Gerðir kirkjuþings - 1996, Blaðsíða 46

FJÖLSKYLDUÞJÓNUSTA KIRKJUNNAR
Klapparstígur 25-27 5. hæð 101 Reykjavík
í kjölfar samþykktar á prestastefnu 1995 skipaði biskup þriggja manna nefnd til að
athuga undirbúning hjónavígslu og gera tillögur þar um. Þon/aldur á sæti í henni
og er málið honum nokkuð skylt en meistaraprófsritgerð hans fjallaði um þennan
þátt í starfi kirkjunnar.
Mun betur þarf að huga að fjárhag og starfsfólki þegar nefndir eru skipaðar á
vegum kirkjunnar. Margir þeirra sem í nefndum starfa geta ekki lagt útí mikla vinnu
og verður því að tryggja með einhverjum hætti að starfsfólk sé til að vinna það sem
vinna þarf. Helst er leitað til starfsfólks á biskupsstofu og stofnunum kirkjunnar og
eru þeir starfsmenn þá hafðir í nefndunum. En það er heldur ekki unnt að auka
endalaust á verksvið þeirra. Ég hygg að þetta sé ein ástæða þess að margar góðar
nefndir sem fara af stað Ijúka ekki sem skyldi sínu verki sem dagar svo uppi af
þessum sökum. Ef nefnd á að vinna að verkefni sem yfirstjórn kirkjunnar hefur falið
henni verður að gera ráð fyrir vinnuframlagi einhvers og fjármunum jafnhliða. Þetta
á reyndar líka við um veigamikil verkefni eins og handleiðsluna hér.
Fræðslustarf
Það hefur verið vilji okkar að geta frætt fjölskyldur og aðra sem áhuga hafa um það
sem við kunnum. Við þurfum líka að heyra hvað fjölskyldur sem ekki koma hingað
eru að hugsa og kljást við svo við stöðnum síður og höldum áfram að vera í góðum
tengslum við mannlífið. Fræðsla krefst þess líka að maður setji kenningar sínar í
orð og flytji öðrum en í viðtölunum erum við mun meira í hlutverki hlustandans.
Margir leita eftir fræðslu um fjölskyldumál og upplýsingum um okkar starfsemi.
Þannig fluttum við erindi vítt og breytt á vegum félaga, stofnana og safnaða. Hér
skal nefnt það helsta: Erindi hjá Kvenfélaginu í Garði, í Keflavík hjá samtökunum
“Börnin og við”, fræðslukvöld fyrir foreldra á leikskóla í borginni, fyrirlestur um
hjónabandið í safnaðarfélagi Kárnessóknar og annað á vegum sóknarnefndar í
Höfnum, hjónakvöld í Grindavíkurkirkju, kennslustund í Þroskaþjálfaskólanum og
Benedikt var með tveggja kvölda fræðslu á leikskóla í borginni. Þá sá Þorvaldur um
fræðsludagskrá ásamt með öðrum um prestfjölskylduna fyrir prestshjón og var hún
haldin á vegum Félags presta á höfuðborgarsvæðinu. Þá höfum við talsvert veitt
prestum aðstoð einkum þeim sem halda uppi fræðslustarfi fyrir pör eða hjón.
Kvöldnámskeið var í vor fyrir brúðhjón á vegum Dómkirkjunnar í Reykjavík. Því var
þrískipt og sá Þorvaldur um einn þátt fræðslunnar en organistinn Marteinn Hunger
og sr. Jakob Á. Hjálmarsson sóknarprestur sáu um annað.
Okkur gengur erfiðlega að standa við áform okkar um reglubundin hjónanámskeið.
Við urðum að fella niður fyrirhugað námskeið í vor í Skálholti og óvíst er um annað í
bráð. Mun meira átak þarf til að auglýsa það en við höfum getað lagt út í og
samstarf fleiri aðila þarf að koma til.
23.9.1996
43