Gerðir kirkjuþings - 1996, Side 45

FJÖLSKYLDUÞJÓNUSTA KIRKJUNNAR
Klapparstígur 25-27 5. hæð 101 Reykjavík
vera fastur liður í preststarfinu. Með breyttu kirkjulegu starfi sem m.a. kemur fram í
æ fleira starfsfólki sem starfar samhliða prestinum, eykst til muna samskipti og
samvinna. Safnaðarheimili eru risin upp, samstarf mili sókna og prófastsdæma
hefur vaxið, hvers kyns fræðslustarf dafnar og líknarþjónusta fær á sig nýja mynd
með tilkomu djákna. Hlutverk prestsins sem leiðtoga hefur fyrir bragðið breyst. Er
það nema von að ýmislegt hefur farið úrskeiðis í okkar kirkju þegar þessar róttæku
breytingar í safnaðarstarfinu eru hafðar í huga?
Samstarf innan sem utan prestakallsins er veigamikill þáttur í þeim breytingum sem
átt hafa sér stað bæði við skipulag og framkvæmd safnaðarstarfsins. Hvernig öll
þessi samskipti eiga sér stað er gott að geta rætt í trúnaðarhópi þar sem presturinn
sjálfur er í brennidepli, mistök hans og hæfni. Hvernig líður prestinum við þessar
nýju aðstæður, í þessari nýju kirkju sem nú er að vaxa úr grasi og hvað má betur
fara hjá honum eða henni? Allt þetta og margt fleira er snýst um prestsstarfið (og
djáknastarfið) er til umræðu í handleiðslu. Megináherslan er samt á sálgæslu-
viðtölin og hvernig prestar og djáknar sem þjónar kirkjunnar koma fram við þær
aðstæður.
Handleiðsluhóparnir fimm sem fóru af stað á haustmánuðum 1995 halda áfram og
Ijúka störfum í mars á næsta ári. Fjórir eru starfandi í Reykjavík og einn á Akureyri,
en alls eru 21 í hópunum fimm, prestar og djáknar. Undiritaður heldur áfram að
sinna því starfi.
Þá koma djáknanemar á nýjan leik í átta vikur í handleiðslu hér á meðan á
starfsþjálfun þeirra stendur og verða í tveimur hópum. Ingibjörg Pála annast
handleiðslu þeirra.
Starfsfólk FÞK nýtur áfram handleiðslu Kristínar Gústavsdóttir,'félagsráðgjafa og
fjölskyldufræðings frá Gautaborg. Hún hefur verið hér þrisvar á þessu ári og kemur
einu sinni enn í byrjun desember. Samstarfsfundir hjá starfsfólki eru fastbundnir
vikulega og hefur verið svo frá byrjun. Þar ræðum við um mál sem berast til okkar
eru í gangi hjá okkur og önnur erindi er leitað er með til okkar.
Nefndarstörf og samstarf út á við
Hópslysanefnd kirkjunnar sem Þorvaldur Karl á sæti í starfaði mikið og þá einkum í
kjölfar snjóflóðanna á Vestfjörðum. Haldin var ráðstefna í Skálholti í janúar þar sem
metið var starf kirkjunnar í þeim hörmungum.
Þá á Þorvaldur einnig sæti í nefnd um starfsmannastefnu kirkjunnar og hélt hún
fundi reglulega á fyrri hluta þessa árs. Sú nefnd er rétt að hefja áhugaverða og
nauðsynlega vinnu. Þar viljum við hér leggja áherslu á handleiðslu fyrir starfsfólk
kirkjunnar auk annars sem við teljum afar brýnt að kirkjulegt starfsfólk njóti og búi
við, hvort heldur er í safnaðarstarfi eða í víðara samhengi á vegum kirkjunnar.
23.9.1996
42