Dagblaðið Vísir - DV - 26.11.2010, Blaðsíða 44

Hugrún Hrönn Kristjánsdóttir er upplýsingafulltrúi hjá borginni
fyrir hádegi og rithöfundur eftir hádegi. Hún sendi nýlega frá sér
bókina Stolnar raddir. Hún hlakkar til jólanna og spilaði á gítar í
kvennahljómsveitinni Afródítu. Hugrún er afburðagóð í tetris.
Nafn og aldur?
„Hugrún Hrönn Kristjánsdóttir, 38 ára.“
Atvinna?
„Upplýsingafulltrúi hjá borginni fyrir hádegi, rithöfundur
eftir hádegi og stundum fram á nótt.“
Hjúskaparstaða?
„Gift.“
Fjöldi barna?
„3.“
Hefur þú átt gæludýr?
„Já. Ég átti nokkra páfagauka þegar ég var lítil og hund fyrir
nokkrum árum. Núna býr kötturinn Tinni hjá fjölskyldunni
og hann er skemmtilegastur af þeim öllum því hann á sig
sjálfur en vill samt vera hjá okkur.“
Hvaða tónleika fórst þú á síðast?
„Yoko Ono og Plastic Ono Band í Háskólabíói.“
Hefur þú komist í kast við lögin?
„Uuu já, en ég held að það sé fyrnt...“
Hver er uppáhaldsflíkin þín og af hverju?
„Ég á mér enga uppáhaldsflík en vil helst alltaf vera í sömu
skónum, þægilegum, norskum leðurskóm. Að öðru leyti er
ég ágætlega til fara svona yfirleitt.“
Hefur þú farið í megrun?
„Já, einu sinni fór ég í stranga megrun með mjög góðum
árangri!“
Hefur þú tekið þátt í skipulögðum mótmælum?
„Já, já, oft og mörgum sinnum.“
Trúir þú á framhaldslíf?
„Nei, en stundum vildi ég óska þess að ég gæti það.“
Hvaða lag skammast þú þín mest fyrir að hafa haldið
upp á?
„Ég held að All That She Wants með Ace Of Base þyki
almennt frekar súrt lag og sennilega ætti ég að skammast
mín fyrir að halda upp á það.“
Hvaða lag kveikir í þér?
„Mörg koma og fara en I Wan’t you með Elvis Costello virkar
alltaf.“
Til hvers hlakkar þú núna?
„Jólanna, auðvitað.“
Hvaða mynd getur þú horft á aftur og aftur?
„Ég hef horft á Harry Potter-myndirnar skrilljón sinnum með
Víði syni mínum. Einu sinni kúrðum við uppi í sófa heila
helgi og horfðum á allar í röð, án þess að taka okkur hlé
nema til að fá okkur í gogginn og fara á klósettið. Víðir hefur
oft montað sig af þessum árangri.“
Afrek vikunnar?
„Ég hlustaði á King Crimson-plötur að ósk mannsins míns,
það var helvíti.“
Hefur þú látið spá fyrir þér?
„Já. Mæt kona spáði einu sinni fyrir mér í bolla og sagði
að ég yrði skíða- eða danskennari. Hún sá mig í bollanum
þar sem ég stóð fyrir framan stóran hóp fólks og kenndi
handa- og fótahreyfingar af miklum skörungsskap. Hljómar
ósennilega en hver veit, þetta gæti auðvitað átt eftir að
rætast einhvern tíma í framtíðinni.“
Spilar þú á hljóðfæri?
„Ég spilaði á gítar í hinni kunnu kvennahljómsveit Afródítu.
Lærði líka í nokkur ár á píanó. Stundum spila ég á munn-
hörpu.“
Viltu að Ísland gangi í Evrópusambandið?
„Nei.“
Hvað er mikilvægast í lífinu?
„Vatn.“
Hvaða íslenska ráðamann mundir þú vilja hella
fullan og fara á trúnó með?
„Drukknir ráðamenn eru nú ekki beinlínis sá félagsskapur
sem ég myndi helst óska mér en kannski Katrínu Jakobs-
dóttur ef hún sæi sjálf um að hella sig fulla.“
Hvaða fræga einstakling myndir þú helst vilja hitta
og af hverju?
„Nick Cave. Af því að hann er ótrúlega fallegur og algjör
snillingur.“
Hefur þú ort ljóð?
„Já, ég orti eitt um daginn sem ég skil varla sjálf. Það er
svona:
sefur sorg
vakir von
líf í leynum læðist.“
Nýlegt prakkarastrik?
„Ég man ekki eftir neinu nýlegu en þegar ég var lítil plataði
ég frænda minn ofan í frystikistu og settist svo ofan á lokið
til að tryggja að hann kæmist ekki út. Sem betur fer fór mér
fljótt að leiðast og frænda varð ekki meint af.“
Hvaða fræga einstaklingi líkist þú mest?
„Það eru skiptar skoðanir um það. Sumir segja Barbru
Streisand, aðrir Amy Winehouse. Maðurinn minn hefur líkt
mér við fuglinn Tweety.“
Ertu með einhverja leynda hæfileika?
„Ég er mjög góð í tetris.“
Á að leyfa önnur vímuefni en áfengi?
„Nei.“
Hver er uppáhaldsstaðurinn þinn?
„Mér þykir mjög vænt um Langanes.“
Hvað er það síðasta sem þú gerir áður en þú ferð að
sofa?
„Loka fataskápnum, ef hann er opinn get ég ekki sofnað.“
Hver er leið Íslands út úr kreppunni?
„Svarið við þessari spurningu hlýtur að vera 42.“
Getur ekki sofnað
með opinn fataskáp
M
Y
N
D
IR
X
X
X
X
44 HIN HLIÐIN 26. nóvember 2010 FÖSTUDAGUR
www.birkiaska.is
Birkilauf (Betulic) hefur góð áhrif á bæði
vökvajafnvægi líkamans og húð, örvar
starfsemi nýrna og þvagfæra. Hraðar
efnaskiptum og losar vatn úr líkamanum,
dregur úr bólgum og afeitrar líkamann (detox).
Birkilaufstöflur
www.birkiaska.is
Minnistöflur
Bætir skammtímaminnið. Nýtist
fólki sem er undir álagi og fæst
við flókin verkefni. Hentar vel
fyrir eldri borgara, lesblinda og
nemendur í prófum. Dregur úr
streitu, eykur ró og bætir skap.
komdu í áskrift!
512 70 80
dv.is/askrift
frjálst, óháð dagblað