Dagblaðið Vísir - DV - 26.11.2010, Blaðsíða 30

ÓDÝRA HORNIÐ Í OKKUR Leirlistavinnustofan Okkur
verður með opið hús um helgina. Það eru leirlistakonurnar Áslaug
Höskuldsdóttir, Ingunn Erna Stefánsdóttir og Ragnheiður Ingunn
Ágústsdóttir sem halda úti stofunni en þar munu þær kynna og selja
verk sín. Þær Áslaug, Ingunn og Ragnheiður eru á meðal reyndustu
og færustu leirlistakvenna landsins og hafa verið um langt skeið.
Vinnustofan er að Seljavegi 32 í Reykjavík og er húsið opið föstudag
frá 16 til 21 og á laugardag frá 11 til 18. Boðið verður upp á ódýra
hornið þannig að gestum og gangandi býðst list á góðu verði.
MEMFISMAFÍAN Á NORÐURSLÓÐUM
Hin magnaða Memfismafía heldur norður í land um helgina
en á föstudagkvöldið mun forsprakki hennar, Sigurður
Guðmundsson, leika lög af jólaplötu sinni, Nú liggur mikið á,
á Græna Hattinum. Á laugardagskvöldið verður Baggalútur
svo með tvenna aðventutónleika í Menningarhúsinu Hofi
og á sunnudaginn verða Páll Óskar, Prófessorinn, Sigtryggur
Baldursson og allt partíliðið af Diskóeyjunni með „gordjöss“
tónleika í Hofi klukkan 15.00.
Leikminjasafn Íslands minnist Einars Kristjánssonar óperusöngvara:
Aldarafmæli Einars
Leikminjasafn Íslands hélt upp á
aldarafmæli Einars heitins Kristj-
ánssonar óperusöngvara á mið-
vikudaginn. Einar fæddist þann
24. nóvember 1910 en hann er
einn merkasti óperusöngvari Ís-
lands fyrr og síðar. Athöfnin fór
fram í Snorrabúð Söngskólans á
afmælisdaginn. Þar flutti Jón Við-
ar Jónsson, forstöðumaður safns-
ins, erindi um feril Einars auk þess
sem nokkrir ungir nemendur skól-
ans komu fram og sungu. Í lok at-
hafnarinnar afhjúpaði Einar Örn
Benediktsson, dóttursonur Einars,
minningarspjald um hann.
Í tilefni af aldarafmælinu hefur
Leikminjasafn Íslands einnig sett
upp sérstaka vefsíðu á leikminja-
safn.is þar sem er að finna ævi-
ágrip Einars og fjöldann allan af
skemmtilegum myndum frá ferli
hans.
Eftir stúdentspróf hélt Einar til
Þýskalands þar sem hann stund-
aði nám við óperuskólann í Dres-
den. Að námi loknu var hann
ráðinn sem lýrískur tenór til Óp-
erunnar í Dresden en Einar söng
á ferli sínum í óperuhúsum í Stutt-
gart, Duisburg, Hamborg, Berl-
ín, München, Vín, Stokkhólmi og
víðar. Einar var fastráðinn í Ham-
borgaróperunni á viðburðarríkum
tíma – undir lok og eftir lok síðari
heimstyrjaldar.
Um allt þetta og margt fleira í
tengslum við ævi Einars má lesa
inni á fyrrgreindum vef, leikminja-
safn.is.
asgeir@dv.is
30 FÓKUS 26. nóvember 2010 FÖSTUDAGUR
RIKKA Á TOPPNUM
Matreiðslubókin Léttir réttir Hag-
kaups, eftir Friðriku H. Geirsdóttur,
var mest selda bókin vikuna 15.–21.
nóvember samkvæmt metsölulista
bókaverslana sem gefinn var út á
fimmtudaginn. Skáldsagan Furðu-
strandir eftir spennusagnakonung-
inn Arnald Indriðason var næst mest
selda bókin en í þriðja sæti kom ævi-
saga Jónínu Ben sem fjölmiðlamað-
urinn Sölvi Tryggvason ritar. Á upp-
söfnuðum metsölulista fyrir allt árið
trónir Stóra Disney matreiðslubókin
á toppnum en á eftir henni kemur
rannsóknarskýrsla Alþingis. Borða,
biðja, elska eftir Elizabeth Gilbert
er svo í þriðja sæti. Sá íslenski höf-
undur sem selt hefur mest á árinu
er Arnaldur Indriðason en Furðu-
strandir er fjórða mest selda bók árs-
ins. Næsti íslenski rithöfundur á eftir
Arnaldi er fjölmiðlakonan Tobba
Marinós en bók hennar Makalaus
sló heldur betur í gegn og er tíunda
mest selda bók ársins 2010.
LEIKVERK
MOJITO
Þeir Stefán Hallur
og Þórir Sæmunds-
son skiluðu þessu
mjög snyrtilega.
Stefán Hallur var
sérlega trúverðug-
ur sem lúðinn sem
braut barinn.
HEIMILDARMYND
CATFISH
Ágætlega upp-
byggð heimilda-
mynd um þrjá vini
sem komast að því
að ekki er allt sem
sýnist á internet-
inu. Myndin er þó
óþarflega löng.
HEIMILDAMYND
GNARR
Réttast væri að undirbúningur væri
hafinn á Gnarr 2 – Alþingi, Gnarr 3 – for-
setaembættið og jafnvel Gnarr 4? Gnarr
er helvíti hressandi mynd. Án gríns!
mælir með...
mælir ekki með...
KVIKMYND
HARRY POTTER
AND THE DEADLY
HALLOWS: PART I
Tiltölulega lítið virðist gerast á þess-
um 150 mínútum, þannig að maður
hallast að því að þessi skipting hafi
verið ákvörðun markaðsfólksins, svo
hægt væri að græða vel á tveimur
kvikmyndum í stað einnar.
Einar Kristjánsson óperusöngvari Opn-
aður hefur verið sérstakur minningarvefur í
tilefni af því að öld er liðin frá fæðingu hans.
Engir stælar, bara litir og form,“ segir listamaður-inn Björn Roth um sýn-ingu sína í Skaftfelli á
Seyðisfirði sem verður opnuð á
laugardag. „Þetta er tiltölulega ein-
falt. Gamaldags klassísk málverka-
sýning,“ heldur Björn áfram en
hann á að þessu sinni svokallaða
aðventusýningu Skaftfells sem er
miðstöð myndlistar á Austurlandi.
Björn hefur verið mikill áhrifa-
valdur í rekstri Skaftfells í gegn-
um árin. Hann átti mikinn þátt í að
koma miðstöðinni á laggirnar fyrir
15 árum og hefur lengi gegnt stöðu
listfræðilegs ráðunautar. Björn lét
af því starfi í ár og sýnir því í Skaft-
felli í kveðjuskyni.
Björn lifir af listinni en hann
ferðast um allan heim og setur upp
sýningar með verkum sínum og
föður síns, Dieters Roths, sem er í
hópi þekktustu listamanna heims.
Honum líður þó best á Íslandi og er
yfirleitt kominn með heimþrá áður
en út er haldið.
Terpentínulykt í salnum
„Þetta eru svolítið sætar mynd-
ir, nóg af rauðu, bláu og grænu,“
heldur Björn áfram en líkt og fyrr
segir er sýningin hin árlega að-
ventusýning Skaftfells og stend-
ur frá síðustu helginni í nóvem-
ber og fram yfir áramót. „Þetta er
ein grúppa af verkum. Þetta er ein
og sama hugmyndin sem er á tíu
stórum málverkum og síðan eru 20
litlar útfærslur á því líka. „Þetta er
svona expressíonískt. Það eru ein-
hver form sem benda til ákveðinna
hluta en eru tiltölulega óljós.“
Björn ætlaði upprunalega að
nota þessa hugmynd í annað verk-
efni sem ekkert varð af á endanum.
„Síðan þegar stjórn Skaftfells bað
mig um að vera með aðventusýn-
„ENGIR STÆLAR,
bara litir og form“
Björn Roth sýnir verk sín á aðventusýningu Skaftfells, mið-
stöðvar myndlistar á Austurlandi, sem opnuð verður á laugar-
dag. Björn er einn þeirra sem komu Skaftfelli á koppinn og hefur
hann haft mikil áhrif á myndlist á Austurlandi sem og á landinu
öllu. Björn ferðast mikið við starf sitt en segir Íslendinginn í sér
vera kominn með heimþrá áður en hann leggi af stað.
Björn Roth Sýnir verk sín í Skaftfelli
á Seyðisfirði. MYND SKAFTFELL