Dagblaðið Vísir - DV - 26.11.2010, Blaðsíða 52

John Kavanagh er 33 ára írskur MMA-þjálfari sem rekur sína eig-in æfingastöð. Hann þekkir vel til íslenska bardagaíþróttaheimsins
enda er hann þjálfari bæði undra-
barnsins Gunnars Nelson og Árna „úr
járni“ Ísakssonar. Kavanagh keppti
sjálfur í MMA á sínum yngri árum en
hann er með 9–3 árangur á MMA-ferli
sínum, Evrópumeistari í BJJ og silfur-
meistari frá heimsmeistaramótinu í
grappling. Þjálfun var þó alltaf eitthvað
sem hann hafði mun meiri áhuga á.
„Ég lærði verkfræði í háskóla en byrj-
aði að æfa MMA með því eftir að ég fór
að horfa á UFC. Þegar ég útskrifaðist
opnaði ég fyrstu æfingastöðina mína.
Ég sagði alltaf við sjálfan mig að ég ætl-
aði bara að þjálfa MMA í nokkur ár en
verða svo verkfræðingur. Það var fyrir
átta árum,“ segir John Kavanagh í við-
tali við DV.
Mikill Íslandsvinur
Kavanagh var hér á landi um síðustu
helgi en þetta var fyrsta heimsókn
hans í tvö ár. Hann sá Gunnar Nelson
leggja sterkan Breta að velli í gólfglímu
án galla (NoGi) en hvernig kynntist
hann Íslandi fyrst? „Þjálfaranum mín-
um hafði verið boðið hingað af Mjölni
en þar sem hann er frá Bandaríkjunum
og ég frá Írlandi bað hann mig um að
fara því að ferðin er styttri,“ segir John.
„Þegar ég kom til Íslands hitti ég Árna
og Gunna og við urðum strax miklir fé-
lagar. Árni kom út til mín skömmu eftir
það og var lengi að æfa hjá mér. Gunni
kom líka og var í svona eitt ár. Síðan þá
hafa þeir verið að koma til mín og ég
til þeirra. Við erum bara miklir vinir og
ég er auðvitað þjálfarinn þeirra,“ segir
John en Árni Ísaksson býr á Írlandi og
æfir mikið undir stjórn Johns.
Gunnar fullkominn lærlingur
„Ég hitti Gunna fyrst þegar hann var
sextán ára,“ segir John aðspurður um
fyrstu kynni sín af Gunnari Nelson.
„Hann kom í einkatíma til mín og ég
var virkilega hrifinn af því sem ég sá.
Hann var ungur en ótrúlega einbeitt-
ur og lagði sig allan í æfingarnar. Hann
er svo rosalega einbeittur að þegar
hann gerir eitthvað þá gerir hann bara
það og ekkert annað,“ segir John en er
hann þá ekki þægilegur nemandi að
kenna?
„Frá sjónarhorni þjálfarans er hann
fullkominn. Hann er ótrúlega góður í
að peppa sig sjálfur upp í að gera allt
það sem af honum er krafist. Fyrst og
fremst er starf þjálfara að halda mönn-
um mótíveruðum og bæta tæknilegu
hliðina. Það sem er svo þægilegt við
Gunnar er að hann sér svo mikið um
mótíveringuna sjálfur. Hann bara elsk-
ar að læra eitthvað nýtt,“ segir Írinn
geðþekki um Gunnar.
Á meðal bestu BJJ-kappa heims
Gunnar Nelson vann fyrsta Íslands-
meistaramótið í brasilísku jiu-jit-
su sem haldið var í október 2008 án
þess að tapa svo mikið sem einu stigi.
Renzo Gracie, sem er goðsögn í lifanda
lífi í sportinu, var viðstaddur mótið og
bauð Gunnari út til æfinga. Eins og
frægt er orðið og DV hefur áður fjall-
að um vann Gunnar stærsta einstaka
mót heims í BJJ, Pan AM-mótið sem
haldið var í Kaliforníu í mars í fyrra eft-
ir að hafa æft íþróttina af krafti aðeins í
hálft ár. Kavanagh lét hafa eftir sér eft-
ir mótið að afrek Gunnars væri stærra
en það sem BJ Penn afrekaði árið 2000
en hann varð þá heimsmeistari í flokki
svartbeltinga eftir að hafa æft íþróttina
í þrjú ár.
„Þegar Gunni keppti var sam-
keppnin miklu meiri. Á þeim níu árum
sem liðu frá afreki BJ Penns og fram að
sigri Gunna þróaðist íþróttin mikið og
miklu fleiri keppendur voru á mótinu.
Afrek Gunnars, að vinna brúnbeltis-
flokkinn árið 2009, er stærra en það
sem BJ Penn afrekaði,“ segir John en
þremur mánuðum síðar lenti Gunn-
ar svo í öðru sæti á heimsmeistara-
mótinu þar sem hann gaf hreinlega
frá sér sigurinn. BJ Penn er í dag einn
allra þekktasti og dáðasti keppandinn
í UFC, stærstu UFC-samtökum heims.
En er Gunnar á meðal þeirra
fremstu í heiminum í BJJ þrátt fyrir
að stunda ekki þá íþrótt af krafti þessa
dagana? „Það er engin spurning um
það!“ segir John.
Nýr Gunnar Nelson fundinn
Áttatíu keppendur frá fimm félögum
tóku þátt í Íslandsmeistaramótinu í BJJ
fyrir þremur vikum en mikil uppsveifla
hefur verið í þróttinni að undanförnu.
Fann John fyrir meiri áhuga á bardag-
aíþróttum núna en síðast þegar hann
kom til landsins? „Ég hafði ekki
komið í tvö ár til Íslands og það
kom mér mikið á óvart hversu
stórt félag Mjölnir er orðið. Fé-
lagið er búið að stækka salinn
sinn um helming og mér var
sagt að það ætti að stækka hann
enn meira. Svo er Árni kominn
með sína æfingastöð líka. Þetta
er alveg ótrúlegt. Ég grínaðist
einmitt við félaga minn um að
það byggju bara tvö hundruð
manns á Íslandi og það æfðu
allir MMA,“ segir John en hann,
eins og margir, heillaðist mik-
ið af hinum sautján ára gamla
Sighvati Jónssyni sem fór með
Gunnar Nelson alla leið í fram-
lengingu þegar þeir mættust í
undanúrslitum Íslandsmeist-
aramótsins. Sighvatur er einnig
Norðurlandameistari í sínum
aldursflokki.
„Ég sendi vini mínum SMS
eitt kvöldið um að hvort sem hann
tryði því eða ekki væri ég búinn að
finna nýjan Gunnar Nelson. Hann
svaraði til baka í gríni að það væri
greinilega ekkert annað að gera á Ís-
landi en að æfa bardagaíþróttir. Þetta
hljóta að vera víkingagenin sem gera
ykkur svona sterk. Bardagaíþróttir eru
í sífelldum vexti og það eru allar stöðv-
ar að sprenga utan af sér hér heima á
Írlandi. En Íslendingar virðast bara
að ætla að fæða af sér meistara,“ seg-
ir John.
Verður stærsta nafnið
innan fimm ára
Gunnar Nelson hefur undanfarna
mánuði lagt hvern andstæðinginn
á fætur öðrum að velli. Þrír Bretar
lágu í valnum á árinu, nú síðast Eug-
ene Fadiora sem talinn var efnilegasti
MMA-kappi Bretlands. Enginn þess-
ara þriggja bardaga hefur orðið lengri
en ein lota en Gunnar hefur vægast
sagt farið illa með andstæðinga sína til
þessa. Voru þeir svona lélegir eða var
Gunnar svona góður? „Fadiora er 22
ára og var ósigraður í nítján bardögum
ef áhugamannaferill hans er tekinn
með. Það er mjög sterkt. Fadiora leit
samt út eins og hann hefði aldrei æft
íþróttina þegar hann mætti Gunna og
það sama má segja um hina kappana.
Ég hélt að Gunni væri þarna að fá sinn
erfiðasta bardaga en þetta var eins og
Fadiora hefði aldrei sett á sig hanska
áður. Svo miklir voru yfirburðirnir,“
segir John. En hversu stór er Gunnar
innan MMA-heimsins í dag?
„Gunni er held ég í 6.–7. sæti í Evr-
ópu og á barmi þess að verða alveg
rosalega stór. Það eru allir farnir að
tala um hann og ég veit til þess að hon-
um hafa verið boðnir stórir samningar.
Hann ætlar samt ekki að berjast núna
næstu sex til níu mánuðina. Hann vill
hvíla sig á keppni og æfa bara. Ég skil
að ungir menn freistist til að halda
áfram að berjast en hann er bara 22
ára og á allt lífið fram undan. Það veit
enginn betur en hann hvað er honum
fyrir bestu þannig við verðum bara að
bíða og sjá hvað gerist þegar hann vill
berjast aftur.“
John segir að Gunnar gæti auðveld-
lega farið inn í UFC í dag hefði hann
áhuga á því. „Ég er ekki í nokkrum vafa
um að ef Gunni fengi samning í UFC á
morgun gæti hann barist við alla þar.
Ég var einmitt að tala við félaga minn
um daginn og ég sagði við hann eins
og alla að Gunnar Nelson yrði stærsta
nafnið í UFC-heiminum innan fimm
ára.“
Heimurinn myndi stöðvast við
bardaga Gunnars og Árna
Sá Íslendingur sem John Kavanagh
eyðir þó mun meiri tíma með er bar-
dagakappinn Árni „úr járni“ Ísaksson.
Árni varð fyrir skelfilegum meiðslum á
hné fyrir fjórum árum en er nú kom-
inn aftur og búinn að vinna tvo bar-
daga. Annar þeirra var Pro FC-titill-
inn sem hann vann á föstudegi eftir
að hafa fengið símtal á þriðjudegi þess
efnis að honum byðist að berjast við
einn besta veltivigtarkappa Rússlands.
John útskýrir að Pro FC-sambandið sé
eitt það stærsta í Evrópu og sé Árni því
handhafi virkilega merkilegs titils.
„Árni er alveg ótrúlegur. Hann
verður líka stjarna á heimsmæli-
kvarða. Ég grínast oft við Árna um að
það sé algjörlega tilgangslaust fyrir mig
að spyrja hann hvort hann vilji berjast
við þá sem hringja í mig og bjóða hon-
um bardaga. Hann segir alltaf já. Hon-
um er alveg sama við hvern, hvar eða
hvenær. Hann er alltaf til í að berjast.
Árni er ótrúlegur á æfingum og leggur
gríðarlega vinnu í það sem hann ger-
ir. Það skiptir engu máli hvað ég bið
hann um, hann gerir það,“ segir John
en ekki var hægt að enda viðtalið án
þess að spyrja hvor myndi vinna í al-
vöru MMA-bardaga, Árni eða Gunnar.
„Vá. Það yrði svo frábær bardagi
að ég held að heimurinn myndi bara
stöðvast ef af yrði. Ég vil samt ekki spá
því hvernig það færi,“ segir John Kav-
anagh. tomas@dv.is
Gunnar Nelson stærsta
nafnið innan fimm ára
Írski MMA-þjálfarinn John
Kavanagh þekkir vel til ís-
lenska bardagaíþróttaheimsins
en hann þjálfar bæði Gunnar
Nelson og Árna „úr járni“
Ísaksson. Í viðtali við DV talar
hann um kynni sín af íslensku
strákunum, einstakan árangur
Gunnars í BJJ og skilaboðin sem
hann sendi félaga sínum þegar
hann fann nýjan Gunnar Nelson
hér á landi um síðustu helgi.
Íslandsvinur John Kavanagh
þjálfar bæði Gunnar Nelson og Árna
„úr járni“ Ísaksson. Hann er menntaður
verkfræðingur og ætlaði alltaf að
starfa við það en festist í MMA-þjálfun
sem hann elskar. Hann er fyrrverandi
Evrópumeistari í BJJ. MYND ÁRNI ÞÓR JÓNSSON
Að störfum John var hér á landi um helgina og hélt námskeið. MYND ÁRNI ÞÓR JÓNSSON
52 SPORT UMSJÓN: TÓMAS ÞÓR ÞÓRÐARSON tomas@dv.is 26. nóvember 2010 FÖSTUDAGUR