Dagblaðið Vísir - DV - 20.04.2012, Blaðsíða 6

Ú
tgerðarfélag Akureyringa,
áður Katla Iceland ehf., sem
keypti landvinnslueining­
ar Brims á Akureyri á síðasta
ári, var stofnað af félagi í eigu
Samherja á Kýpur. Þetta kemur fram í
stofngögnum félagsins. Félagið heitir
Fidelity Bond Investments Ltd.
Líkt og DV greindi frá á miðviku­
daginn eiga Fidelity Bond Invest­
ments og annað kýpverskt félag í
eigu Samherja, Miginato Holdings
Ltd., eignir upp á um átta milljarða
króna. Kýpversku félögin eiga jafn­
framt eignarhluti í dótturfélögum
Samherja á meginlandi Evrópu.
Kaupverðið á þessum eignum
Brims nam um 14,5 milljörðum
króna og var að mestu greitt með
yfir töku skulda Brims við Lands­
bankann. Yfirtaka skulda nam 10,9
milljörðum króna en eiginfjárfram­
lag Samherja í viðskiptunum nam
3,6 milljörðum króna. Í tilkynningu
um viðskiptin frá Samherja kom
fram að eiginfjárframlagið hefði
verið fjármagnað að hluta með sölu
á erlendum eignum. Ekki var tekið
fram hvaða eignir það voru sem voru
seldar.
Lögðu 3.600 milljónir í
reksturinn
Í yfirlýsingu frá Samherja, þar sem
tilkynnt var um söluna, sagði Þor­
steinn Már Baldvinsson, forstjóri
Samherja, að kaupin á eignum Brims
væru áhættusöm en útgerðarfélagið
hefði trú á sjávarútveginum. „Við höf­
um ávallt haft trú á sjávarútveginum. 
Þess vegna höfum við ákveðið að
leggja 3.600 milljónir króna í þenn­
an rekstur.  Við gerum okkur grein
fyrir því að  þessi ákvörðun felur í sér
nokkra áhættu en við teljum okkur
ráða við hana, ekki síst vegna þess að
afkoma af starfsemi okkar erlendis
hefur verið ágæt að undanförnu. Við
munum selja erlendar eignir til að
leggja fram það eigin fé sem þarf og
færa þannig gjaldeyri inn í landið,‘‘
sagði Þorsteinn.
Eignirnar sem Samherji keypti af
Brimi voru fiskvinnsla á Akureyri og
Laugum, tveir ísfisktogarar og veiði­
heimildir í þorski, ýsu, steinbít og
skarkola, 5.900 þorskígildistonn í
heildina.
Í eigu Kýpurfélagsins
Í stofngögnum Útgerðarfélags Akur­
eyringa frá því í ársbyrjun 2009, sem
unnin voru af KPMG, kemur fram
að kýpverska félagið hafi stofnað
það. Í stofngögnum Fidelity Bond
Investments frá Limassol á Kýpur,
sem send voru til endurskoðanda
Samherja í byrjun febrúar 2009,
kemur fram að félagið hafi verið
stofnað þar í landi í lok janúar það
ár. Stjórnendur félagsins heita Irene
Anastasiou og Eleni Charalampous.
Í stofngögnum Útgerðarfélags
Akureyringa kemur fram að hlutafé
félagsins, rúm milljón króna, hafi
allt verið í eigu Fidelity Bond Invest­
ments. „Fidelity Bond Investment
Ltd., skráð á Kýpur, skráir sig fyrir
öllu hlutafénu.‘‘ Ekki liggur fyrir árs­
reikningur frá Útgerðarfélagi Akur­
eyringa fyrir árið 2011 en miðað við
ársreikninginn 2010 var félagið hins
vegar komið í eigu fjárfestingar­
félags Samherja, Krossaness, áður
Kaldbaks. Kýpverska félagið var
hins vegar stofnandi og eini hluthafi
félagsins sem síðar keypti eignirnar
á Akureyri af Brimi.
6 Fréttir 20.–22. apríl 2012 Helgarblað
Rænd í Amsterdam
n Íslensk tónlistarkona lenti í glæpagengi
É
g slapp ómeidd þrátt fyrir að þess­
ir menn spörkuðu mér í jörðina,“
segir Sylvía Hlynsdóttir, einn fær­
asti trompetleikari landsins, sem
var rænd af hópi manna úti á götu í
Amsterdam aðfaranótt miðvikudags.
Hún slapp blessunarlega ómeidd frá
árásinni en var rænd öllum verðmæt­
um sem hún var með á sér.
Sylvía hefur búið í Hollandi um
nokkurt skeið, stundað þar tónlistar­
nám og list sína við góðan orðstír. Hún
var á heimleið um eittleytið aðfara­
nótt miðvikudags þegar hópur ræn­
ingja réðst á hana. Því miður var hún
með nýjan og glæsilegan Hub Van
Laar B4 trompet sinn meðferðis auk
allra aukahluta sem ræningjarnir hirtu
auk tösku sem hún var með. Í töskunni
var sími, veski, vegabréf og kreditkort
hennar. Tjónið er því umtalsvert fyrir
Sylvíu en nýr svona trompet kostar
hundruð þúsunda. „Það var í raun allt
mitt í þessari tösku,“ segir Sylvía sem
eyddi þessari örlagaríku nótt á lög­
reglustöð í Amsterdam. Hún greindi
frá raunum sínum á Facebook á mið­
vikudag þar sem hún lýsti eftir tromp­
etinum og fékk strax mikil viðbrögð frá
vinum sínum sem deildu ákalli henn­
ar. Síðar sama dag upplýsti hún þá fjöl­
mörgu sem létu sig málið varða um
að lögreglan hefði handtekið hrott­
ana. Reyndust þeir hafa verið með far­
síma hennar í fórum sínum. Símann
endurheimti hún svo á fimmtudag en
dauðaleit er nú gerð að trompetinum
verðmæta og töskunni. Sylvía og vin­
ir hennar hafa frá ráninu vaktað sölu­
og uppboðssíður á netinu í von um að
finna trompetinn sem ber einkennis­
númer sem hægt er að rekja. Leit
hennar hafði ekki borið árangur þegar
DV fór í prentun en hún heldur í von­
ina um að endurheimta hljóðfærið.
„Þess vegna höf-
um við ákveðið
að leggja 3.600 milljónir
króna í þennan rekstur.
Kýpverskt félag keypti Eignarhaldsfélag á Kýpur átti allt hlutafé í Kötlu Seafood á
Íslandi sem keypti eignir af Brimi á Akureyri í fyrra. Þorsteinn Már Baldvinsson er forstjóri
Samherja og Guðmundur Kristjánsson er forstjóri Brims.
ÚA stofnAð Af
KýpurfélAginu
Ingi Freyr Vilhjálmsson
fréttastjóri skrifar ingi@dv.is
n Kýpverskt aflandsfélag eini hluthafi ÚA n 3,6 milljarða viðskipti
18.apríl 2012
Brim Guðmundur Kristjánsson seldi til
Samherja fyrir 14,6 milljarða.
Rænd Sylvía sést hér með sinn ástkæra
Hub Van Laar B4-trompet. Hún var rænd af
hópi hrotta í Amsterdam í vikunni.
Mæðgin
handtekin
Lögreglan á höfuðborgarsvæðinu
handók mæðgin er hún stöðvaði
kannabisræktun í borginni á
þriðjudag. Lagt var hald á um 35
kannabisplöntur og tæplega 700
grömm af þurrkuðum kannabis­
efnum, að því er segir í tilkynn­
ingu frá lögreglu.
Greinir lögreglan frá því að
móðirin sem handtekinn var hafi
verið allt annað en ánægð með af­
skipti lögreglunnar og verið mjög
æst á vettvangi. Hún sýndi mikinn
mótþróa og var því færð í hand­
járn og niður á lögreglustöð til
yfirheyrslu. Þar játaði sonurinn,
sem er á þrítugsaldri, aðild sína að
málinu.
Slasaðist
í svifflugi
Á þriðja tímanum á fimmtudag
barst neyðarlínu tilkynning um
svifdrekaslys í klettum sunnan
Hveragerðis. Björgunarsveitir
Slysavarnarfélagsins Landsbjargar
í Árborg, höfuðborgarsvæðisins
og Ölfuss voru kallaðar út ásamt
þyrlu Landhelgisgæslunnar. Þyrl­
an flutti konu til Reykjavíkur. Hún
hafði slasast þegar hún flaug lítilli
svifflugvél á hamra. Samkvæmt til­
kynningu frá Landsbjörgu gekk vel
að komast að konunni sem slasað­
ist en svæðið var erfitt yfirferðar
og á brattann að sækja og var því
þyrla Gæslunnar fengin til aðstoð­
ar. Konan fótbrotnaði.