Dagblaðið Vísir - DV - 20.04.2012, Qupperneq 4
4 Fréttir 20.–22. apríl 2012 Helgarblað
„Þetta tók mjög á“
n Einar Þór kom í veg fyrir stórslys
É
g notaði bara þjálfunina mína,“
sagði Einar Þór Hreinsson rútu
bílstjóri sem náði að forða stór
slysi við Nesjavelli síðastliðið
miðvikudagskvöld.
Einari hefur verið hrósað fyrir að
hafa haldið ró sinni þegar bremsur
rútunnar gáfu sig með þeim afleiðing
um að rútan endaði utan vegar. Sex
tíu og átta unglingar á aldrinum þrett
án til sextán ára voru í rútunni þegar
óhappið átti sér stað en einn var fluttur
á slysadeild vegna minniháttar áverka.
„Mér finnst þetta ekki hetjuverk, þetta
var bara það sem ég átti að gera,“ segir
Einar Þór í samtali við DV. Augljóst er
að Einar kunni að bregðast við og að
snör handtök hans komu í veg fyrir að
alvarlegra slys yrði þegar bremsurnar
gáfu sig.
Einar er vel þjálfaður björgunar
sveitarmaður og hafði því bæði þjálf
un sem bílstjóri og björgunarsveitar
maður. Einar segist hafa reynt að finna
út hvar væri best að fara út af þegar
hann áttaði sig á því að bíllinn væri
bremsulaus.
„Mitt markmið var að halda bíln
um allan tímann á hjólunum og reyna
að stoppa áður en hann færi út af. En
ég fór út af með bílinn. Þetta tók mjög
á,“ segir Einar sem undirbjó krakkana
fyrir útafaksturinn og tilkynnti þeim
það með fyrirvara.
„Þegar við vorum komin út af þá
bað ég þau um að setjast og gerði þeim
grein fyrir því hvað væri um að vera. Ég
þyrfti að fá að vita hverjir væru slasaðir
inni í bílnum og hvers konar meiðsli.
Ég raðaði þeim svo niður inn í rútuna
eftir meiðslum til að auðvelda starf
sjúkraflutningamanna,“ segir Einar.
„Ég veit ekki hvað kom upp á en
vona að ég fái einhverjar skýringar þar
á,“ segir hann.
Skuldirnar eru við Lands-
bankann Einar Benediktsson er
forstjóri Olís og annar aðaleigandi
félagsins og sat hann í stjórn
Landsbankans á árunum fyrir hrun.
Hann sést hér á tali við Halldór J.
Kristjánsson annan bankastjóra
Landsbankans fyrir hrun.
Milljarða króna
afskriftir hjá Olís
n Beðið eftir Samkeppniseftirlitinu n Endurskipulagningu Olís lokið
H
luti af um 15 milljarða
skuldum olíufélagsins
Olís verður afskrifaður í
kjölfar fjárhagslegrar end
urskipulagningar félagsins
sem staðið hefur yfir um nokkurt
skeið. Ekki liggur fyrir nákvæmlega
hversu há upphæð þetta verður.
Meðal annars þarf að taka til
lit til gengislánadóms Hæstarétt
ar Íslands – hluti af skuldum Olís
var gengistryggð lán. Ríkisbankinn
Landsbankinn er helsti lánardrott
inn Olís. Sem dæmi um aukna
skuldsetningu vegna falls krón
unnar fóru skuldir félagsins úr um
9 milljörðum króna í árslok 2007
og upp í 16 milljarða í lok hrunárs
ins.
Beðið eftir
Samkeppniseftirlitinu
Líkt og komið hefur fram í fjölmiðlum
hefur hin mikla skuldsetning Olís kall
að á fjárhagslega endurskipulagningu
olíufyrirtækisins. Tveir fjársterkir að
ilar, útgerðarfélögin Samherji á Akur
eyri og FISK Seafood á Sauðárkróki,
dótturfélag Kaupfélags Skagfirðinga,
munu koma inn í hluthafahóp Olís ef
Samkeppniseftirlitið heimilar það. Nú
verandi eigendur Olís eru Gísli Baldur
Garðarsson og Einar Benediktsson.
Kristján Kristjánsson, upplýsinga
fulltrúi Landsbankans, segist ekki geta
veitt upplýsingar um fjárhagslega end
urskipulagningu Olís sem staðið hefur
yfir.
Nýtt hlutafé upp á 500 milljónir
Hlutafjárlækkun og hlutafjárhækkun
upp á rúmar 500 milljónir króna í
hvort skipti, sem ráðist var í á hlut
hafafundi hjá Olís í byrjun febrúar,
gefur vísbendingu um að fjárhagsleg
endurskipulagning Olís sé á enda.
Ríkisskattstjóra var tilkynnt um
hlutafjárlækkunina og hækkunina
með skriflegu erindi í febrúar og er
Gísli Baldur skrifaður fyrir því sem
stjórnarformaður félagsins.
Hlutafé félagsins var fyrst lækk
að úr 670 milljónum og niður í tæp
lega 168 milljónir til jöfnunar taps og
svo var það aftur hækkað upp í 670
milljónir króna. Einhver aðili hefur
því skráð sig fyrir nýju hlutafé í Olís,
líklega nýju hluthafarnir. Í tilkynn
ingunni frá Olís til ríkisskattstjóra er
tekið fram að búið sé að greiða hluta
fjárhækkunina með peningum. „Skal
tekið fram að hækkun er að fullu
greidd með peningum.“
Vísbending um lendingu
Slíkar aðgerðir hluthafafunda fyrir
tækja sem eiga í skuldaerfiðleikum eiga
sér gjarnan stað í kjölfarið á því að kom
ist hefur verið að niðurstöðu um fjár
hagslega endurskipulagningu félags
ins og þá eftir atvikum afskriftir á hluta
af skuldum þess. Þetta átti til dæmis
við um fjárhagslega endurskipulagn
ingu Kvosar ehf., móðurfélags Prent
smiðjunnar Odda, sem DV greindi frá
í byrjun vikunnar. Þá var hlutafé Kvosar
lækkað og hækkað á hlutahafafundi í
kjölfar fjárhagslegrar endurskipulagn
ingar, fimm milljarða afskrifta og eig
endabreytinga á fyrirtækinu.
Gísli Baldur Garðarsson, stjórnar
formaður og eigandi Olís, segir að for
svarsmenn félagsins muni ekki tjá sig
um fjárhagslega endurskipulagningu
þess fyrr en Samkeppniseftirlitið hef
ur úrskurðað um hvort Samherji og
FISK Seafood fái að fara inn í hlut
hafahóp Olís.
„Skal tekið fram að
hækkun er að fullu
greidd með peningum.
Ingi Freyr Vilhjálmsson
fréttastjóri skrifar ingi@dv.is
Notaði þjálfunina Einar Þór Hreinsson
sést hér ásamt leitarhundinum Vaski.
Í bann vegna
bjórdrykkju
Dómaranefnd HSÍ hefur ákveðið
að handknattleiksdómarinn Júl
íus Sigurjónsson dæmi ekki fleiri
leiki á þessari leiktíð. Hann hafi
sýnt af sér framkomu sem ekki
þyki í „anda heilbrigðrar íþrótta
stefnu“ þar sem hann sást drekka
bjór á „opinberum stað“ rúmlega
14 klukkustundum áður en hann
dæmdi leik Gróttu og ÍBV í úr
slitakeppni kvenna þann 14. apríl
síðastliðinn.
Svavar Vignisson, þjálfari ÍBV,
var bálreiður eftir tapleik liðsins
og sagði opinberlega að Júlíus
hefði angað af áfengi og dæmt
„eins og hann væri fullur“. Dóm
aranefndin tók ekki undir þær
ásakanir að Júlíus hefði angað af
áfengi en bjórdrykkjan kvöldið
áður var illa séð.
Enginn spyr
fiskverkendur
Um 150 manns sóttu opinn fund
Atvinnuþróunarfélags Eyjafjarðar
vegna frumvarpa Steingríms J. Sig
fússonar sjávarútvegsráðherra um
breytingar á fiskveiðistjórnunar
kerfinu á miðvikudagskvöld. RÚV
greindi frá því að þungt hljóð hafi
verið í framsögufólki og að fólk
hefði miklar áhyggjur af fram
tíð atvinnulífs á svæðinu. Haft var
eftir Önnu Júlíusdóttur, varafor
manni Einingar Iðju og talskonu
fiskverkafólks á Eyjafjarðarsvæð
inu, að fiskverkafólk væri yfirleitt
ekki haft með í ráðum þegar mál
sjávarútvegsins væru rædd. Hún
sagði fiskverkafólk áhyggjufullt
vegna fyrirhugaðra breytinga.