn skipuð hjá
bankanum. Var það meðvituð
ákvörðun bankans að ráða fjórar
konur en engin þeirra hafði sem
dæmi fengið kúlulán til hluta-
bréfakaupa fyrir bankahrun.
Saga Fjárfestingarbanki hefur
hins vegar nær eingöngu ráð-
ið karlmenn eftir bankahrunið í
lykilstöður. Virðist þá ekki skipta
sköpum hvort þeir hafi áður
fengið svimandi há kúlulán eða
ekki.
Virðist þá ekki skipta sköpum
hvort þeir hafi áður
fengið svimandi há
kúlulán eða ekki.
ANNAS SIGMUNDSSON
blaðamaður skrifar: as@dv.is
Ásælist kúlulánþega Þorvaldur Lúðvík
Sigurjónsson, forstjóri Saga Fjárfestingar-
banka, hefur ráðið til sín fjóra kúlulán-
þega eftir bankahrunið árið 2008.
Sekta 101
ökumann
Brot 101 ökumanns var mynd-
að á Reykjanesbraut í Garðabæ
á miðvikudaginn. Fylgst var með
ökutækjum sem var ekið eftir
Reykjanesbraut í suðurátt, gegnt
IKEA í Kauptúni.
Á einni klukkustund, eftir há-
degi, fóru 894 ökutæki þessa akst-
ursleið og því ók um tíundi hluti
ökumanna, eða 11 prósent, of
hratt eða yfir afskiptahraða. Með-
alhraði hinna brotlegu var 94 kíló-
metrar á klukkustund en þarna er
80 kílómetra hámarkshraði. Þrett-
án óku á 100 kílómetra hraða eða
meira en sá sem hraðast ók mæld-
ist á 108, að því er fram kemur í
tilkynningu frá lögreglu.
Mansalsmenn
reknir úr landi
Fjórum af fimm Litháum sem
dæmdir voru í mansalsmálinu svo-
kallaða hefur verið vísað úr landi og
mega þeir ekki koma aftur til lands-
ins fyrr en eftir 30 ár. Mennirnir
munu þó allir klára að afplána dóma
sína hér á landi en þegar afplánun
lýkur verða þeir fluttir út á Keflavík-
urflugvöll og séð til þess að þeir fari
úr landi.
Fórnarlamb mansalsmálsins var
nítján ára stúlka frá Litháen. Stúlkan
missti stjórn á sér í áætlunarflugi frá
Varsjá þar sem hún hélt því fram að
henni væri ætlað að stunda vændi
eftir lendinguna hér á landi. Fimm
menn fengu dóm í málinu en mál
þess fimmta er í vinnslu og hefur
ekki verið tekin ákvörðun um hvort
honum verði einnig vísað úr landi.