Dagblaðið Vísir - DV - 06.06.2014, Qupperneq 14

14 Fréttir Helgarblað 6.–9. júní 2014
É
g bara skil ekki þessa nei­
kvæðni í umræðunni. Við
erum að reyna að vekja
athygli á laxveiðinni. Boðið
kemur náttúrlega frá veiði­
félagi Norðurár sem er stjórnað af
eigendum árinnar sem eru bænd­
ur í Borgarfirði. Það er löng hefð
fyrir því að fyrirmönnum hafi verið
boðið í Norðurá, bæði konungborn­
um og öðrum, og alltaf þótt sómi.
Við viljum breyta þessari ímynd
laxveiðinnar þannig að mönnum
finnist sjálfsagt og eðlilegt að bjóða
mönnum í laxveiði,“ segir Einar Sig­
fússon, sölustjóri Norðurár, um boð
veiðifélags árinnar til ráðherranna
Sigmundar Davíðs Gunnlaugsson­
ar og Bjarna Benediktssonar um að
opna með formlegum hætti veiðina
í ánni þetta sumarið.
Þeir Bjarni og Sigmundur
opnuðu ána á fimmtudagsmorgun
en veiddu ekki lengi; voru hættir rétt
fyrir klukkan átta eftir að hafa byrj­
að að veiða klukkan sjö. Bjarni náði
einum laxi á land, öðrum laxi sum­
arsins en þann fyrsta veiddi bróðir
Einars, Sigurður Sigfússon. Bjarni
veiddi grálúsuga hrygnu, 78 senti­
metra, sem tók eina af klassískari
flugum sem til er, Rauðan Francis.
Sá árangur Bjarna verður að teljast
góður í ljósi þess hversu stutt ráð­
herrarnir voru við veiðar – einungis
í um fjörtíu mínútur.
Flinkur Bjarni
„Bjarni er flinkur veiðimaður,“ seg­
ir Einar. „Þetta er greinilega mik­
ið áhugasport hjá honum. Hann
kastaði bara eins og fagmaður hér.
Bjarni setti í fiskinn eitthvað 23 mín­
útur yfir sjö í morgun og var búinn
að landa honum 20 mínútum síðar.“
Einar segir að Sigmundur hafi líka
kastað ágætlega en að það hafi háð
honum að hann var bara á göngu­
skóm en ekki á vöðlum eins og
Bjarni. „Jú, Sigmundur tók nokkur
köst hér af bakkanum. Það var gert
af myndarskap en hann náði ekki að
koma flugunni eins vel fyrir fiskinn
því að hann var ekki í vöðlum. Þeir
komu bara hérna í morgun, þáðu
einn kaffibolla og svo bara út í á
klukkan sjö þannig að þetta var bara
skemmtilegt. Svo voru þeir farnir
fyrir átta. Þannig að þetta var bara
svona örstutt heimsókn,“ segir Ein­
ar. „Þeir höfðu víst aldrei hugsað sér
að vera neitt lengur.“
Boðið í einn og hálfan dag
Einar segir að veiðifélag Norður­
ár hafi ákveðið að gera þetta svona
núna, opna ána með þessum hætti
þetta árið, en að ekki hafi ver­
ið ákveðið með framhaldið. „Þetta
voru bara vinir okkur og fjölskylda,“
segir Einar. Ráðherrunum var boðið
í einn og hálfan dag, sem og í fæði og
gistingu, en þeir nýttu sér það ekki
heldur stöldruðu stutt við á bökkum
Norðurár á fimmtudagsmorgun.
Upplýsingafulltrúi ríkisstjórnar­
innar, Sigurður Már Jónsson, sagði
á fimmtudag að litið væri á veiði­
ferðina sem opnunarathöfn en ekki
sem boðsferð. Til samanburðar má
nefna að borgarstjórinn í Reykjavík
hefur á hverju ári opnað Elliðaárnar
í Reykjavík. „Við erum að gera þetta
bara af hreinum og jákvæðum hug
og þetta hefði snúið eins að öllum
sem hefðu verið í þessum embætt­
um,“ segir Einar.
Ímyndarvandi eftir hrun
Einari er tíðrætt um þann ímyndar­
vanda sem laxveiðin hafi glímt við
frá hruninu árið 2008. „Við erum að
reyna að vekja athygli á laxveiðinni
og hefja hana til vegs og virðingar
af því hún fékk á sig neikvæðan
stimpil eftir hrunið 2008. Hún hef­
ur átt undir högg að sækja og okkur
finnst þetta bara jákvætt. Þetta eru
nú heldur ekki dýr veiðileyfi á þess­
um tíma,“ segir Einar og bætir við
að veiðileyfið kosti um 38 þúsund
krónur á dag á þessum tíma. Fyrir
hrunið 2008 var algengt að bankar
og önnur fjármálafyrirtæki biðu
viðskiptavinum sínum og ýmsum
öðrum í laxveiði á þessum árum.
Einar segist vera hissa á neikvæðu
umfjölluninni sem hófst um veiðar
ráðherranna. „Ég átti svo sem von
á þessu. Það eru alltaf sjálfskipaðir
postular í landinu sem þykjast þurfa
að hafa vit fyrir okkur. Það kom nátt­
úrlega strax komment frá ákveðnum
aðilum, líkt og ég bjóst við. Hefði
Jóhanna Sigurðardóttir verið for­
sætisráðherra þá hefði hún allt eins
fengið boð um að koma.“
Tími „laxveiði-
spillingartímans“?
Með orðum sínum vísar Einar til
þess að Jóhanna Sigurðardótt­
ir hafi gagnrýnt veiðiferð ráðherr­
anna þegar hún spurðist út í vik­
unni. Vísaði Jóhanna til þeirra tíma
þegar einkafyrirtæki buðu stjórn­
málamönnum og öðrum til lax­
veiða á árunum fyrir hrunið 2008.
„Get ur verið að laxveiðispill ing ar­
tím inn sé að renna upp aft ur? Hafa
þess ir menn enga siðferðis kennd?
Og ég spyr, hafa þeir numið úr gildi
siðaregl ur fyr ir rík is stjórn Íslands
sem sett var af rík is stjórn minni, þar
sem svona sukk var bannað?“
Boðsferð eða ekki?
Í siðareglum sem ríkisstjórn
Jóhönnu Sigurðardóttur samþykkti
í mars 2011 kemur fram að ráðherr­
ar eigi ekki að þiggja boðsferðir frá
einkaaðilum. „Ráðherra þiggur að
jafnaði ekki boðsferðir af einkaað­
ilum nema opinberar embættis­
skyldur séu hluti af dagskrá ferðar­
innar.“ Líkt og áður segir þá hefur
upplýsingafulltrúi ríkisstjórnarinn­
ar hins vegar stigið fram og sagt að
veiðiferðin í Norðurá sé ekki boðs­
ferð heldur sé um að ræða opnun
á laxveiðiá. Ef ráðherrarnir hefðu
dvalið allan tímann við veiðar – 1,5
dag – og þegið fæði og gistingu má
hins vegar frekar segja að um boðs­
ferð hefði verið að ræða. Kostnaður
veiðifélags Norðurár af veiðum ráð­
herranna á fimmtudag var sannar­
lega ekki mikill þegar litið er til þess
að heill dagur í ánni nú kostar nú
um 38 þúsund á stöng en þeir Bjarni
og Sigmundur Davíð veiddu aðeins
í klukkutíma. Því má kannski segja
að með því að staldra svo stutt við
hafi ráðherrarnir breytt eðli veiði­
ferðarinnar. Þeim var boðið í boðs­
ferð í laxveiðiá en þeir gerðu úr
henni opnun á laxveiðiá.
Laxinn í skýrslunni
Með orðum sínum um laxveiði­
spillingartímann vísaði Jóhanna
væntanlega til þess tímabils í sögu
þjóðarinnar á árunum fyrir hrun
þar sem bankar buðu viðskiptavin­
um og stjórnmálamönnum í lax­
veiðiferðir. Slíkar boðsferðir tíðk­
uðust raunar líka fyrir þetta tímabil
sem segja má að hafi hafist með
Styrinn um kostaða laxveiði
n Veiðiferð Bjarna Benediktssonar og Sigmundar Davíðs hluti af áralangri umræðu um kostaðar laxveiðiferðir n Boðsferðir í laxveiði voru tengdar við óhóf, lúxus og jafnvel spillingu
Ingi Freyr Vilhjálmsson
ingi@dv.is
„Get ur verið að
laxveiðispill ing ar­
tím inn sé að renna upp
aft ur?