Glóðafeykir - 01.12.1987, Qupperneq 12

12
GLÓÐAFEYKIR
Á ferðalagi.
Sá bíl standa í grænu túni, en kvöldið áður var auglýst bensínhækkun.
Lyftast mun á bændum brún,
brosin lengi vara,
geti þeir bílnum beitt á tún
bensín til að spara.
í orðastað frambjóðanda
í þingið létt ég liði inn,
laus við gigtarslæðing,
hefði ég undir hnakkinn minn
Höllustaðagæðing.
Á kvótaöld (þær biðu eftir bíl, sem ekki kom)
Umframkvóta atlotin
engir hljóta vildu.
Enda njóta áhrifin
ástarbótaskyldu.
Spurður álits á búnaði stúlku
Glatast eitt þegar annað vinnst,
ótal flíkur um kroppinn lykja.
Eitt er vís, hvað sem öðrum fínnst,
Evu-klæðin mér fegurst þykja.
Að iokum
Hér þó mali kjaftakvörn
kysi ég helst að þegja.
Öll eru þessi Bragabörn
borin til að deyja.