Gerðir kirkjuþings - 1996, Side 121

Greinarqerð um samkynhneiqð oq kirkju_____- 4 -_________15.10.1996
Allir menn eru skapaðir af Guði og þeim gefið fyrirheit um
óendalegan kærleika hans. Kristur býður okkur að elska
náunga okkar. Það merkir að við megum ekki gera honum
mein eða skaða hann í orði eða verki og að við eigum að
koma honum til hjálpar hvenær sem hann þarfnast þess.
Eyðnivandamálið bendir okkur einmitt á þá staðreynd, að
margir meðbræður okkar og systur þarfnast hjálpar.
Skorað er á:
a) Alla kristna menn, gagnkynhneigða og
samkynhneigða, að sýna ábyrgð í kynlífi sínu. Skyndikynni,
lausung og fjöllyndi mynda farveg fyrir útbreiðslu
alvarlegra sjúkdóma.
b) Alla kristna menn að fordæma engan og sýna
fórnarlömbum eyðni og aðstandendum þeirra samúð og
sannan náungakærleika.
c) Alla þá sem smitast hafa, eða gætu hafa smitast,
að virða náunga sinn og aðhafast ekkert sem getur leitt til
þess að fólk smitist.
d) Lækna og heilbrigðisyfirvöld að fylgjast vel með
aukinni þekkingu á eyðni og koma hagnýtum upplýsingum
jafnóðum skilmerkilega á framfæri við almenning og
áhættuhópa.
e) Fjölmiðlafólk að fara með gætni í umfjöllun sinni
um eyðni, eyðnismit og eyðnisjúklinga og vekja hvorki
óþarfa hræðslu né falskar vonir.
f) Kennara og uppalendur að fjalla um kynlíf og
kynlífsfræðslu í Ijósi kærleikans með virðingu fyrir öllum
mönnum og samfélaginu í heild.4
Þessi ályktun þótti um margt marka tímamót innan kirkjunnar í
afstöðunni til samkynhneigðra og samþykki prestastefnunnar verður
ekki haggað. Eflaust myndum við nota orðið alnæmi í dag, fremur en
eyðni. En athygli vekur að í ályktuninni eru „allir kristnir menn,
gagnkynhneigðir og samkynhneigðir" ávarpaðir, einmitt á þeim tíma
sem almennt var talað var um sjúkdóminn sem plágu samkynhneigðra,
en sjúkdómurinn hefur ekki síður herjað á gagnkynhneigða og
sprautunotendur, enda er veira orsakavaldurinn.
Annað sem þegar hefur verið sagt og skiptir miklu máli um þjónustu
4 Eftir frumríti prestastefnusamþykktarinnar 25. júní 1987 í Borgarnesi.
118