Gerðir kirkjuþings - 1996, Side 62

íslenskra organleikara
Félag
Norrænt kirkjutónlistarmót
Gautaborg 26.-29 sept.1996.
F.Í.O. hefur frá árinu 1952 verið aðili að Norræna
kirkjutónlistarráðinu,sem er samstarfsvettvangur
norrænna kirkjutónlistarmanna. Jafnan hefur starfsemi
þess verið í tengslum við kirkjutónlistarmótin sem haldin
hafa verið fjórða hvert ár,til skiptis á Norðurlöndum.
Slíkt mót var síðast á íslandi árið 1992,en forsætið var þá
afhent Svíum sem höfðu veg og vanda að nýliðnu móti.
Frá upphafi vildu Svíar breyta formi mótsins,en það hafði
löngum haft þann megintilgang að kynna nútímaverk á
sviði kirkjutónlistar,en þeir þættir höfðuðu löngum til
mjög takmarkaðs hóps manna,þannig að reikna mátti með
um 80 þátttakendum.
Svíar sögðust vilja tífalda þennan þátttakendahóp og
kynna nú þá tónlist sem í notkun væri almennt í kirkjum
landanna og jafnframt gefa mönnum kost á að kaupa allt
efnið á nótum.Þeir vildu líka breyta nafninu og kölluðu
þetta fyrirbæri"Nordisk Kyrkomusiksymposium."
Það er skemmst frá því að segja að ætlunarverk Svíanna
tókst og vel það.
Fyrir okkur Islendinga þýddi þetta að við urðum að láta
gefa út það efni,sem við vildum kynna með norrænum
textum.Þetta var gert og stóðu að því Islensk
tónverkamiðstöð og Skálholtsútgáfan en jafnframt sendum
við út hópa til að flytja þessa tónlist.Er hér um að ræða
sálmalög sem öðlast hafa sess í íslenskum kirkjusöng fyrir
blandaðan kór og barnakór. Kórar þeir sem við sendum
utan voru:Kammerkór Langholtskirkju,Mótettukór
Hallgrímskirkju og Skólakór Kársness,en þessir kórar allir
komu einnig fram á sérstökum tónleikum.
Það er skemmst frá því að segja að íslenska tónlistin og
fágaður söngur kóranna vakti mjög mikla athygli og gerði
þessa ferð að samfelldri sigurgöngu eins og blaðadómar í
sænskum blöðum báru með sér og nægir þar að vitna í
gagnrýni"Göteborgsposten"þar sem fjallað er um
samnorræna kórtónleika sem haldnir voru á
laugardagskvöldinu en þar flutti Mótettukór
Hallgrímskirkju verkið "Óttusöngur á vori "eftir Jón
Nordal,en þar segir ,i fyrirsögn:
59