Gerðir kirkjuþings - 1996, Qupperneq 128

15.10.1996
Greinarqerð um samkynhneiqð oq kirkju_______-11-
kynhneigð í öllu lífi mannsins. Þeir láta sig litlu skipta bernsku,
kynþroskaár og undirbúning hjónabands. Hjá þeim er ekkert að finna um
aðstöðu þeirra sem ekki geta gifst. Þetta er eins og að lýsa heilbrigði
án þess að benda á skilyrði þess eða þróun sjúkdóma. Ein ástæða
þessarar þagnar og bælingar var að kynhneigð átti engan stað eða
merkingu utan hjónabands. Allt annað var saurgun. Einnig var þagað um
hvernig kynhneigð tengist mannlegum þroska. Ein afleiðing þessa er að
kirkja og heimili hafa brugðist í því að veita kynfræðslu. Menn hafa
gengið þegjandi út frá því að vandamál kynlífsins leysist innan
hjónabandsins og þarfnist ekki frekari skilnings. Aðeins sé þörf á
viðmiðunum fyrir hjónabandið. Afleiðingar bælingar og fáfræði í þessu
sambandi eru of vel þekktar til þess að þörf sé á að fara út í þau mál.
Walter Lippmann hefur gefið í skyn að kirkjan hafi þjónað
sjálfri sér með því að bæla kynlífstjáninguna. Hún hafi heft
tilfinningalega orku sem síðan var tekin í þjónustu stofnunarinnar17 .
Þetta sjónarmið gerir ráð fyrir að kynorku megi göfga, en tengsl
kynorkunnar við mannlega sköpunargáfu er flókin spurning sem við
vitum lítið um.
Við sjáum á þessu hvar kristin umræða um kynlíf verður að
hefjast. Spurningin sný.st um merkingu kynhneigðar og kynlífs í
mannlegu lífi. Við þörfnumst siðfræði kynlífsins, en gildar viðmiðanir
hennar verða m.a. dregnar af þekkingu á því sem við erum að glíma við.
Þörfin á kristinni kenningu um kynlíf eru álíka brýn og viðbrögð
guðfræðinnar við þróun vísindalegrar þekkingar. Kirkjan var aldrei á
móti vísindum. Kenningar hennar um sköpun og trú áttu sinn þátt í að
nútíma vísindi hófust, eins og Alfred North Whitehead hefur sýnt fram á
á sannfærandi hátt.18 Eftir sem áður varð hin vísindalega aðferð að
ryðja sér braut vegna andstöðu kirkjunnar. Tengslin milli kristinnar
trúar og vísindalegrar aðferðar við að skilja náttúruna felur í sér mörg
17 The Spirit and the Forms of Love, Harper & Row 1968, bls. 218.
18 Alfred North Whitehead: Science and the Modern World, Free Press, New York 1967.
125