Glóðafeykir - 01.12.1987, Side 56

56
GLÓÐAFEYKIR
í Saurbæ með börnum þeirra hjóna fjórum, en frá árinu 1955 tekur
Þórarinn að fullu við búsforráðum í Saurbæ og býr þar síðan meðan
ævi endist.
Árið 1950 fluttist að Saurbæ unnusta Þórarins, Margrét Ingibjörg
Bjömsdóttir bónda á Skatastöðum í Austurdal, Þorsteinssonar, og
konu hans Sólborgar Júníusdóttur bónda á Kirkjubóli hjá Víðimýri,
Þórarinssonar, eyfirzkrar ættar, og konu
hans Sigríðar Jósefsdóttur. Var Björn á
Skatastöðum, faðir Margrétar í Saurbæ,
albróður Guðjóns á Skatastöðum, sjá
Glóðaf. 1970, 11. h. bls. 55.
Böm þeirra Þórarins og Margrétar eru
fjögur: Eymundur, húsasmiður á Akureyri,
Sólborg Jóhanna, bús. á Blönduósi, Hörður,
heima í Saurbæ, hefur unnið við
húsbyggingar undanfarin sumur- og Hrefna,
yngst til heimilis á Sauðárkróki.
Þórarinn í Saurbæ var mikill þrifnaðar-
bóndi, bætti jörð sína mjög að húsakosti og
ræktun, hugsaði vel um allan búfénað.
Sjálfum sér treysti hann bezt til allra athafna
- og má að vísu telja bæði kost og galla. En í öllu var hann nýtur maður
og að honum mikill sjónarsviptir, góðum búþegn og mætum dreng á
manndómsaldri. Hann unni sveitinni sinni, jörðinni sinni, unni ljúfum
niði Svartár við túnfótinn, þar sem hún löngum stundum söng honum
sinn dulmagnaða seið.
Þórarinn Eymundsson var meðalmaður á velli, frekar grannvaxinn,
dökkur á brún og brá, holdskarpur, geðþekkur maður í sjón og raun.
Hann var vel greindur, glaðlyndur, fasprúður, eigi þysmikill, en
stilltur og gæfusamlegur og kom sér hvarvetna vel. Hann var
greiðamaður einstakur og hjálpfús, naut óskoraðra vinsælda
nágranna sinna og sveitunga og var öllum harmdauði, þeim er af
honum höfðu einhver kynni.
Þórarinn Eymundsson
Guðmundur H. Sigurðsson, húsm. á Reynistað, lést 17. ágúst 1976.
Hann var fæddur að Spáná (Spræná) í Unadal hinn 5. okt. árið 1900,
sonur Sigurðar bónda þar og síðar á Hugljótsstöðum á Höfðaströnd
Ólafssonar bónda á Spáná, Ólafssonar bónda að Ósi við Höfðavatn
o.v., Hallssonar, og konu hans Margrétar Jakobínu Baldvinsdóttur
bónda í Bjarnastaðagerði í Unadal o. v., drukknaði 1904 (f. 1833),
Gottskálkssonar bónda í Garðshorni á Höfðaströnd o. v.,