Skírnir - 01.04.1989, Qupperneq 219

SKÍRNIR
ÞEGAR ORÐ TRUFLA
213
II
Uppúr þessu sækir að Grími vaxandi löngun til þess að heimsækja Alfrúnu
og gefa henni mynd eftir sig. Má vera að það sé vegna þess að hann veit að
flug hennar var upphafið að listsköpun hans. Má vera að það sé vegna þess
að rökkurraddir tengja hann við dauðann á dularfullan hátt. Þegar hinn
ungi varðmaður lífsins lætur verða af heimsókninni þá fær hann það stað-
fest að hann eigi að teikna. „Myndin átti að vera hans vopn. Hann er og
verður stríðsmaður“ (bls. 63).
Og um hvað stendur stríðið? Um varanaleik eða hverfulleik. Um sannleik
eða blekkingu. Um skipan eða glundroða. Um lífið eða dauðann. Hvorki
meira né minna.
Álfrún verður honum einskonar músa, listgyðja, þegar fram líða stundir.
Til hennar sækir hann innblástur, hún varðveitir myndirnar hans og hvetur
hann til dáða.
Hann hefur trúað Gottínu fyrir því að hann verði að teikna. Að
Álfrún segi að það sé skylda hans að teikna og leggja mikið á sig til
þess. Hann hefur sagt Gottínu að hann langi einhvern tíma til að
teikna alla jörðina. Allan himininn. Allan sjóinn. Og guð. Teikna
allt. (bls. 156)
Meðal annars ræða Grímur og Álfrún um vináttuna. Á Grímur vin? Nei.
Hann á engan vin. Reyndar hefur hann leitað vináttunnar. Hann laðaðist
að dreng sem hefur falleg augu og fallegar hendur. En ekki höfðu þeir fyrr
kynnst en Grímur sleit vinskapnum og ákvað að eignast aldrei vin framar.
Vinurinn Sigurður Sigurðarson, alias Tumi, er nefnilega óvinur lífsins.
Tumi tekur upp grjót og kastar út á ísinn.
Hviss.
Snjókornin breytast í hagl.
Grjótið hæfir fuglshöfuð.
Fuglinn liggur hreyfingarlaus á ísnum.
Blóð á ísnum.
Rautt og hvítt.
Grímur stendur hreyfingarlaus á bakkanum. Hann er fugl.
Snjókornin verða stálkúlur.
Tumi hleypur út á ísinn. Hann hlær.
- Komdu Grímur! kallar hann.
Grímur Hermundsson er grafkjurr. Hann er stálmaður án liða-
móta. Stálmaður. Tumi tekur fuglinn upp. Það er blóð á höndum
hans. Fuglinn þýtur milli þykkra lófanna, síðan upp í loftið ogniður
aftur. Tumi slítur vængina af honum. Einn í einu. Hægt. Hann
fleygir búknum frá sér. Vængjalaus fuglinn liggur á ísnum og blóð-