Són - 01.01.2009, Qupperneq 75

ÁSTIR HJÁLMARS HUGUMSTÓRA OG INGIBJARGAR 75
Eddu. Ættir eru raktar frá sonum Nóa, þeim Kam og Jafet. Frá Kam
er komið heiðið illþýði sem flúði af Kanaanslandi í Jötunheima og
settist að norður í Gandvík í Risalandi. Af þessum fólum er Goð-
mundur á Glæsisvöllum kominn. Í ríki hans er Ódáinsakur þar sem
sótt og elli bítur ekki á neinn. Eftir þetta verður ættarsaga Goðmund-
ar samhljóða sögunni.
Höfundur, sonur Goðmundar, er faðir Arngríms sem sækir sér
konuefnið Ámu úr Mann(a)heimum. Þau eiga Hergrím og hann
sækir sér að konu Ögn úr Jötunheimum og þau eiga Grím sem síðar
kallast Eygrímur og Starkaður Stórvirksson tekur í fóstur eftir að hafa
fellt föður hans. Eygrímur gengur að eiga Bauggerði dóttur Starkaðar
og Álfhildar Álfsdóttur. Þau setjast að í eynni Bólm á Hálogalandi og
eiga saman Arngrím, föður Angantýs og berserkjanna bræðra hans,
sem Hjálmar og Örvar-Oddur berjast við.
Frá Jafet syni Nóa er komið frítt en heiðið fólk sem um síðir tekur
sér bólfestu í Mann(a)heimum. Foringjar þessa liðs eru þeir Óðinn
kóngur og Álfur kóngur en af honum segir í færeysku sagnakvæði, en
þó er efnið þar með öðrum hætti þar sem hann tengist sögu
Hálfsrekka.14 Eftir það kom Tyrkja lið í Tróju til ríkis Óðins og batt
við hann grið. Samgangur gerðist mikill með þessum þjóðum þar sem
Óðinn nefndi Mann(a)heima. Þangað sóttu risar sér tíðum konur og
þjóðirnar blönduðust. Óðinn tók sig síðan upp og margt lið með
honum og fór norður til Svíaveldis með viðkomu í Saxlandi líkt og
lýst er í Prologus Snorra-Eddu. Af Álfi er það að segja að hann sest að í
Austurríki. Þetta efni í rímunum er umfram söguna.
Frá þeim Óðni og Álfi eru miklar ættir. Í því efni eru rímurnar og
sagan samhljóða. Óðinn eignast soninn Sigurlama sem gengur að eiga
dóttur Gylfa konungs í Svíaveldi og þau setjast að í Garðaríki. Þau
eiga Svafurlama en hann gengur að eiga Fríði Þjassadóttur úr
Jötunheimum og þau eiga saman Eyfuru móður Arngrímssona. Ör-
lagasverðið Tyrfing hafði Svafurlami eignast með því að setja dverg-
um afarkosti til að smíða það en þeir leggja á það álög áður en þeir
skjótast inn í stein sinn. Dóttir Álfs er Álfhildur sem gengur að eiga
Starkað Stórvirksson eftir að hann hafði fellt Hergrím bónda hennar
eins og fyrr var getið. Þeirra dóttir er Bauggerður sem gengur að eiga
Eygrím í Bólm. Þeirra sonur er Arngrímur sem gengur að eiga
Eyfuru og þeirra synir eru Angantýr og bræður hans sem berjast við
Hjálmar og Örvar-Odd. Áður en að því kom hafði Angantýr kvænst
14 „Alvur kongur“, bls. 38.