Peningamál - 01.08.2001, Blaðsíða 86

PENINGAMÁL 2001/3 85
hæfismatið séu taldar stöðugar í nýrri skýrslu fyrir-
tækisins um Ísland. Þessi niðurstaða endurspeglar
verulega bætta skuldastöðu opinbera geirans og stað-
festu stjórnvalda í hagstjórn sem lagt hefur grunn að
öflugum hagvexti, stöðugleika og miklum lífskjara-
bata á liðnum árum. Umfangsmiklar skipulagsbreyt-
ingar á síðasta áratug hafa falið í sér styrkingu á fjár-
málum hins opinbera, aukið frjálsræði á fjármála- og
vörumarkaði, aukna fjölbreytni í framleiðslu og út-
flutningi, bætta stjórn fiskveiða og frjálslyndari við-
horf til erlendrar fjárfestingar. Moody's varar á hinn
bóginn við því að miklum hagvexti hafi fylgt alvar-
legt ójafnvægi í þjóðarbúskapnum sem gæti grafið
undan efnahagslegum stöðugleika á komandi tíð.
Lánasýsla ríkisins tilkynnti um niðurstöður útboðs á
RIKB 07 0209. Um er að ræða ný óverðtryggð ríkis-
bréf, kúlubréf, sem bera ekki vexti og falla í gjald-
daga þann 9. febrúar 2007.
Hinn 13. febrúar var tilkynnt að í framhaldi af
kaupum Kaupþings hf. og samstarfsaðila á meiri-
hluta hlutafjár í Frjálsa fjárfestingarbankanum hafi
verið ákveðið að hætta starfsemi Markaðssviðs
Frjálsa fjárfestingarbankans hf.
Mars 2001
Hinn 16. mars fór fram útboð á ríkisvíxlum hjá Lána-
sýslu ríkisins. Var þetta síðasta útboðið sem féll undir
samning varðandi nýtt aðalmiðlarakerfi með ríkis-
víxla og viðskiptavakt með þá á eftirmarkaði.
Frá 23. mars til 27. mars þurfti Seðlabanki Íslands
ítrekað að selja Bandaríkjadali fyrir krónur með það
að markmiði að verja vikmörk íslensku krónunnar.
Alls voru seldir dalir fyrir 6,8 ma.kr. Helsta ástæða
óróans var óvissa um niðurstöður aðalfundar Seðla-
bankans sem auglýstur hafði verið 27. mars.
Hinn 27. mars undirrituðu Seðlabanki Íslands og
forsætisráðherra yfirlýsingu um breytingar á fyrir-
komulagi stjórnar peningamála á Íslandi sem tóku
gildi 28. mars 2001. Í stað þess að miða peninga-
stefnuna við að halda gengi krónunnar innan vik-
marka mun Seðlabankinn hér eftir miða hana við að
halda verðbólgu sem næst 2½% með ákveðnum þol-
mörkum. Ríkisstjórnin veitir Seðlabankanum fullt
svigrúm til að beita stjórntækjum sínum í því skyni
að ná verðbólgumarkmiði sínu.
Samhliða tilkynningu um breytta peningamálastefnu
tilkynnti Seðlabankinn um 0,5 prósentustiga vaxta-
lækkun í endurhverfum viðskiptum við lánastofnanir.
Apríl 2001
Hinn 17. apríl tók ríkissjóður 250 millj.evra lán með
milligöngu Dresdner Bank.
Hinn 26. apríl var Frjálsi fjárfestingarbankinn hf.
tekinn af skrá Verðbréfaþings Íslands. Kaupþing hf.
og aðilar sem stóðu sameiginlega að kaupum á
Frjálsa fjárfestingarbankanum hf. hafa eftir yfirtöku-
tilboð eignast 98,64% af heildarhlutafé félagsins og
uppfyllir það því ekki lengur skilyrði til skráningar á
Verðbréfaþingi Íslands hf.
Maí 2001
Hinn 4. maí birti Seðlabanki Íslands fyrstu verð-
bólguspá sína eftir að bankinn tók upp verðbólgu-
markmið. Seðlabankinn spáði því að verðbólga á
seinni hluta þessa árs gæti orðið allt að 6% og yrði
5,7% yfir árið. Spáin byggðist á þeim forsendum að
gengi krónunnar yrði óbreytt frá 26. apríl út spá-
tímann og að ekki yrði röskun á kjarasamningum.
Hinn 4. maí tilkynnti alþjóðalánshæfismatsfyrirtækið
Fitch að það hefði gefið Landsbanka Íslands hf. láns-
hæfiseinkunnina A fyrir langtímalán og F1 fyrir
skammtímalán. Einkunnin F1 er besta einkunn sem
fyrirtækið gefur. Að íslenska ríkinu undanskildu
hefur enginn íslenskur lántakandi fengið betri láns-
hæfiseinkunn.
Hinn 21. maí ákvað Lánasýsla ríkisins fyrir hönd
fjármálaráðherra að taka tilboðum Landsbanka Ís-
lands hf., Búnaðarbanka Íslands hf., Sparisjóðabanka
Íslands hf. og Kaupþings hf., sem buðu lægsta þókn-
un í viðskiptavakt á fimm flokkum ríkisverðbréfa.
Lánasýslan greiðir viðskiptavaka veltuþóknun sem
er 0,1% af fjárhæð viðskipta hans með umræddan
flokk og reiknast þóknun miðað við mánaðarlega
veltu á Verðbréfaþingi Íslands. Heildarþóknun getur
þó aldrei orðið meiri en 140 m.kr. á ári sem deilist á
viðskiptavaka.
Júní 2001
Hinn 8. júní tilkynnti Verðbréfaþing Íslands um
breytingu á samsetningu úrvalsvísitölunnar fyrir
tímabilið frá 1. júlí 2001 til 1. janúar 2002. Þrjú ný
félög komu inn í vísitöluna. Þau eru Kaupþing hf.,
Olíufélagið hf. og SÍF hf. og koma í stað Granda hf.,
Þormóðs ramma-Sæbergs hf. og Opinna kerfa hf.