Gerðir kirkjuþings - 1996, Side 145

1 5.10.1996
Greinarqerð um samkynhneiqð oq kirkju____-28-
sig í sátt. Það er háð því hvort aðrir taki mann í sátt og hvort Guð taki
mann \ sátt. Fjölskyldur samkynhneigðra hafa sagt þeim að þeir tilheyri
ekki fjölskyldum sínum, kirkjan hefur tjáð þeim að þeir séu syndarar
vegna kynhneigðar sinnar, læknar hafa sagt þeim að þeir séu sjúkir og
lögin að þeir séu glæpamenn. í Ijósi þessara árása er furðulegt hvað
margir þeirra eru í tilfinningalegu jafnvægi og kynferðislega ábyrgir. Ef
einmanaleiki, þunglyndi og lauslæti er tíðara meðal samkynhneigðra er
það fyllilega skiljanlegt að áliti James Nelsons. Við ættum að hans
mati að vega að rótum vandamálsins, þ.e. þjóðfélagslegri kúgun.
Thielicke gerir það ekki. Ef hægt er að færa að því rök að við getum
hafnað syndinni án þess að hafna syndaranum, þá verðum við að spyrja
spurningarinnar: Hvað ef hin svo kallaða "synd" er eins mikill hluti af
manninum og litarhátturinn? Thielicke er ekki að segja að
samkynhneigðir séu syndugri en aðrir. Hann talar ekki um samkynhneigð
eins og Aquinas sem synd gegn náttúrunni (peccata contra naturam).
Hann staðhæfir aðeins ásamt Páli að allir hafi syndgað og skorti Guðs
dýrð og þörf sé á að viðurkenna það.
4) Fjórða guðfræðilega afstaðan er fullt samþykki. Þeir sem
taka undir þetta sjónarmið ganga út frá því að samkynhneigðin sé
eðlislæg fremur en frjálst val. Auk þess telja þeir að þessi afstaða
hvíli á þeirri sannfæringu að samkynhneigð geti tjáð og verið farvegur
fyrir mennsku Guðs. Hópur þeirra vex. 1 963 kom fram það sjónarmið
Kvekara að ekki beri að harma samkynhneigð fremur en að menn séu
örvhentir. Samkynhneigt fólk geti verið óeigingjarnt rétt eins og
gagnkynhneigt fólk og þess vegna geta Kvekarar ekki séð að
samkynhneigðin sé verri siðferðilega skoðað. Kaþólikkinn John Mc Neill
hefur tekið í sama streng í bókinni "The Church and the Homosexual".
Þessi afstaða getur hjálpað mönnum almennt að halda sér frá
stöðnuðum viðhorfum og gert þá frjálsari til að þroska persónuleikann.
Það er hægt að sýna fram á að samkynhneigðir þurfi innileg og varanleg
142