Dagblaðið Vísir - DV - 06.06.2014, Qupperneq 67

Helgarblað 6.–9. júní 2014 11HM 2014
n Flestir spá Brasilíu og Spánverjum velgengni n En hvað mun koma mest á óvart og hver verður markakóngur? n Hver veldur vonbrigðum?
Spekingar spá í spilin
Brassar heimsmeistarar
eða vonbrigði
Edda Sif Pálsdóttir sjónvarpskona
n Með hverjum heldur þú? „Ég hef alltaf haldið með Spánverjum en verið
með blæti fyrir Hollendingum líka. Til að krydda þetta aðeins meira er ég
lúmskt heit fyrir Belgum líka í ár.“
n Hvaða þjóð verður heimsmeistari? „Brasilía.“
n Hver verður markakóngur? „Óskabarn þjóðarinnar, Neymar.“
n Hvaða þjóð mun valda mestum vonbrigðum? „Þetta verður annað-
hvort eða hjá Brössum. Ef þeir verða ekki heimsmeistarar verða þeir von-
brigði mótsins. Annars Frakkar, þeir eru meistarar í að valda vonbrigðum og
verða pirraðir og fúlir.“
n Hvaða þjóð mun koma mest á óvart? „Belgía.“
n Hver verður besti maður mótsins? „Diego Costa.“
Dyggur aðdáandi Þýskalands
Katrín Júlíusdóttir þingkona
n Með hverjum heldur þú? „Þýskalandi, eins og alltaf.“
n Hvaða þjóð verður heimsmeistari? „Nú er komið að Þjóðverjum. Þeir eru
alltaf næstbestir eða alveg við það að ná þessu. Mér finnst þeir eiga skilið að
vinna núna.“
n Hver verður markakóngur? „Ronaldo. Þetta er orðinn ótrúlega flottur
og þroskaður leikmaður sem hefur taugar í svona keppni. Hann er náttúrlega
algjör markavél.“
n Hvaða þjóð mun valda mestum vonbrigðum? „England. Eins og svo oft
áður.“
n Hvaða þjóð mun koma mest á óvart? „Portúgal gæti komið á óvart.“
n Hver verður besti maður mótsins? „Ég held það verði Ronaldo. Ég
ætla líka að segja að Neuer, markmaðurinn hjá Þýskalandi, eigi eftir að vera
skemmtilegur.“
Hefur mikla trú á Messi
Baldvin Z leikstjóri Vonarstrætis
n Með hverjum heldur þú? „Ég er mikill Argentínumaður
frá fornu fari.“
n Hvaða þjóð verður heimsmeistari? „Ég held að
Argentína verði meistari í ár. Lionel Messi verður að vinna
ef hann ætlar að komast á sama stall og Maradona.“
n Hver verður markakóngur? „Ég held að þetta verði
árið hans Messi.“
n Hvaða þjóð mun valda mestum vonbrigðum? „Það
verður Brasilía.“
n Hvaða þjóð mun koma mest á óvart? „Englendingar
koma mest á óvart, þeir eru með ágætis lið.“
n Hver verður besti maður mótsins? „Ekki erfitt val,
hver annar kemur til greina en Messi.“
Belgar flengdir
Björg Magnúsdóttir rithöfundur
n Með hverjum heldur þú? „Hjartað slær með argentínska landsliðinu.“
n Hvaða þjóð verður heimsmeistari? „Brassarnir taka þetta heima hjá
sér og það verður stórkostlegt að fylgjast með því.“
n Hver verður markakóngur? „Fyrst Luis Suarez er dálítið heilsuveill þá
má vonast til þess að Lionel Messi blómstri loksins með landsliðinu og verði
kóngurinn.“
n Hvaða þjóð mun valda mestum vonbrigðum? „Ég skýt á að spútniklið
Belga valdi mestum vonbrigðum. Það er búið að tala um þetta lið stans-
laust en ég held að þeir verði flengdir í 16 liða úrslitum. Væntingastjórnun,
gott fólk. Hún er mikilvæg.“
n Hvaða þjóð mun koma mest á óvart? „Ég ætla að tippa á Bosníumenn
og hreinlega gerast svo djörf að spá þeim í átta liða úrslit í þeirra fyrstu
heimsmeistarakeppni.“
n Hver verður besti maður mótsins? „Fyrirliði Brasilíu, varnarmaðurinn
Thiago Silva. Hann breytist í baneitraðan múr og Brassarnir fá ekki meira en
eitt mark á sig í keppninni.“
Bandaríkin munu koma
mest á óvart
Áslaug Arna Sigurbjörnsdóttir laganemi
n Með hverjum heldur þú? „Englandi.“
n Hvaða þjóð verður heimsmeistari? „Frakkland.“ Hver verður marka-
kóngur? „Lionel Messi.“
n Hvaða þjóð mun valda mestum vonbrigðum? „Króatía stendur ekki
undir væntingum.“
n Hvaða þjóð mun koma mest á óvart? „Ég held það verði Bandaríkin.“
n Hver verður besti maður mótsins? „Englendingurinn Paul Lambert.“
Belgar koma mest
á óvart
Logi Ólafsson, fyrrverandi landsliðsþjálfari:
n Með hverjum heldur þú? „Spánverjum.“
n Hvaða þjóð verður heimsmeistari? „Ég vona að það
verði Spánverjar.“
n Hver verður markakóngur? „Diego Costa og Neymar
munu deila þessu með sér.“
n Hvaða þjóð mun valda mestum vonbrigðum? „Ég
held það verði Englendingar eins og svo oft áður.“
n Hvaða þjóð mun koma mest á óvart? „Belgía. Þeir
eru með marga snillinga innan sinna raða.“
n Hver verður besti maður mótsins? „Ætli það verði
ekki bara einhver Belgi? Eden Hazard mögulega.“