Dagblaðið Vísir - DV - 26.11.2010, Blaðsíða 48

48 ÚTLIT UMSJÓN: INGIBJÖRG DÖGG KJARTANSDÓTTIR ingibjorg@dv.is 26. nóvember 2010 FÖSTUDAGUR
Þórey Björk Halldórsdótt-ir starfaði við búningagerð í leikhúsum í tvö ár áður en hún lærði fatahönnun í Lista-
háskóla Íslands. Hún lauk námi árið
2006 og fékk styrk um sumarið frá Ný-
sköpunarsjóði Íslands til að hanna
línu af yfirhöfnum og fylgihlutum
sem byggðu á lokaritgerð hennar sem
fjallaði um vernd í textíl og klæðum.
„Ég leit til hönnuða eins og Huss-
eins Shalayans og það kveikti í mér
að hanna út frá öðru en „inspiration-
myndum“. Hugmyndin þróaðist yfir
í það að hanna klæðnað fyrir konur
sem dregur að þeim athygli að nætur-
lagi og veitir öryggi í vefnaði án þess
að það sé of augljóst. Sem sagt með
neon-litum, sjálflýsandi efnum og
þráðum, endurskini, keflum, svans-
fjöðrum og fleira.“
Rómantík og gleði
Þegar sumrinu lauk flutti hún til
London ásamt kærastanum sínum,
Aaron C. Bullion, þar sem hún starf-
aði fyrir Peter Jensen. „Þar kynntist
ég fataiðnaðinum og hönnunarheim-
inum betur. Ári eftir að við fluttum
út bauðst Aaron starf hér á Íslandi
þannig að við tókum ákvörðun um
að fara heim aftur. Ég vissi að ég fengi
ekki mörg tækifæri á vinnumarkað-
inum hér sem fatahönnuður þannig
að ég byrjaði að hanna fylgihlutalínu
fyrir kvenmenn undir merkjum Eight
Of Hearts. Línan hefur verið að þró-
ast smám saman og stækka þannig
að núna hanna ég bæði fylgihluti og
föt fyrir stelpur sem þora að klæða sig
upp á þótt þær séu ekkert endilega á
leiðinni út á stefnumót við lífið,“ segir
Þórey Björk glettin. Aðspurð um eig-
in stíl hlær hún létt. „Það er alltaf erf-
itt að vita hvernig ég kem öðrum fyrir
sjónir. En það væri gaman að segja að
ég leiki mér með klassíska rómantík
og gleði.“
Vinnur út frá tilfinningu
Það tónar vel við það sem hún er að
gera í Eight Of Hearts-línunni, sem
hún segir að sé „einföld og klassísk
silúetta með vönduðum frágangi og
fylgihlutum sem hafa leikgleði í sér.
Ég vel efnin af mikilli gætni og núna
er ég að vinna mikið með silkiflauel,
crepe og ull sem ég lita sjálf. Litaskal-
inn er fallegur, djúpur og heitur og
spannar frá gulum upp í rauðan. Ég
vinn út frá tilfinningunni og núinu,
því sem ég er að horfa á hverju sinni.
Það er skemmtilegast þegar hlutirnir
fá að þróast í aðra átt en stefnt var að.
Þá kem ég sjálfri mér á óvart í leiðinni.
Og undanfarið hef ég verið að skoða
tískuna frá 1970 og eins alls konar
smáatriði í þjóðbúningum. Stefnan er
að koma með nýjar flíkur inn í línuna
fyrir Hönnunarmars og RFF og ég er
að gera einfalda glæsilega 70‘s kjóla
og hálstau úr silkiflaueli og crepe-efn-
um.“
Vefverslun sem styrkir góð-
gerðamál
Þórey Björk var einnig einn af fjórum
hönnuðum sem tóku höndum sam-
an sumarið 2009 og bjuggu til mark-
að sem þeir kölluðu PopUp Verzlun.
„PopUp Verzlun var hugsuð sem vett-
vangur þar sem fólk gat nálgast það
sem var að gerast í grasrót íslenskr-
ar fatahönnunar. Eftir árs vinnu og
stöðugt samstarf við hina ýmsu að-
ila gekk PopUp Verzlun rosalega vel.
Einn þeirra aðila sem við unnum með
var Richard P. Foley sem hafði mótað
hugmyndina um Worn By Worship
sem er vettvangur fyrir hönnuði sem
vilja gefa af sér til góðgerðamála.
Hann þurfti að fá einhvern til liðs við
sig sem hafði reynslu af fataiðnaðin-
um hér heima og gat komið þessu af
stað. Hann hafði því samband við mig
og við hófum þetta samstarf þannig
að hugmyndin um Worn By Worship
er fullmótuð og fyrirtækið lítur dags-
ins ljós núna í byrjun desember.“
Viðburðarík helgi
Stefnt er að því að
opna Worn By Wor-
ship 10. desember
en þetta er netversl-
un sem kemur til
með að selja fatnað
eftir íslenska sem og
erlenda fatahönn-
uði. Munu tíu pró-
sent af verði hverrar
seldrar vöru renna
til góðgerðamála og
kúnninn getur sjálf-
ur valið á milli tíu
til fimmtán mál-
efna. „Það er gaman
að segja frá því að
við ætlum að leyfa
opnuninni að standa yfir í heila helgi.
Þeir hönnuðir sem taka þátt í þessu
verkefni ætla að vera með mismun-
andi uppákomur í sínum verlsunum
yfir helgina. Þannig að það verður
mikið fjör þessa helgi.“
Mundi, Royal Extreme, 8045, Son-
ja Bent, Begga Design, Áróra, Thelma
og Forynja eru á meðal þeirra sem
hafa þegar ákveðið að taka þátt í
þessu verkefni. Á komandi ári verð-
ur svo fjölgað í hópnum og reynt að
fá erlenda hönnuði með þeim í lið.
„Í kjölfarið langar okkur svo að opna
verslunina formlega með viðburð-
um í þremur öðrum evrópskum höf-
uðborgum. En planið er að halda
reglulega viðburði sem tengjast tísku
og góðgerðamálum hér heima og er-
lendis.“
Fær metnaðinn frá mömmu
Næsta PopUp Verzlun verður sett upp
dagana 4.–5. desember þannig að
það er nóg að gera hjá Þóreyju Björk.
„Markaðurinn verður haldinn í Hug-
myndahúsi háskólanna fyrstu helg-
ina í desember. Þar ætlum við að vera
með stórkostlega fínan markað þar
sem við bjóðum hönnuðum úr öðr-
um fagstéttum að vera með okkur
fatahönnuðunum, eins og vöruhönn-
uðum, matarhönnuðum, grafískum
hönnuðum og textílhönnuðum. Eftir
þessa törn er ég að spá í að skella mér
til Parísar, bara til þess að fara í smá
frí og leyfa mér að njóta þess að anda,“
segir hún hlæjandi. „En ég lít ekki á
þetta sem starf, þetta er ástríða og ég
get aldrei stimplað mig út. En ég fæ
allan minn metnað, þol og hugrekki
frá mömmu!“ segir hún með áherslu.
Þórey Björk Halldórsdóttir hannar undir merkjum Eight Of Hearts. Hún er ein þeirra sem standa að
baki PopUp Verzlun og er líka að opna netverslunina Worn By Worship, sem er vettvangur fyrir fata-
hönnuði sem vilja styrkja góðgerðamál. Hún vinnur út frá tilfinningum og fær hugrekkið frá mömmu.
„Ég lít ekki á þetta sem
starf, þetta er ástríða“
það væri gaman að segja að ég
leiki mér með klassíska
rómantík og gleði.
Þórey Björk Skipuleggur næsta
PopUp markað sem verður hald-
inn í Hugmyndahúsi háskólanna
fyrstu helgina í desember.