Dagblaðið Vísir - DV - 06.06.2014, Side 22

22 Umræða
„Johnny Depp
hefði átt að fá
Óskarinn fyrir
hluverk sitt í Blow,“
segir Smári Sverrisson
varðandi það að
kókaínsmyglarinn George
Jung, sem Johnny Depp lék í
kvikmyndinni Blow, sé laus úr haldi.
Helgarblað 6.–9. júní 2014
Fokking ótrúlegt Umsjón: Henry Þór Baldursson
Vinsæl
ummæli
við fréttir DV í vikunni
Ú
t vil ek“ hljómar æ hærra í
huga mínum þessa dagana.
Sveitarstjórnarkosningarn-
ar, sem ég kallaði fyrir
stuttu síðan „lúxusvanda-
mál“ vegna þess að kosningabar-
áttan snerist um málefnalega og
vinalega umræðu um áherslumál
nokkurra fínna framboða, snerust
23. maí upp í farsa sem engan enda
virðist ætla að taka.
Farsa sem endaði með því
að hatursfyllsti þjóðfélagshópur
landsins varð að miðpunkti um-
ræðunnar – kosningabaráttan og
fjölmiðlaumfjöllunin fjallaði varla
um annað, þrátt fyrir að kosn-
ingarnar hefðu lítið sem ekkert
með málstað þeirra að gera. Kjör-
sókn varð sú langminnsta í lýð-
veldissögunni og framboðið sem
gaf téðum hópi undir fótinn bætti
við sig ótrúlegu fylgi á fáeinum
dögum.
Hélt áfram
Síðan hefur þetta bara haldið
áfram. Forystumenn Framsóknar-
flokksins brugðust við gagnrýni
á málflutning oddvita flokksins í
Reykjavík með því að úthúða gagn-
rýnendum, kvarta yfir ómaklegu
orðavali og undan þöggun – án
þess að gefa sjálfir þumlung eftir í
því að eitthvað gæti verið til í gagn-
rýninni á málflutning flokksfélaga
þeirra. Sannarlega án þess að taka
skýra afstöðu gegn þeim málflutn-
ingi (þó undantekningar séu að
vísu á því). Ég held reyndar að það
sé alveg rétt að viðbrögðin við þess-
um málflutningi hafi að einhverju
leyti einkennst af því að þeir sem
hafa lengi séð Framsóknarflokkinn
sem þjóðernis-popúlistaflokk tóku
lítið dæmi um slíkt sem endanlega
staðfestingu á því – og sumir hafa
hlaupið upp til handa og fóta með
stóryrtum stimplum og lýsingum á
því, sem dæmið sjálft gaf ekki endi-
lega tilefni til.
Afhjúpar sig
Sú hugmynd að vilja mismuna
trúarhópum (hvort sem það er að
mismuna þeim sem eru íslams-
trúar eða öllum þeim sem kalla
bænahús sín ekki „kirkjur“) er að
sjálfsögðu alvarleg, framkvæmdin
væri mannréttindabrot og sú rétt-
læting sem sett var fram í því sam-
hengi var ógeðfelld og hafði ekki
neitt með skipulagsmál að gera.
Hvernig oddvitinn byggir afstöðu
sína til skipulagsmála í Reykjavík
á „reynslu, en ekki fordómum“ frá
Sádi-Arabíu og meintum fjölda
kristinna kirkna þar er enda vand-
séð, hvað þá að nauðungarhjóna-
bönd í Svíþjóð hafi eitthvað með
græn svæði í Sogamýri að gera.
Með þessu tali var oddvitinn bæði
að gefa undir fótinn og afhjúpa eig-
in útlendingahræðslu og andúð á
íslamstrú – tilfinningar sem frjáls-
lynt samfélag þarf að standa gegn
og eiga þaðan af síður erindi í
kosningabaráttu til borgarstjórnar
Reykjavíkur.
Ekki rasisti
Á hinn bóginn held ég ekki að
Sveinbjörg Sveinbjörnsdóttir sé
rasisti - ég sá hvað henni leið illa
þegar hún var spurð út í þetta á
fundum og í fjölmiðlum í síðustu
viku, hvað hún tók það nærri sér
þegar henni var gert að standa
gegn trúfrelsi og múslimum, þegar
hún var útmáluð þannig í Frétta-
blaðinu og hvernig hún reyndi að
draga í land án þess þó að missa
það fylgi og athygli sem ummæl-
in höfðu skapað henni. Þetta væri
bara skipulagsmál og reyndar vildi
hún bara almennt ekki úthluta
lóðum til trúfélaga o.s.frv. Mér
skilst meira að segja að hún hafi í
einu tilviki alveg sagst vera til í að-
skilnað ríkis og kirkju í því sam-
hengi.
Þess vegna hef ég ákveðna sam-
úð með henni og með því að fram-
sóknarfólki þyki of langt gengið
í sumum tilfellum, þegar flokkur
þeirra er stimplaður sem rasista-
flokkur og þau með. Eftir stend-
ur hins vegar að Sveinbjörg, Sig-
mundur og fleiri tóku ekki skýra
afstöðu gegn þeim hugmyndum
sem hatursfulli hópurinn heldur á
lofti – væntanlega til þess að missa
ekki atkvæði þeirra – og hafa ekki
enn gert. Þau gáfu þeim þvert á
móti undir fótinn. Síðan hefur að-
eins verið vísað almennt til grunn-
stefnu flokksins og því haldið fram
að Framsókn sé frjálslyndur flokk-
ur, án þess að rökstuðningur fyrir
þeirri fullyrðingu fylgi, hvað þá að
hún sé sett í samhengi við þessa
umræðu. Það er þeim til skammar.
Ógeðfelldur
Umræddur haturshópur er með
því ógeðfelldara sem ég hef séð
á Íslandi lengi, ég hef áhyggjur af
því og ég trúi því að góðir fram-
sóknarmenn á borð við Jóhannes
Þór vin minn séu sama sinnis. Þeir
þurfa hins vegar að taka af allan
vafa um það áður en það verður of
seint; afneita alfarið hugmyndum
þessa hóps og viðurkenna að það
var rangt og ljótt að gera andúð á
byggingu mosku að kosningamáli
til að tryggja sér atkvæði þessa
hóps. Að þeir vilji ekkert með þess-
ar hugmyndir og þessi atkvæði
hafa, að þeir taki skýra afstöðu
með rétti múslima til byggingar
mosku og mikilvægi mannréttinda
og virðingar þeirra – vegna þess
að það séu grunngildi þeirra og
flokksins. Að það hafi verið mis-
tök að höfða til þeirra með þess-
um hætti og kynda þannig undir
andúð á minnihlutahópum í sam-
félaginu.
Aðeins þannig öðlast full-
yrðingar þeirra um frjálslynda
hugmyndafræði Framsóknar vott
af trúverðugleika, þannig nýta þeir
þær aðstæður sem skapast hafa til
að taka loksins skýra afstöðu í þá
veru og þannig má vonandi koma
í veg fyrir að þessar ógeðslegu
hugmyndir nái fótfestu í íslensku
flokkakerfi og taki yfir pólitíska
umræðu, eins og þær hafa gert víða
í Evrópu.
Ég vil a.m.k. miklu frekar sjá það
heldur en þau stjórnmál sem við
höfum orðið vitni að síðustu vikur.
Þannig getum við kannski yfirveg-
að umræðuna og komið í veg fyrir
að elsti flokkur landsins einangrist
endanlega og festi sig í sessi sem
þess lags flokkur, sem ekkert okkar
vill sjá á Íslandi. n
„Skömm Framsóknar“
„Með þessu tali var
oddvitinn bæði að
gefa undir fótinn og af-
hjúpa eigin útlendinga-
hræðslu og andúð á
íslamstrú.
Viktor Orri Valgarðsson
skrifar
Af blogginu
25
17
15
24
„Ég hef bara eina
auðmjúka kröfu,
að allir þeir sem
vilja fá að predika ótta og
fordóma í mátti trúar og
vegna hennar, vinsamlegast
sækið kirkju 6 sinnum á ári
áður en þið farið að nota
kristna trú sem skjöld fyrir
fordóma ykkar,“
segir Helga Lára Pálsdóttir
í athugasemd um frétt
þess efnis að Íris Lind
Verudóttir, söngkona og frambjóðandi
Framsóknarflokksins í Kópavogi, hefði
birt Facebook-færslu þar sem illa var
talað um múslima.
„Frábært að
fá kindurnar
til að snyrta
kirkjugarðinn – Það er góð
lausn við umhirðu garðsins
að fá skepnur til að bíta
grasið og að ég held í
þessu tilfelli kindunum til
hinnar mestu ánægju. Fyrir
hverjum ætti þetta að vera
virðingarleysi að kindurnar
vinni verkið? Berum við ekki
virðingu fyrir öllum skepnum
jarðar?“
segir Bryndís Valbjarnardóttir
í athugasemd um frétt sem
fjallar um að kindum sé hleypt
inn í kirkjugarðinn á Flateyri.
„Hann virðist
hæðast að
siðareglum, það
þætti ekki fyndið hjá alvöru
þjóðum.“
Þetta segir Benedikt
Björnsson í athugasemd við
frétt þar sem sagt er frá flugu
sem Bjarni Benediktsson hnýtti sem svar
við gagnrýni Jóhönnu Sigurðardóttur
á laxveiðiboð. Minntist Jóhanna þar á
siðareglur ríkisstjórnarinnar.
Könnun
Hefur þú prófað
BDSM-kynlíf?
n Já
n Nei
n Gef ekki upp 176 ATKVÆÐI
61,4%
33%
5,7%